ନୂଆଦିଲ୍ଲୀ, ଅଗଷ୍ଟ ୧୧ (ହି.ସ) - କେନ୍ଦ୍ର ସରକାର ମଙ୍ଗଳବାର ଦିନ ଅନୁଷ୍ଠିତ ୧୧ତମ ଜିଲ୍ଲାପାଳ ପାନୀୟ ଜଳ ବାର୍ତାଳାପରେ ଜଳ ଜୀବନ ମିଶନ ୨.୦ ର ତ୍ୱରିତ କାର୍ଯ୍ୟାନ୍ୱୟନ, ଜଳ ସଂରକ୍ଷଣକୁ ପ୍ରୋତ୍ସାହିତ କରିବା ଏବଂ ଗ୍ରାମୀଣ ଜଳ ଯୋଗାଣକୁ ସ୍ଥାୟୀ କରିବା ଉପରେ ଗୁରୁତ୍ୱାରୋପ କରିଛନ୍ତି। ଏହି ବୈଠକରେ ସୁଜଲମ୍ ଶକ୍ତି' ରୋଡମ୍ୟାପ୍ ଉପସ୍ଥାପନ କରାଯାଇଥିଲା ଏବଂ ଚାରୋଟି ଜିଲ୍ଲା ଉତର କନ୍ନଡ (କର୍ଣ୍ଣାଟକ), ଖୋୱାଇ (ତ୍ରିପୁରା), ଦିଦ୍ୱାନା କୁଚମାନ୍ (ରାଜସ୍ଥାନ) ଏବଂ ଚତ୍ରା (ଝାଡ଼ଖଣ୍ଡ) ସେମାନେ କରିଥିବା ନବସୃଜନ ସମ୍ପର୍କରେ ଅନ୍ୟ ମାନଙ୍କୁ ଅବଗତ କରାଇଥିଲେ । ଏଥିରେ ଉତ୍ସର ସ୍ଥାୟିତ୍ୱ , ଅଭିଯୋଗ ସମାଧାନ, ଆଚରଣରେ ପରିବର୍ତନ ଏବଂ ସମାଜର ଯୋଗଦାନ ଭଳି ପଦକ୍ଷେପ ସାମିଲ ଥିଲା।
ପାନୀୟ ଜଳ ଏବଂ ପରିମଳ ବିଭାଗ ଦ୍ୱାରା ଭିଡିଓ କନଫରେନ୍ସିଂ ମାଧ୍ୟମରେ ଏହି ବୈଠକ ଆୟୋଜନ କରାଯାଇଥିଲା। ଏଥିରେ ସଚିବ ଅଶୋକ କେ. କେ. ମୀନା, ଜାତୀୟ ଜଳ ଜୀବନ ମିଶନର ମିଶନ ନିର୍ଦ୍ଦେଶକ କମଲ କିଶୋର ସୋନ, ବରିଷ୍ଠ ଅଧିକାରୀ, ଜିଲ୍ଲାପାଳ, ଜିଲ୍ଲା ମାଜିଷ୍ଟ୍ରେଟ୍ ଏବଂ ଡେପୁଟି କମିଶନରମାନେ ଯୋଗ ଦେଇଥିଲେ।
ସଚିବ ମୀନା ଜିଲ୍ଲାଗୁଡ଼ିକୁ ନିୟମିତ ମାସିକ ବୈଠକ କରିବାକୁ ଏବଂ ପୋର୍ଟାଲରେ ସେମାନଙ୍କର କାର୍ଯ୍ୟାନୁଷ୍ଠାନ ଅପଲୋଡ୍ କରିବାକୁ କହିଥିଲେ। କ୍ୟାଚ୍ ଦ ରେନ୍ ୱାଟର ହାରଭେଷ୍ଟିଂ ଜନ ଭାଗିଦାରୀ 'ଅଭିଯାନକୁ ଗ୍ରାମ ପଂଚାୟତ, ସ୍ୱୟଂ ସହାୟକ ଗୋଷ୍ଠୀ, ବିଦ୍ୟାଳୟ ଏବଂ କଲେଜଗୁଡ଼ିକୁ ସକ୍ରିୟ ଭାବେ ଆଗେଇ ନେବାକୁ ସେ ନିବେଦନ କରିଥିଲେ। ଏପର୍ଯ୍ୟନ୍ତ ଦେଶର ୨ ଲକ୍ଷରୁ ଅଧିକ ଗ୍ରାମ ଏବଂ ୧ ଲକ୍ଷରୁ ଅଧିକ ଗ୍ରାମ ପଂଚାୟତକୁ ହର ଘର ଜଲ 'ପ୍ରମାଣପତ୍ର ପ୍ରଦାନ କରାଯାଇଛି।
ହିନ୍ଦୁସ୍ଥାନ ସମାଚାର / ଭାନୁ ଚରଣ