ନୂଆଦିଲ୍ଲୀ, ୨୬ ଜୁଲାଇ (ହି.ସ) ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ 'ମନ୍ କି ବାତ୍' କାର୍ଯ୍ୟକ୍ରମରେ ବିଜ୍ଞାନ, ନବସୃଜନ, କ୍ରୀଡ଼ା ଏବଂ ଜାତୀୟ ସୁରକ୍ଷା କ୍ଷେତ୍ରରେ ଭାରତର ସଫଳତା ବିଷୟରେ ଉଲ୍ଲେଖ କରିଥିଲେ ଏବଂ କାରଗିଲ ବିଜୟ ଦିବସ ଅବସରରେ ସାହସୀ ସୈନିକମାନଙ୍କ ସାହସ ଏବଂ ବଳିଦାନକୁ ନମନ କରିଛନ୍ତି।
'ମନ୍ କି ବାତ୍ ର 136ତମ ଅଧ୍ୟାୟରେ ପ୍ରଧାନମନ୍ତ୍ରୀ ବିକ୍ରମ-1ର ସଫଳ ଉତକ୍ଷେପଣ ଏବଂ ଅନ୍ତର୍ଜାତୀୟ ବିଜ୍ଞାନ ଅଲିମ୍ପିଆଡରେ ଭାରତୀୟ ଛାତ୍ରଛାତ୍ରୀଙ୍କ ଉଲ୍ଲେଖନୀୟ ପ୍ରଦର୍ଶନକୁ ପ୍ରଶଂସା କରିଥିଲେ। କ୍ରୀଡ଼ାରେ ଭାରତୀୟ କ୍ରୀଡ଼ାବିତମାନଙ୍କ ସଫଳତାକୁ ସେ ଦେଶ ପାଇଁ ପ୍ରେରଣାଦାୟୀ ବୋଲି ବର୍ଣ୍ଣନା କରିଥିଲେ। କେରଳରେ ସଂସ୍କୃତ ଶିକ୍ଷାକୁ ଫୁଟବଲ ସହିତ ଯୋଡ଼ିବାର ଅଭିନବ ପଦକ୍ଷେପ ବିଷୟରେ ସେ ଉଲ୍ଲେଖ କରିଥିଲେ।
ପ୍ରଧାନମନ୍ତ୍ରୀ କହିଥିଲେ ଯେ ଭାରତ ଏକ ବିଶ୍ୱସ୍ତରୀୟ ପ୍ରତିରକ୍ଷା ଅଂଶୀଦାର ଭାବେ ଉଭା ହେଉଛି ଏବଂ ପ୍ରତିରକ୍ଷା କ୍ଷେତ୍ରରେ ଆତ୍ମନିର୍ଭରଶୀଳ ହେଉଛି। 'କ୍ୟାଚ୍ ଦ ରେନ୍ ଅଭିଯାନରେ ଜନସାଧାରଣଙ୍କ ବର୍ଦ୍ଧିତ ଅଂଶଗ୍ରହଣକୁ ମଧ୍ୟ ସେ ପ୍ରଶଂସା କରିଥିଲେ।
ପ୍ରଧାନମନ୍ତ୍ରୀ କହିଥିଲେ ଯେ ଉତ୍ତରପ୍ରଦେଶର ଏକ ସ୍ୱୟଂ ସହାୟକ ଗୋଷ୍ଠୀର ମହିଳାମାନଙ୍କ ଦ୍ୱାରା ପ୍ରସ୍ତୁତ ଭେଷଜ ଚା 'ଆତ୍ମନିର୍ଭରଶୀଳତାର ପ୍ରତୀକ ପାଲଟିଛି। ସାରା ଦେଶରେ ପ୍ରକୃତି ସଂରକ୍ଷଣ ଏବଂ ଜୈବ ବିବିଧତା ସଂରକ୍ଷଣ ଦିଗରେ ଜନସାଧାରଣଙ୍କ ସାମୂହିକ ଅଂଶଗ୍ରହଣ ଏବଂ ପ୍ରେରଣାଦାୟୀ ପ୍ରୟାସକୁ ମଧ୍ୟ ସେ ପ୍ରଶଂସା କରିଥିଲେ।
--------
ହିନ୍ଦୁସ୍ଥାନ ସମାଚାର / ସ୍ୱାଗତିକା
