ନୂଆଦିଲ୍ଲୀ, ୨୫ ଅଗଷ୍ଟ (ହି.ସ.)- ସୋମବାର ଠାରୁ ଉତରପ୍ରଦେଶର ମୁଜାଫରନଗର ଓ ଗାଜିଆବାଦ ଏବଂ ହରିୟାଣାର ଫରିଦାବାଦର ନଅଟି ସ୍ଥାନରେ ପ୍ରବର୍ତନ ନିର୍ଦ୍ଦେଶାଳୟ (ଇଡି) ଦ୍ୱାରା କରାଯାଇଥିବା ଚଢ଼ଉରେ ଏପର୍ଯ୍ୟନ୍ତ ମୋଟ୍ ୩.୬ କୋଟି ଟଙ୍କା ନଗଦ ଜବତ କରାଯାଇଛି ।
ଇଡି ମଙ୍ଗଳବାର ସୂଚନା ଦେଇଛି ଯେ, ଏଜେନ୍ସି ଦ୍ୱାରା ଏହି ଚଢ଼ଉ ପରେ ସମସ୍ତ ପରିସରକୁ ସିଲ୍ କରାଯାଇଛି । ଉଦ୍ଧାର ହୋଇଥିବା ନଗଦ ଟଙ୍କା ଏବଂ ଜବତ ହୋଇଥିବା ଡିଜିଟାଲ ପ୍ରମାଣର ଯାଂଚ୍ କରାଯାଉଛି । ଏହାପୂର୍ବରୁ ଏଜେନ୍ସି ସୋମବାର ସନ୍ଧ୍ୟା ପର୍ଯ୍ୟନ୍ତ ମୁଜାଫରନଗରର ନ୍ୟୁ ରାଣା ହାଉସ ଏବଂ ଗାଜିଆବାଦର ସୁଧା ଷ୍ଟିଲରୁ ୧.୧ କୋଟି ଟଙ୍କାରୁ ଅଧିକ ନଗଦ ଉଦ୍ଧାର କରିଥିଲା । ଅନେକ ଡିଜିଟାଲ ଉପକରଣ, ଦସ୍ତାବିଜ ଏବଂ ରେଜିଷ୍ଟର ମଧ୍ୟ ଜବତ କରାଯାଇଥିଲା । ଇଡି କହିଛି ଯେ, ଏହି କାର୍ଯ୍ୟାନୁଷ୍ଠାନରେ ଏପର୍ଯ୍ୟନ୍ତ ମୋଟ୍ ୩.୬ କୋଟି ଟଙ୍କା ନଗଦ ଜବତ କରାଯାଇଛି ।
ଉଲ୍ଲେଖନୀୟ କଥା ହେଉଛି, ଏହି ମାମଲା ଜମ୍ବୁଦ୍ୱୀପ ଏକ୍ସପୋର୍ଟସ୍ ଆଣ୍ଡ ଇମ୍ପୋର୍ଟସ୍ ଲିମିଟେଡ୍ ସହ ଜଡ଼ିତ, ଯାହା ନକଲି ଇନପୁଟ୍ ଟ୍ୟାକ୍ସ କ୍ରେଡିଟ୍ (ଆଇଟିସି) ସୃଷ୍ଟି ଏବଂ ପାସ୍ କରିଥିବା ଅଭିଯୋଗ ହୋଇଛି । ଅନୁସନ୍ଧାନରୁ ଜଣାପଡ଼ିଛି ଯେ, କମ୍ପାନୀ ନକଲି ଚାଲାଣ, ଇ-ୱେ ବିଲ୍ ମାଧ୍ୟମରେ ମାଲ୍ ର ପ୍ରକୃତ ଗତିବିଧି ବିନା ଆଇଟିସିର ନିର୍ମାଣ ଏବଂ ପାସିଙ୍ଗ କରିଥିଲା । ଏଥିରେ ବ୍ୟାପକ ସର୍କୁଲାର କାରବାର, ପାଣ୍ଠିର ଦ୍ରୁତ ସ୍ତର ଏବଂ ନଗଦ ଉଠାଣ ଅନ୍ତର୍ଭୁକ୍ତ ଥିଲା । ଜି. ଏସ୍. ଟି. ଅଧିକାରୀମାନେ ୯.୬୩ କୋଟି ଟଙ୍କାର ନକଲି ଆଇ. ଟି. ସି. ନେବା ଏବଂ ୧୦.୨୮ କୋଟି ଟଙ୍କାର ଆଇ. ଟି. ସି. ହସ୍ତାନ୍ତର କରିବା ଦ୍ୱାରା ରାଜକୋଷର କ୍ଷତି ହେଉଥିବା ନିଶ୍ଚିତ କରିଛନ୍ତି । ଇଡି ଅନୁସନ୍ଧାନର ଉଦ୍ଦେଶ୍ୟ ଥିଲା ଅପରାଧର ଆୟର ସନ୍ଧାନ କରିବା, ଅନ୍ୟ ହିତାଧିକାରୀଙ୍କୁ ଚିହ୍ନଟ କରିବା ଏବଂ ନେଟୱାର୍କ ସହିତ ଜଡ଼ିତ ପ୍ରମାଣ ସଂଗ୍ରହ କରିବା ।
ଇଡି କହିଛି ଯେ ଏନେଇ ଅଧିକ ତଦନ୍ତ ଚାଲିଛି ଏବଂ ନେଟୱାର୍କ ସହିତ ଜଡ଼ିତ ଅନ୍ୟ ହିତାଧିକାରୀଙ୍କ ନିକଟରେ ପହଂଚିବା ପାଇଁ ଡକ୍ୟୁମେଂଟଗୁଡିକ ବିଶ୍ଲେଷଣ କରାଯାଉଛି ।
ହିନ୍ଦୁସ୍ଥାନ ସମାଚାର / ପ୍ରଦୀପ୍ତ
