ନୂଆଦିଲ୍ଲୀ, ଅଗଷ୍ଟ ୧୨ (ହି.ସ.) - ଦେଶର ଅଗ୍ରଣୀ ଶିଳ୍ପ ଗୋଷ୍ଠୀ ଟାଟା ସନ୍ସ ଅଧ୍ୟକ୍ଷ ଏନ୍. ଚନ୍ଦ୍ରଶେଖରନ୍ ଆଜି ଘୋଷଣା କରିଛନ୍ତି ଯେ ୨୦ ଫେବୃଆରୀ ୨୦୨୭ ରେ ତାଙ୍କର ବର୍ତମାନର କାର୍ଯ୍ୟକାଳ ଶେଷ ହେବା ପରେ ସେ ପୁନର୍ବାର ନିଯୁକ୍ତି ପାଇଁ ତାଙ୍କ ନାମ ଦାଖଲ କରିବେ ନାହିଁ। ଯଥାଶୀଘ୍ର ତାଙ୍କ ଉତରାଧିକାରୀ ଚୟନ କରିବାକୁ ସେ ବୋର୍ଡକୁ ଅନୁରୋଧ କରିଛନ୍ତି।
ବୁଧବାର ଦିନ ୬୩ ବର୍ଷରେ ପଦାର୍ପଣ କରିଥିବା ଚନ୍ଦ୍ରଶେଖରନ୍ ଏକ ବିବୃତିରେ କହିଛନ୍ତି ଯେ ସେ ଟାଟା ଗ୍ରୁପରେ ବୃତିଗତ ଜୀବନର ୪୦ ବର୍ଷ ପୂରଣ କରିଛନ୍ତି। ଏହି ସମ୍ମାନଜନକ ଅନୁଷ୍ଠାନରେ ଯୋଗଦାନ କରିବା ତାଙ୍କ ପାଇଁ ଅତ୍ୟନ୍ତ ସନ୍ତୋଷଜନକ। ଗତ ଦଶନ୍ଧି ଧରି ଟାଟା ସନ୍ସର ନେତୃତ୍ୱ ନେବା ତାଙ୍କ ପାଇଁ ଏକ ବଡ଼ ସମ୍ମାନ ଏବଂ ଗଭୀର ଦାୟିତ୍ୱ।
ଚନ୍ଦ୍ରଶେଖରନ୍ ସ୍ପଷ୍ଟ କରିଛନ୍ତି ଯେ ସାର୍ ଦୋରାବଜୀ ଟାଟା ଟ୍ରଷ୍ଟ ଏବଂ ସାର୍ ରତନ୍ ଟାଟା ଟ୍ରଷ୍ଟ ସର୍ବସମ୍ମତିକ୍ରମେ ତାଙ୍କର ପରବର୍ତୀ କାର୍ଯ୍ୟକାଳକୁ ପାଂଚ ବର୍ଷ ପାଇଁ ବୃଦ୍ଧି କରିବାକୁ ସୁପାରିଶ କରିଛନ୍ତି। ନାମାଙ୍କନ ଏବଂ ପାରିଶ୍ରମିକ କମିଟି ଏବଂ ଟାଟା ସନ୍ସ ବୋର୍ଡ ଦ୍ୱାରା ଏହି ପ୍ରସ୍ତାବ ସୁପାରିଶ କରାଯାଇଥିଲା। ତେବେ ୨୪ ଫେବୃଆରୀରେ ବୋର୍ଡ ବୈଠକରେ ସର୍ବସମ୍ମତ ସମର୍ଥନ ଅଭାବରୁ ସେ ଏହି ନିଷ୍ପତିକୁ ସ୍ଥଗିତ ରଖିବାକୁ ନିଷ୍ପତି ନେଇଥିଲେ।
ସେ କହିଥିଲେ ଯେ ଛଅ ମାସ ବିତିଯିବା ପରେ ମଧ୍ୟ କୌଣସି ନିଷ୍ପତି ନିଆଯାଇନାହିଁ, ଯେତେବେଳେ କି ଟାଟା ସନ୍ସ ଅନେକ ରଣନୈତିକ ପ୍ରକଳ୍ପର ଗୁରୁତ୍ୱପୂର୍ଣ୍ଣ କାର୍ଯ୍ୟାନ୍ୱୟନ ପର୍ଯ୍ୟାୟରେ ରହିଛି। ଏଭଳି ପରିସ୍ଥିତିରେ ଫେବୃଆରୀ ୨୦୨୭ ପରେ ଦଳର ନେତୃତ୍ୱ ନେବା ପାଇଁ ସ୍ପଷ୍ଟତା ଆବଶ୍ୟକ। ଏକ ଉପଯୁକ୍ତ ପରିବର୍ତନ ସୁନିଶ୍ଚିତ କରିବା ପାଇଁ ଶୀଘ୍ର ଉତରାଧିକାର ଉପରେ ନିଷ୍ପତି ନେବାକୁ ଚନ୍ଦ୍ରଶେଖରନ୍ ବୋର୍ଡକୁ ଅନୁରୋଧ କରିଛନ୍ତି। ସମସ୍ତ ଅଂଶୀଦାରମାନଙ୍କୁ ସେମାନଙ୍କ ସମର୍ଥନ ପାଇଁ ଧନ୍ୟବାଦ ଦେଇ ସେ ତାଙ୍କ ବିବୃତିକୁ ସମାପ୍ତ କରିଥିଲେ।
ହିନ୍ଦୁସ୍ଥାନ ସମାଚାର / ଭାନୁ ଚରଣ