ନୂଆଦିଲ୍ଲୀ, ୧୪ ଅଗଷ୍ଟ (ହି.ସ.)- ସ୍ୱାଧୀନତା ଦିବସ ୨୦୨୬ ଅବସରରେ ସରକାର ପୋଲିସ, ଅଗ୍ନିଶମ ସେବା, ହୋମ ଗାର୍ଡ ଏବଂ ନାଗରିକ ସୁରକ୍ଷା ତଥା ସୁଧାର ସେବାର ୧୦୫୭ ଜଣ କର୍ମଚାରୀଙ୍କୁ ବୀରତା ଏବଂ ସେବା ପଦକରେ ସମ୍ମାନିତ କରିବାକୁ ଘୋଷଣା କରିଛି।

କେନ୍ଦ୍ରୀୟ ଗୃହ ମନ୍ତ୍ରଣାଳୟ ଶୁକ୍ରବାର ବୀରତାର ୩୦୧ଟି ପଦକର ତାଲିକା ଜାରି କରିଛି। ଏଥିରେ ପୋଲିସକର୍ମୀଙ୍କ ପାଇଁ ୨୭୨ ଏବଂ ଅଗ୍ନିଶମ ସେବାର କର୍ମଚାରୀଙ୍କ ପାଇଁ ୨୯ଟି ପଦକ ସାମିଲ ଅଛି। ୩୦୧ଟି ବୀରତା ପଦକରେ ବାମପନ୍ଥୀ ଉଗ୍ରବାଦ ପ୍ରଭାବିତ ଅଂଚଳର ୧୯୭, ଜମ୍ମୁ-କଶ୍ମୀରର ୫୧, ପୂର୍ବୋତରର ୧୨ ଏବଂ ଅନ୍ୟ ଅଂଚଳର ୪୧ ଜଣ କର୍ମଚାରୀ ସାମିଲ ଅଛନ୍ତି।

ମୋଟ ୯୨ଟି ରାଷ୍ଟ୍ରପତି ପଦକ ମଧ୍ୟ ପ୍ରଦାନ କରାଯାଇଛି। ଏଥିରେ ପୋଲିସ ସେବାର ୮୩, ଅଗ୍ନିଶମ ସେବାର ଚାରି, ନାଗରିକ ସୁରକ୍ଷା ଏବଂ ହୋମ ଗାର୍ଡ ସେବାର ତିନି ଏବଂ ସୁଧାର ସେବାର ଦୁଇଟି ପଦକ ସାମିଲ ଅଛି। ଏହା ବ୍ୟତୀତ ୬୬୪ଟି ପ୍ରଶଂସନୀୟ ସେବା ପଦକ ପ୍ରଦାନ କରାଯାଇଛି। ଏଥିରେ ପୋଲିସ ସେବାର ୬୦୬, ଅଗ୍ନିଶମ ସେବାର ୨୮, ନାଗରିକ ସୁରକ୍ଷା ଏବଂ ହୋମ ଗାର୍ଡ ସେବାର ୧୮ ଏବଂ ସୁଧାର ସେବାର ୧୨ ଜଣ କର୍ମଚାରୀ ସାମିଲ ଅଛନ୍ତି।

ଜୀବନ ଏବଂ ସମ୍ପତିର ସୁରକ୍ଷା, ଅପରାଧ ରୋକିବା କିମ୍ବା ଅପରାଧୀଙ୍କୁ ଧରିବାରେ ଉଲ୍ଲେଖନୀୟ ସାହସ ପ୍ରଦର୍ଶନ କରିବା ପାଇଁ ବୀରତା ପଦକ ପ୍ରଦାନ କରାଯାଏ।

ସେବାରେ ବିଶିଷ୍ଟ ରେକର୍ଡ ପାଇଁ ରାଷ୍ଟ୍ରପତିଙ୍କ ବିଶିଷ୍ଟ ସେବା ପଦକ ପ୍ରଦାନ କରାଯାଏ ଏବଂ ସମ୍ପଦ ଓ କର୍ତବ୍ୟନିଷ୍ଠାରେ ପରିପୂର୍ଣ୍ଣ ମୂଲ୍ୟବାନ ସେବା ପାଇଁ ପ୍ରଶଂସନୀୟ ସେବା ପଦକ ପ୍ରଦାନ କରାଯାଏ।

ଦିଲ୍ଲୀରୁ ପୋଲିସ ଉପ-ମହାନିରୀକ୍ଷକ ଦିନେଶ କୁମାର ଗୁପ୍ତା ଏବଂ ସହାୟକ ଉପ ନିରୀକ୍ଷକ ରାଜେଶ କୁମାରଙ୍କୁ ବିଶିଷ୍ଟ ସେବା ପାଇଁ ରାଷ୍ଟ୍ରପତି ପଦକରେ ସମ୍ମାନିତ କରାଯାଇଛି। ଏହା ବ୍ୟତୀତ ଉତ୍କୃଷ୍ଟ ସେବା ପଦକରେ ସମ୍ମାନିତ ହେବାକୁ ଥିବା ଦିଲ୍ଲୀର ୧୫ ଜଣ ପୋଲିସକର୍ମୀ ଅଛନ୍ତି। ଏଥିରେ ମହାନିରୀକ୍ଷକ ନୂପୁର ପ୍ରସାଦ, ମହାନିରୀକ୍ଷକ ସୁରେନ୍ଦ୍ର କୁମାର, ନିରୀକ୍ଷକ ରାକେଶ କୁମାର ଭଟ୍ଟ, ଉପ-ନିରୀକ୍ଷକ ଅଞ୍ଜନା କୁମାରୀ ଏବଂ ଉପ-ନିରୀକ୍ଷକ ତାରା ଦତଙ୍କ ସମେତ ଅନ୍ୟ ଦଶ ଜଣ ପୋଲିସକର୍ମୀ ସାମିଲ ଅଛନ୍ତି।

----------------------------

---------------

ହିନ୍ଦୁସ୍ଥାନ ସମାଚାର / ଗଗନ