ଭୋପାଳ, ଜୁନ 08 (ହି.ସ)। ଭାରତୀୟ ଜନତା ପାର୍ଟି (ବିଜେପି) ମତ୍ସ୍ୟଜୀବୀ କଲ୍ୟାଣ ବୋର୍ଡର ଅଧ୍ୟକ୍ଷ ମହେଶ କେୱାଟଙ୍କୁ ମଧ୍ୟପ୍ରଦେଶର ତୃତୀୟ ରାଜ୍ୟସଭା ଆସନ ପାଇଁ ପ୍ରାର୍ଥୀ କରିଛି। ଏହି ଆସନରେ ସେ କଂଗ୍ରେସ ପ୍ରାର୍ଥୀ ମୀନାକ୍ଷୀ ନଟରାଜନଙ୍କ ବିରୋଧରେ ପ୍ରତିଦ୍ୱନ୍ଦ୍ୱିତା କରିବେ। ଏହି ଦୁଇ ନେତା ଆଜି (ସୋମବାର) ନାମାଙ୍କନ ପତ୍ର ଦାଖଲ କରିବେ।

ମଧ୍ୟପ୍ରଦେଶର ତିନୋଟି ରାଜ୍ୟସଭା ଆସନ ଖାଲି ହେବାକୁ ଯାଉଛି। ଏହି ତିନୋଟି ଆସନ ପୂରଣ କରିବା ପାଇଁ ଦ୍ୱିବାର୍ଷିକ ନିର୍ବାଚନ ପ୍ରକ୍ରିୟାର ଅଂଶବିଶେଷ ଭାବେ ଆଜି ନାମାଙ୍କନ ପ୍ରକ୍ରିୟାର ଶେଷ ଦିନ। ମଧ୍ୟପ୍ରଦେଶ ବିଧାନସଭାରେ ବିଧାୟକ ସଂଖ୍ୟାକୁ ଦେଖିଲେ, ବିଜେପି ଦୁଇଟି ରାଜ୍ୟସଭା ଆସନ ଏବଂ କଂଗ୍ରେସ ଗୋଟିଏ ଜିତିବା ନିଶ୍ଚିତ।

ପୂର୍ବରୁ ବିଜେପି ଦୁଇଟି ଆସନରେ ପ୍ରାର୍ଥୀ ଘୋଷଣା କରିସାରିଛି। ଉଭୟ ପ୍ରାର୍ଥୀ ତରୁଣ ଚୁଗ୍ ଏବଂ ରଜନୀଶ ଅଗ୍ରୱାଲ ନାମାଙ୍କନ ଦାଖଲ କରିଥିବାବେଳେ ଗୋଟିଏ ଆସନ ପାଇଁ କଂଗ୍ରେସ ମୀନାକ୍ଷୀ ନଟରାଜନଙ୍କୁ ପ୍ରାର୍ଥୀ ଘୋଷଣା କରିଛି। ଆଜି ସେ ନାମାଙ୍କନ ପତ୍ର ଦାଖଲ କରିବେ। ତୃତୀୟ ଆସନ ପାଇଁ ମଧ୍ୟ ବିଜେପି ପ୍ରାର୍ଥୀ ଘୋଷଣା କରିଛି।

ତୃତୀୟ ପ୍ରାର୍ଥୀ ପାଇଁ ଦଳ ଦିଲ୍ଲୀରୁ ସବୁଜ ସଙ୍କେତ ପାଇବା ପରେ ରବିବାର ରାତିରେ ମୁଖ୍ୟମନ୍ତ୍ରୀଙ୍କ ବାସଭବନରେ ବିଜେପି ବିଧାୟକ ଦଳର ଏକ ବୈଠକ ଅନୁଷ୍ଠିତ ହୋଇଥିଲା। ପ୍ରାୟ ଏକ ଘଣ୍ଟା ଧରି ଚାଲିଥିବା ଏହି ବୈଠକରେ ବରିଷ୍ଠ ନେତାମାନେ ନିର୍ବାଚନ ରଣନୀତି ଏବଂ ନାମାଙ୍କନ ପ୍ରକ୍ରିୟା ଉପରେ ଆଲୋଚନା କରିଥିଲେ। ଏହା ପରେ ମହେଶ କେୱତଙ୍କ ନାମରେ ଅନ୍ତିମ ମୋହର ଲଗାଯାଇଥିଲା।

--------

ହିନ୍ଦୁସ୍ଥାନ ସମାଚାର / ସ୍ୱାଗତିକା