- ଜାଲି ଦଲିଲ ଆଧାରରେ ଭାରତକୁ ଅନୁପ୍ରବେଶର ଷଡ଼ଯନ୍ତ୍ର, ଏସଏସବି ଏବଂ ପୁଲିସର ମିଳିତ କାର୍ଯ୍ୟାନୁଷ୍ଠାନରେ ଖୁଲାସା
ବହରାଇଚ, ୨୪ ଜୁଲାଇ (ହି.ସ.)- ଭାରତ-ନେପାଳ ଆନ୍ତର୍ଜାତିକ ସୀମାରେ ବେଆଇନ ଅନୁପ୍ରବେଶ କରାଉଥିବା ଏକ ସଂଗଠିତ ନେଟୱର୍କର ପର୍ଦ୍ଦାଫାସ ବହରାଇଚ ପୁଲିସ ଏବଂ ଏସଏସବି ଶୁକ୍ରବାର କରିଛନ୍ତି। ମିଳିତ କାର୍ଯ୍ୟାନୁଷ୍ଠାନରେ ଆମେରିକାରୁ ଆସିଥିବା ନିଷିଦ୍ଧ ସଂଗଠନ 'ୱାରିସ ପଞ୍ଜାବ ଦେ'ର ଜଣେ ସକ୍ରିୟ ସଦସ୍ୟ ସମେତ ପାଂଚ ଜଣଙ୍କୁ ଗିରଫ କରାଯାଇଛି।
ପୁଲିସ ଅଧୀକ୍ଷକ ବିଶ୍ୱଜୀତ ଶ୍ରୀବାସ୍ତବ କହିଛନ୍ତି ଯେ ରୁପଇଡିହା ଥାନା ଅଂଚଳର ବିଆଇଟି ଚେକ୍ ପୋଷ୍ଟରେ ବିଶେଷ ଗୁପ୍ତଚର ସୂଚନା ଆଧାରରେ ଏସଏସବି ଏବଂ ପୁଲିସର ମିଳିତ ଦଳ ଗୁରୁବାର ରାତିରେ ନେପାଳରୁ ଭାରତକୁ ବେଆଇନ ଭାବେ ପ୍ରବେଶ କରୁଥିବା ସନ୍ଦିଗ୍ଧମାନଙ୍କୁ ଅଟକାଇଥିଲେ।
ପଚରାଉଚରା ଏବଂ ତଦନ୍ତରେ ଜଣାପଡ଼ିଛି ଯେ ଗିରଫ ବ୍ୟକ୍ତିମାନଙ୍କ ମଧ୍ୟରେ ଆମେରିକାର କାଲିଫର୍ନିଆ ବାସିନ୍ଦା ମନବୀର ସିଂହ ଢିଲ୍ଲୋନ୍ ଏବଂ ପଞ୍ଜାବ ବାସିନ୍ଦା ବିକ୍ରମଜୀତ ସିଂହ ଅଛନ୍ତି, ଯେଉଁମାନେ 'ୱାରିସ ପଞ୍ଜାବ ଦେ' ସଂଗଠନ ସହ ଜଡ଼ିତ ବୋଲି କୁହାଯାଉଛି। ସେମାନଙ୍କ ସହ ତିନି ଜଣ ସ୍ଥାନୀୟ ସହଯୋଗୀ ରାହୁଲ କୁମାର, ସୁରେଶ କୁମାର ପାଠକ ଏବଂ ଦିଲୀପ ପାଠକ ଉର୍ଫ ରାହୁଲ ପାଠକଙ୍କୁ ମଧ୍ୟ ଗିରଫ କରାଯାଇଛି।
ତଦନ୍ତରେ ସାମ୍ନାକୁ ଆସିଛି ଯେ ଅଭିଯୁକ୍ତମାନେ ଜାଲି ପରିଚୟପତ୍ର ପ୍ରସ୍ତୁତ କରି ଏବଂ ସ୍ଥାନୀୟ ସହଯୋଗୀଙ୍କ ସାହାଯ୍ୟରେ ନେପାଳ ମାର୍ଗରେ ଭାରତକୁ ବେଆଇନ ଅନୁପ୍ରବେଶ କରୁଥିଲେ। ପଚରାଉଚରା ବେଳେ ଅଭିଯୁକ୍ତମାନଙ୍କ ପାଖରୁ ସଂଗଠନ ଏବଂ ଏହାର କାର୍ଯ୍ୟକଳାପ ସହ ଜଡ଼ିତ ଅନେକ ଗୁରୁତ୍ୱପୂର୍ଣ୍ଣ ସୁରାକ ମିଳିଛି। ପଞ୍ଜାବ ପୁଲିସ ସହ ମଧ୍ୟ ଯୋଗାଯୋଗ କରାଯାଇ ସେମାନଙ୍କ ଅପରାଧିକ ଇତିହାସ ଏବଂ ନେଟୱର୍କ ସମ୍ବନ୍ଧୀୟ ସୂଚନା ସଂଗ୍ରହ କରାଯାଉଛି।
---------------------------
---------------
ହିନ୍ଦୁସ୍ଥାନ ସମାଚାର / ଗଗନ
