ନୂଆଦିଲ୍ଲୀ, ଅଗଷ୍ଟ ୧୦ (ହି.ସ.) - କେନ୍ଦ୍ର ବୟନ ଶିଳ୍ପ ମନ୍ତ୍ରଣାଳୟର ସଚିବ ନୀଲମ ଶାମି ରାଓ ସୋମବାର କହିଛନ୍ତି ଯେ ବୁଣାକାରମାନଙ୍କ ଆୟ ବାର୍ଷିକ ୧୦ ଲକ୍ଷ ଟଙ୍କାକୁ ବୃଦ୍ଧି କରିବା ଏବଂ ହସ୍ତତନ୍ତ ଶିଳ୍ପକୁ ପାରମ୍ପରିକ ସୀମାରୁ ବାହାର କରି ଆଧୁନିକ ବଜାରର ଚାହିଦା ପୂରଣ କରିବା ସରକାରଙ୍କ ଲକ୍ଷ୍ୟ।
ସଚିବ ନୀଲମ ଶାମି ରାଓ ଆଜି ଦିଲ୍ଲୀର ଆନ୍ତର୍ଜାତୀୟ ଆମ୍ବେଦକର ଭବନରେ ଆୟୋଜିତ ଜାତୀୟ ହସ୍ତତନ୍ତ ଡିଜାଇନର୍ ସମ୍ମିଳନୀ ୨୦୨୬' କୁ ଉଦଘାଟନ କରି ଏହା କହିଛନ୍ତି। ଏହାର ମୁଖ୍ୟ ଉଦ୍ଦେଶ୍ୟ ହେଉଛି ହସ୍ତତନ୍ତ କ୍ଷେତ୍ରର ବିକାଶ, ବୁଣାକାରମାନଙ୍କ ଆୟ ବୃଦ୍ଧି ଏବଂ ନୂତନ ପିଢ଼ିକୁ ଏହି ପରମ୍ପରା ସହିତ ଯୋଡ଼ିବା।
ଆମର ବୁଣାକାର ଭାଇ ଓ ଭଉଣୀମାନେ ଦୀର୍ଘ ସମୟ ଧରି ସମାନ ଶାଢ଼ୀ, ରଙ୍ଗ ଏବଂ ଢାଂଚାରେ ସୀମିତ ରହିଛନ୍ତି। ଆଜିର ବହୁସ୍ତରୀୟ ବଜାରରେ ଯେଉଁଠି ଗୋଟିଏ ପଟେ ପାରମ୍ପରିକ କାର୍ଯ୍ୟ ହେଉଛି, ସେହିଭଳି ଅନ୍ୟ ପଟେ ବୁଣାକାର ମଧ୍ୟ ଅଛନ୍ତି, ଯେଉଁମାନେ ବଜାରର ଚାହିଦା ଅନୁଯାୟୀ ନିଜର ଦକ୍ଷତା ପରିବର୍ତନ କରୁଛନ୍ତି। ଏହା ବ୍ୟତୀତ, ଡିଜାଇନର୍ ଏବଂ କମ୍ପାନୀ ସହଯୋଗ ଦ୍ୱାରା ପରିଚାଳିତ ଏକ ପୃଥକ ପ୍ରିମିୟମ୍ ବଜାର ମଧ୍ୟ ଦ୍ରୁତ ଗତିରେ ଉଭା ହେଉଛି ।
ସଚିବ କହିଲେ ଯେ ବୁଣାକାରମାନଙ୍କ ସୀମିତ ଆୟ ହେଉଛି ହସ୍ତତନ୍ତ କ୍ଷେତ୍ରର ସବୁଠାରୁ ବଡ଼ ଆହ୍ୱାନ। ବର୍ତମାନ, ସରକାରୀ ଯୋଜନା, କଂଚାମାଲର ଉପଲବ୍ଧତା ଏବଂ ବିପଣନ ପ୍ରୋତ୍ସାହନ ସହିତ, ବୁଣାକାରମାନେ ବାର୍ଷିକ ୧ ରୁ ୩ ଲକ୍ଷ ଟଙ୍କା ପର୍ଯ୍ୟନ୍ତ ରୋଜଗାର କରିବାକୁ ସକ୍ଷମ ଅଟନ୍ତି, ଯାହା ସେମାନଙ୍କର ଜୀବିକା ନିର୍ବାହ କରିବାର ଏକ ମାଧ୍ୟମ । ଏହି ଆୟକୁ ବାର୍ଷିକ ୧୦ ଲକ୍ଷ ଟଙ୍କା କରିବା ପାଇଁ ଏକ ଗାଣିତିକ ଏବଂ ବ୍ୟବହାରିକ ଆଭିମୁଖ୍ୟ ଉପସ୍ଥାପନ କରି ସେ କହିଥିଲେ ଯେ ଯଦି ୧୦ ଲକ୍ଷ ଟଙ୍କା ଆୟର ଲକ୍ଷ୍ୟ ହାସଲ କରିବାକୁ ହେବ, ତେବେ ଉତ୍ପାଦନ ମୂଲ୍ୟ ୧ ଲକ୍ଷ ଟଙ୍କା ହେବା ଉଚିତ, ଯାହା କେବଳ ଉନ୍ନତ ଡିଜାଇନ୍, ଗୁଣବତା ଏବଂ ବିଶ୍ୱ ବଜାରରେ ପ୍ରବେଶ ଦ୍ୱାରା ହାସଲ କରାଯାଇପାରିବ।
ହିନ୍ଦୁସ୍ଥାନ ସମାଚାର / ଭାନୁ ଚରଣ