- ଗୋଟିଏ ସପ୍ତାହରେ ରୂପା 10 ହଜାର ଟଙ୍କା ପର୍ଯ୍ୟନ୍ତ ମହଙ୍ଗା ହେଲା

ନୂଆଦିଲ୍ଲୀ, ଜୁଲାଇ 26 (ହି.ସ) ଦେଶୀୟ ସୁନାରୂପା ବଜାରରେ ଆଜି ପ୍ରାରମ୍ଭିକ କାରବାର ସମୟରେ ସୁନା ଓ ରୂପା ଦରରେ ବୃଦ୍ଧିର ଧାରା ଦେଖିବାକୁ ମିଳିଛି। ଦର ବୃଦ୍ଧି ହେତୁ ଦେଶର ଅଧିକାଂଶ ସରାଫା ବଜାରରେ ସୁନା ଦର ୧୦ ଗ୍ରାମ ପିଛା ୫୬୦ ଟଙ୍କାରୁ ୬୧୦ ଟଙ୍କା ପର୍ଯ୍ୟନ୍ତ ବଢ଼ିଛି। ସେହିପରି, ରୂପା ଦରରେ ମଧ୍ୟ ଆଜି ପ୍ରାରମ୍ଭିକ କାରବାରରେ କିଲୋଗ୍ରାମ ପିଛା ୫,୧୦୦ ଟଙ୍କା ବୃଦ୍ଧି ରେକର୍ଡ ହୋଇଛି।

ଦର ବୃଦ୍ଧି ପରେ ଦେଶର ଅଧିକାଂଶ ସରାଫା ବଜାରରେ ୨୪ କ୍ୟାରେଟ୍ ସୁନା ଆଜି ୧୦ ଗ୍ରାମ ପିଛା ୧,୪୪,୯୩୦ ଟଙ୍କାରୁ ୧,୪୫,୦୮୦ ଟଙ୍କା ମଧ୍ୟରେ କାରବାର ହେଉଛି। ସେହିପରି ୨୨ କ୍ୟାରେଟ୍ ସୁନା ୧୦ ଗ୍ରାମ ପିଛା ୧,୩୨,୮୫୦ ଟଙ୍କାରୁ ୧,୩୩,୦୦୦ ଟଙ୍କା ମଧ୍ୟରେ ବିକ୍ରି ହେଉଛି। ରୂପା ଦର ବଢ଼ିବା ପରେ ଦିଲ୍ଲୀ ସରାଫା ବଜାରରେ ଏହା କିଲୋଗ୍ରାମ ପିଛା ୨,୪୦,୦୦୦ ଟଙ୍କାରେ ବିକ୍ରି ହେଉଛି।

ସାପ୍ତାହିକ ଭିତ୍ତିରେ ଦେଖିଲେ, ଲଗାତାର ଦରର ଉତ୍ଥାନ-ପତନ ସତ୍ତ୍ୱେ ସୁନା ଓ ରୂପା ଉଭୟର ମୂଲ୍ୟ ବୃଦ୍ଧି ପାଇଛି। ଗତ ସପ୍ତାହରେ ୨୪ କ୍ୟାରେଟ୍ ସୁନା ୧୦ ଗ୍ରାମ ପିଛା ୧,୮୦୦ ଟଙ୍କା ପର୍ଯ୍ୟନ୍ତ ମହଙ୍ଗା ହୋଇଛି। ସେହିପରି ୨୨ କ୍ୟାରେଟ୍ ସୁନା ଦର ୧୦ ଗ୍ରାମ ପିଛା ୧,୬୫୦ ଟଙ୍କା ବଢ଼ିଛି। ଉତ୍ଥାନ-ପତନ ସତ୍ତ୍ୱେ ରୂପା ମଧ୍ୟ ଗତ ସପ୍ତାହରେ ମହଙ୍ଗା ହୋଇଛି ଏବଂ ଏହାର ଦର କିଲୋଗ୍ରାମ ପିଛା ୧୦,୦୦୦ ଟଙ୍କା ପର୍ଯ୍ୟନ୍ତ ବୃଦ୍ଧି ପାଇଛି।

ଦିଲ୍ଲୀରେ ଆଜି ୨୪ କ୍ୟାରେଟ୍ ସୁନାର ଦର ୧୦ ଗ୍ରାମ ପିଛା ୧,୪୫,୦୮୦ ଟଙ୍କା, ଯେତେବେଳେ ୨୨ କ୍ୟାରେଟ୍ ସୁନାର ମୂଲ୍ୟ ୧୦ ଗ୍ରାମ ପିଛା ୧,୩୩,୦୦୦ ଟଙ୍କା ରହିଛି। ଦେଶର ଆର୍ଥିକ ରାଜଧାନୀ ମୁମ୍ବାଇରେ ୨୪ କ୍ୟାରେଟ୍ ସୁନା ୧୦ ଗ୍ରାମ ପିଛା ୧,୪୪,୯୩୦ ଟଙ୍କା ଏବଂ ୨୨ କ୍ୟାରେଟ୍ ସୁନା ୧୦ ଗ୍ରାମ ପିଛା ୧,୩୨,୮୫୦ ଟଙ୍କାରେ ବିକ୍ରି ହେଉଛି। ସେହିପରି ଅହମ୍ମଦାବାଦରେ ୨୪ କ୍ୟାରେଟ୍ ସୁନାର ଖୁଚୁରା ଦର ୧୦ ଗ୍ରାମ ପିଛା ୧,୪୪,୯୮୦ ଟଙ୍କା ଏବଂ ୨୨ କ୍ୟାରେଟ୍ ସୁନାର ଦର ୧୦ ଗ୍ରାମ ପିଛା ୧,୩୨,୯୦୦ ଟଙ୍କା ରହିଛି।

--------

ହିନ୍ଦୁସ୍ଥାନ ସମାଚାର / ସ୍ୱାଗତିକା