ୱାଶିଂଟନ୍, ୧୧ ଅଗଷ୍ଟ (ହି.ସ.)- ଆମେରିକା ଅନ୍ତତଃ ୨୦୩୦ ମସିହା ପର୍ଯ୍ୟନ୍ତ ୟୁକ୍ରେନକୁ ପଠାଯାଇଥିବା ଜାଭେଲିନ୍ ଆଂଟି-ଟ୍ୟାଙ୍କ କ୍ଷେପଣାସ୍ତ୍ରକୁ ପୁନଃ ପୂରଣ କରିବାରେ ସକ୍ଷମ ହେବ ନାହିଁ । ପେଂଟାଗନ୍ ବଜେଟ୍ ଡକ୍ୟୁମେଂଟ ଆଧାରରେ ରିୟା ନୋଭୋସ୍ତି ଏହି ଦାବି କରିଛନ୍ତି ।

ଆର୍ଥିକ ବର୍ଷ ୨୦୨୨-୨୦୨୫ ରେ, ଆମେରିକୀୟ ସେନା ଏହାର ଭଣ୍ଡାରକୁ ପୁନଃ ପୂରଣ କରିବା ପାଇଁ ୯,୩୭୪ କ୍ଷେପଣାସ୍ତ୍ର କିଣିଥିଲା । ତେବେ, ଚୁକ୍ତିନାମା ସ୍ୱାକ୍ଷରିତ ହେବାର ଅନେକ ବର୍ଷ ପର୍ଯ୍ୟନ୍ତ ଏହି ବ୍ୟାଚ୍ ଗୁଡ଼ିକର ଏକ ବଡ଼ ଅଂଶ ସେନାକୁ ହସ୍ତାନ୍ତର କରାଯିବ ନାହିଁ । ସବୁଠାରୁ ସାମ୍ପ୍ରତିକ ବିତରଣ-୨୦୨୪ ରେ ପାଣ୍ଠି ଯୋଗାଣ ହୋଇଥିବା ୯୪୪ କ୍ଷେପଣାସ୍ତ୍ରର ଏକ ବ୍ୟାଚ୍-ଅଗଷ୍ଟ ୨୦୩୦ ପର୍ଯ୍ୟନ୍ତ ଆରମ୍ଭ ହେବ ନାହିଁ ।

ରିୟା ନୋଭୋସ୍ତିଙ୍କ ଗଣନା ଅନୁଯାୟୀ, ଜାଭେଲିନ୍ ସିଷ୍ଟମ ପାଇଁ କମାଣ୍ଡ ଏବଂ ଲଂଚ୍ ୟୁନିଟ୍ ବିତରଣରେ ମଧ୍ୟ ଅନେକ ବର୍ଷ ବିଳମ୍ବ ହେବ । ୟୁକ୍ରେନକୁ ପଠାଯାଇଥିବା ଅସ୍ତ୍ରଶସ୍ତ୍ରକୁ ପୁନଃ ପୂରଣ କରିବା ପାଇଁ କିଣାଯାଇଥିବା ସଦ୍ୟତମ ବ୍ୟାଚ୍ ରେ ୫୦ଟି ୱାରହେଡ ଅନ୍ତର୍ଭୁକ୍ତ ଏବଂ ଏହାକୁ ୨୦୨୮ ଶେଷ ସୁଦ୍ଧା ଆମେରିକୀୟ ସୈନ୍ୟବାହିନୀକୁ ବିତରଣ କରିବାକୁ ଯୋଜନା କରାଯାଇଛି ।

ପେଂଟାଗନ୍ ଏହି ବିଳମ୍ବର କାରଣ ଏହା ଦର୍ଶାଇଛି ଯେ, ଆର୍ôଥକ ବର୍ଷ ୨୦୨୨-୨୦୨୪ ରେ ଅତିରିକ୍ତ କ୍ରୟର ପରିମାଣ ଏହାର ସୁବିଧାର ଉତ୍ପାଦନ କ୍ଷମତା ଠାରୁ ଅଧିକ ଥିଲା । ରିୟା ନୋଭୋସ୍ତି ସୂଚନା ଦେଇଛନ୍ତି ଯେ, ଜାଭେଲିନ୍ କ୍ଷେପଣାସ୍ତ୍ର ପାଇଁ ସମ୍ପୂର୍ଣ୍ଣ କ୍ରୟ ଏବଂ ଉତ୍ପାଦନ ଚକ୍ରରେ ୪.୫ ବର୍ଷ ପର୍ଯ୍ୟନ୍ତ ସମୟ ନେଇଥାଏ, ଯେତେବେଳେ କି କମାଣ୍ଡ ଏବଂ ଲଂଚ୍ ୟୁନିଟ୍ ପାଇଁ ଏହା ଚାରି ବର୍ଷରୁ ଟିକେ ଅଧିକ ସମୟ ନେଇଥାଏ ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ