ନୂଆଦିଲ୍ଲୀ, ୨୩ ଜୁଲାଇ (ହି.ସ.)-ଦିଲ୍ଲୀ ହାଇକୋର୍ଟରେ ଏକ ଆବେଦନ ଦାଖଲ କରି ଜୁଲାଇ ୨୦ ସଂସଦ ମାର୍ଚ୍ଚର ଜାତୀୟ ତଦନ୍ତ ସଂସ୍ଥା (ଏନଆଇଏ) ଦ୍ୱାରା ତଦନ୍ତ ପାଇଁ ଦାବି କରାଯାଇଛି।ଆଜି ଏହି ଆବେଦନକୁ ମୁଖ୍ୟ ବିଚାରପତି ଡିକେ ଉପାଧ୍ୟାୟଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠ ସମ୍ମୁଖରେ ଉଲ୍ଲେଖ କରିବା ସମୟରେ, ଶୀଘ୍ର ଶୁଣାଣି ପାଇଁ ଦାବି କରାଯାଇଥିଲା।ଆବେଦନକାରୀଙ୍କ ପ୍ରତିନିଧିତ୍ୱ କରୁଥିବା ଓକିଲ ବରୁଣ କୁମାର ସିହ୍ନା କହିଛନ୍ତି ଯେ ଏହି ମାମଲା ତଥାକଥିତ ଛାତ୍ର ଆନ୍ଦୋଳନ ସହିତ ଜଡିତ। ଏହି ଆନ୍ଦୋଳନ ସମଗ୍ର ଦିଲ୍ଲୀକୁ ବନ୍ଧକ କରିଥିଲା, ରାସ୍ତା ଅବରୋଧ କରିଥିଲା ଏବଂ ଦିଲ୍ଲୀର ନାଗରିକମାନଙ୍କୁ କଷ୍ଟ ଦେଇଥିଲା। କୋର୍ଟ ୨୪ ଜୁଲାଇରେ ଶୁଣାଣି ପାଇଁ ନିର୍ଦ୍ଦେଶ ଦେଇଥିଲେ।ଅଖିଳ ଭାରତ ହିନ୍ଦୁ ମହାସଭାର ପୂର୍ବତନ ଉପାଧ୍ୟକ୍ଷ ସତୀଶ କୁମାର ଅଗ୍ରୱାଲ ଏହି ଆବେଦନ ଦାଖଲ କରିଥିଲେ, ଯେଉଁଥିରେ ଅଭିଯୋଗ କରାଯାଇଥିଲା ଯେ ଜନ୍ତରମନ୍ତର ଆନ୍ଦୋଳନ ରାଜନୈତିକ ଭାବରେ ପ୍ରେରିତ ଏବଂ ଏହା ପଛରେ ବିଦେଶୀ ଶକ୍ତିର ହାତ ଅଛି। ଆବେଦନରେ ଦିଲ୍ଲୀ ପୋଲିସ ଦ୍ୱାରା ପଞ୍ଜିକୃତ ଏଫଆଇଆରର ତଦନ୍ତ ଏନଆଇଏକୁ ହସ୍ତାନ୍ତର କରିବାକୁ ଦାବି କରାଯାଇଥିଲା।
---------------
ହିନ୍ଦୁସ୍ଥାନ ସମାଚାର / ରଶ୍ମିତା
