ଆଲମୋଡ଼ା, ୪ ଜୁନ୍ (ହି.ସ.)- ଲୋକସଭାରେ ବିରୋଧୀ ଦଳ ନେତା ତଥା କଂଗ୍ରେସ ସାଂସଦ ରାହୁଲ ଗାନ୍ଧୀ ଗୁରୁବାର ଦିନ ଆଲମୋଡ଼ା ପହଂଚି ପାରିନଥିଲେ କାରଣ ସେହି ଅଂଚଳରେ ପାଗ ଖରାପ ଥିଲା । ସେ ଫୋନ୍ ମାଧ୍ୟମରେ ଏହି ସମାବେଶକୁ ସମ୍ବୋଧିତ କରିଥିଲେ ।
କଂଗ୍ରେସ ନେତା ରାହୁଲ ଗାନ୍ଧୀ ଆଲମୋଡ଼ାର ସିମକାନିରେ ଥିବା ଏସ୍. ଏସ୍. ଜେ. ବିଶ୍ୱବିଦ୍ୟାଳୟ ଖେଳ ପଡ଼ିଆରେ ପରିବର୍ତନର ବିଗୁଲ ବଜାଇବା କାର୍ଯ୍ୟକ୍ରମର ଅଂଶବିଶେଷ ଭାବେ ଏକ ଜନସଭାକୁ ସମ୍ବୋଧିତ କରିବାର ଥିଲା । ଘଟଣାସ୍ଥଳରେ ବହୁ ସଂଖ୍ୟାରେ ଲୋକ ଏକାଠି ହୋଇଥିଲେ ମଧ୍ୟ ଖରାପ ପାଗ ଯୋଗୁଁ ପନ୍ତନଗରରୁ ସେମାନଙ୍କ ହେଲିକପ୍ଟର ଉଡ଼ାଣ ଭରିପାରିନଥିଲା । ଏହା ପରେ ରାହୁଲ ଗାନ୍ଧୀ ରାଜ୍ୟ ପ୍ରଭାରୀ ଶୈଳଜାଙ୍କ ଫୋନ୍ ମାଧ୍ୟମରେ ସମାବେଶକୁ ସମ୍ବୋଧିତ କରିଥିଲେ, ଯିଏକି ସାଧାରଣ ସଭା ସ୍ଥଳରେ ଉପସ୍ଥିତ ଥିଲେ ।
ଏହା ପୂର୍ବରୁ କଂଗ୍ରେସ ରାଜ୍ୟ ପ୍ରଭାରୀ ଶୈଳଜା, ପୂର୍ବତନ ମୁଖ୍ୟମନ୍ତ୍ରୀ ହରିଶ ରାୱତ, ବିରୋଧୀ ଦଳ ନେତା ଯଶପାଲ ଆର୍ଯ୍ୟ, ବିରୋଧୀ ଦଳ ଉପନେତା ଭୁବନ କାପ୍ରି, ରାଜ୍ୟ ସଭାପତି ଗଣେଶ ଗୋଦିୟାଲ, ବିଧାୟକ ମନୋଜ ତିୱାରୀ, ହରିଶ ଧାମି, ସୁମିତ ହୃଦୟେଶ, ପୂର୍ବତନ ବିଧାୟକ ଗୋବିନ୍ଦ ସିଂ କୁଞ୍ଜୱାଲ, ପୂର୍ବତନ ସାଂସଦ ପ୍ରଦୀପ ଟମଟା, ରାଜକୁମାର ଠୁକରାଲ, ପ୍ରକାଶ ଯୋଶୀ, ଜିଲ୍ଲା ସଭାପତି ଭୂପେନ୍ଦ୍ର ଭୋଜ ଏବଂ ଅନ୍ୟାନ୍ୟ ପଦାଧିକାରୀ ଏବଂ କର୍ମୀମାନେ ସାଧାରଣ ସଭାରେ ଉଦବୋଧନ ଦେଇଥିଲେ ।
ହିନ୍ଦୁସ୍ଥାନ ସମାଚାର / ପ୍ରଦୀପ୍ତ