ବିରୋଧୀ ଏହାକୁ ଗଣତନ୍ତ୍ର ଉପରେ ଆକ୍ରମଣ ବୋଲି କହିଲେ, ସ୍ୱାଭାବିକ କାର୍ଯ୍ୟାନୁଷ୍ଠାନ ବୋଲି କହିଲେ ନଡ୍ଡା

ନୂଆଦିଲ୍ଲୀ, ୨୯ ଜୁଲାଇ(ହି.ସ.) – କମ୍ୟୁନିଷ୍ଟ ପାର୍ଟି ଅଫ୍ ଇଣ୍ଡିଆ-ମାର୍କ୍ସବାଦୀ(ସିପିଆଇ-ଏମ୍)ର ଛାତ୍ର ନେତ୍ରୀ ତଥା ପୂର୍ବତନ ଜବାହରଲାଲ ନେହେରୁ ବିଶ୍ୱବିଦ୍ୟାଳୟ ଛାତ୍ର ସଂଘ(ଜେ.ଏନ୍.ୟୁ.ଏସ୍.ୟୁ.)ର ଅଧ୍ୟକ୍ଷା ଆଇଶୀ ଘୋଷଙ୍କୁ ଅଟକ ରଖିବା ପାଇଁ ଦିଲ୍ଲୀ ପୋଲିସ ଉଦ୍ୟମ କରିଥିବା ଅଭିଯୋଗକୁ ନେଇ ବୁଧବାର ଦିନ ରାଜ୍ୟସଭାରେ ବିରୋଧୀ ଦଳ ଏବଂ ଟ୍ରେଜେରୀ ବେଂଚ ମଧ୍ୟରେ ତୀବ୍ର ଯୁକ୍ତିତର୍କ ହୋଇଥିଲା। ବିରୋଧୀ ଦଳ ଏହାକୁ ଗଣତନ୍ତ୍ର ଉପରେ ଆକ୍ରମଣ ବୋଲି ଅଭିହିତ କରିଥିବାବେଳେ ସରକାର ଏହାକୁ ସାଧାରଣ ଆଇନ ଶୃଙ୍ଖଳା କାର୍ଯ୍ୟ ବୋଲି କହିଛନ୍ତି ଏବଂ ବିରୋଧୀ ଦଳ ଏହି ପ୍ରସଙ୍ଗକୁ ରାଜନୀତିକରଣ କରିଥିବା ଅଭିଯୋଗ କରିଛନ୍ତି।

ସିପିଆଇ(ଏମ୍) ସାଂସଦ ଜନ୍ ବ୍ରିଟାସ୍ ଗୃହରେ ଏହି ପ୍ରସଙ୍ଗ ଉଠାଇ ଅଭିଯୋଗ କରିଛନ୍ତି ଯେ ଆଇଶୀ ଘୋଷଙ୍କୁ ଗିରଫ କରିବା ଉଦ୍ଦେଶ୍ୟରେ ମଙ୍ଗଳବାର ଦିନ ଦିଲ୍ଲୀ ପୋଲିସର କିଛି କର୍ମଚାରୀ ଦଳର ମୁଖ୍ୟାଳୟ ଏ.କେ.ଜି ଭବନରେ ପହଂଚିଥିଲେ। ସେ ଦାବି କରିଛନ୍ତି ଯେ ପୋଲିସ ରିପୋର୍ଟ କରିଛି ଯେ ଏହା ୨୦୨୧ରେ ଜେଏନ୍ୟୁ କ୍ୟାମ୍ପସରେ ଘଟିଥିବା ଏକ ବିକ୍ଷୋଭ ସମ୍ବନ୍ଧୀୟ ମାମଲାରେ କାର୍ଯ୍ୟାନୁଷ୍ଠାନ ଗ୍ରହଣ କରୁଛି। ବ୍ରିଟାସ୍ ଅଭିଯୋଗ କରିଛନ୍ତି ଯେ ପୋଲିସମାନେ ୟୁନିଫର୍ମ ବିନା ପାର୍ଟି ଅଫିସରେ ପ୍ରବେଶ କରିଥିଲେ ଏବଂ ଭୟର ବାତାବରଣ ସୃଷ୍ଟି କରିବାକୁ ଚାହୁଁଥିଲେ।

ରାଜ୍ୟସଭାରେ ବିରୋଧୀ ଦଳ ନେତା ମଲ୍ଲିକାର୍ଜୁନ ଖଡଗେ ବ୍ରିଟାସ୍ଙ୍କୁ ସମର୍ଥନ କରି କହିଛନ୍ତି ଯେ ଯଦି ଏକ ସ୍ୱୀକୃତିପ୍ରାପ୍ତ ଜାତୀୟ ରାଜନୈତିକ ଦଳର କାର୍ଯ୍ୟାଳୟରେ ପୋଲିସ୍ ଏବଂ କେନ୍ଦ୍ରୀୟ ଏଜେନ୍ସି ଅଧିକାରୀମାନେ ଉପଯୁକ୍ତ ୱାରେଂଟ୍ ବିନା କାହାକୁ ଗିରଫ କରିବାକୁ ପ୍ରବେଶ କରନ୍ତି ତେବେ ଏହା ଗଣତନ୍ତ୍ର ପାଇଁ ଏକ ବିପଜ୍ଜନକ ପରିସ୍ଥିତି। ସେ କହିଛନ୍ତି ଯେ ଏଭଳି କାର୍ଯ୍ୟାନୁଷ୍ଠାନ ପାଇଁ ଦାୟୀ ଅଧିକାରୀଙ୍କ ଉତରଦାୟିତ୍ୱ ସ୍ଥିର ହେବା ଉଚିତ ଏବଂ କାହା ନିର୍ଦ୍ଦେଶରେ ସେମାନଙ୍କୁ ସେଠାକୁ ପଠାଯାଇଥିଲା ତାହା ସ୍ପଷ୍ଟ ହେବା ଉଚିତ।

ହିନ୍ଦୁସ୍ଥାନ ସମାଚାର/ବୀଣାପାଣି

.......................................

ହିନ୍ଦୁସ୍ଥାନ ସମାଚାର / ବୀଣାପାଣି