ସୁରଟ, ଜୁନ7 (ହି.ସ)। ଗୁଜୁରାଟର ସୁରଟ ସହରର ଖଣ୍ଡ ବଜାର ଅଞ୍ଚଳରେ ରବିବାର ସକାଳେ ଏକ ଦୁଃଖଦ ଦୁର୍ଘଟଣା ଘଟିଛି। ଏଠାରେ ଚୋର୍ୟାସୀ ଡାଏରୀ ନିକଟସ୍ଥ ରତିହ୍ ଜୁଏଲର୍ସ ଠାରେ ଏକ ଭୂତଳ ଇ. ଟି. ପି. ଟ୍ୟାଙ୍କ୍ ସଫା କରିବା ସମୟରେ ବିଷାକ୍ତ ଗ୍ୟାସ୍ ଯୋଗୁ ଚାରି ଜଣ ଶ୍ରମିକଙ୍କ ମୃତ୍ୟୁ ଘଟିଥିଲା।

ଏହି ଘଟଣା ସମ୍ପର୍କରେ ଖବର ପାଇବା ପରେ ଅଗ୍ନିଶମ ବିଭାଗର ଏକ ଟିମ୍ ଘଟଣାସ୍ଥଳକୁ ଯାଇ ଯୁଦ୍ଧକାଳୀନ ଭିତ୍ତିରେ ଉଦ୍ଧାର କାର୍ଯ୍ୟ କରିବା ପରେ ଚାରିଜଣ ଶ୍ରମିକଙ୍କୁ ଉଦ୍ଧାର କରିଥିଲେ। ସେମାନଙ୍କୁ ତୁରନ୍ତ ଚିକିତ୍ସା ପାଇଁ ଶ୍ମିମର୍ ହସ୍ପିଟାଲକୁ ନିଆଯାଇଥିଲା, ଯେଉଁଠାରେ ଡାକ୍ତରମାନେ ଚାରିଜଣଙ୍କୁ ମୃତ ଘୋଷଣା କରିଥିଲେ। ମୃତକମାନେ ହେଲେ ନିମେଶ ବିଟ୍ଠଲଭାଇ ସାଭାଲିଆ (26 ବର୍ଷ) ସୁପରଭାଇଜର, ବିକାଶ କୁମାର ସନ୍ତୋଷଭାଇ ସୋନାୱାନେ (24 ବର୍ଷ), ବିଜୟ ଭିଖାଭାଇ ଅହିରେ (24 ବର୍ଷ), ଯୋଗୀଶ ନାନାଭାଇ ଯାଦବ।

ଏହା ଘଟିଛି।

କୁହାଯାଉଛି ଯେ ଯୋଗେଶ୍ ପ୍ରଥମେ ଟାଙ୍କି ସଫା କରିବା ପାଇଁ ଭିତରକୁ ଯାଇଥିଲେ। ଯେତେବେଳେ ସେ ଫଶି ଯାଇଥିଲେ ବିକାଶ ଏବଂ ବିଜୟ ତାଙ୍କୁ ବଞ୍ଚାଇବାକୁ ତଳକୁ ଯାଇଥିଲେ, କିନ୍ତୁ ସେମାନେ ମଧ୍ୟ ବିଷାକ୍ତ ଗ୍ୟାସରେ ଅସୁସ୍ଥ ହୋଇପଡିଥିଲେ । ଏହାପରେ ସୁପରଭାଇଜର ନିମେଶ ସବାଲିଆ ଅଗ୍ନିଶମ ବିଭାଗକୁ ଖବର ଦେଇଥିଲେ ଏବଂ ନିଜେ ଉଦ୍ଧାର ପାଇଁ ଟ୍ୟାଙ୍କ ଭିତରକୁ ଯାଇଥିଲେ, ଯେଉଁଠାରେ ସେ ମଧ୍ୟ ଚେତାଶୂନ୍ୟ ହୋଇ ପଡ଼ିଥିଲେ। ଫଳରେ ଚାରି ଜଣଙ୍କର ମୃତ୍ୟୁ ଘଟିଥିଲା।

--------

ହିନ୍ଦୁସ୍ଥାନ ସମାଚାର / ସ୍ୱାଗତିକା