ଇସଲାମାବାଦ, ୨୬ ଅଗଷ୍ଟ (ହି.ସ.)- ରାଜଧାନୀ ଇସଲାମାବାଦର ପାକିସ୍ତାନ ଇନଷ୍ଟିଚ୍ୟୁଟ ଅଫ ମେଡିକାଲ ସାଇନ୍େସସ (ପିମ୍ସ)ର ପ୍ରସୂତି ଏବଂ ସ୍ତ୍ରୀରୋଗ ୱାର୍ଡରେ ବୁଧବାର ସକାଳ ପ୍ରାୟ ୬.୪୫ ବେଳେ ନିଆଁ ଲାଗିବାରୁ ୧୫ ନବଜାତ ଶିଶୁଙ୍କ ମୃତ୍ୟୁ ହୋଇଛି। ପିମ୍ସର ଅଧିକାରୀମାନଙ୍କ ଅନୁସାରେ, ଘଟଣା ସମୟରେ ୱାର୍ଡରେ ୧୬ ଜଣ ନବଜାତ ଶିଶୁ ଥିଲେ, ଏମାନଙ୍କ ମଧ୍ୟରୁ କେବଳ ଜଣଙ୍କୁ ବଂଚାଯାଇପାରିଲା। ହସ୍ପିଟାଲର ଏକ ଏୟାର-କଣ୍ଡିସନର କମ୍ପ୍ରେସର ଫାଟିଯିବାରୁ ଏହି ନିଆଁ ଲାଗିଥିଲା।

ଦ ନ୍ୟୁଜର ରିପୋର୍ଟ ଅନୁସାରେ, ଜିଲ୍ଲା ପ୍ରଶାସନ ନିଶ୍ଚିତ କରିଛି ଯେ ୱାର୍ଡର ତୃତୀୟ ମହଲାରେ ଲାଗିଥିବା ନିଆଁରେ ୧୪ ଜଣ ଶିଶୁ ସମ୍ପୂର୍ଣ୍ଣ ଭାବେ ଜଳିଯାଇଥିଲେ। ସୂଚନା ମିଳିବା ମାତ୍ରେ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଂଚିଯାଇଥିଲେ। ଉଦ୍ଧାର ଅଭିଯାନରେ ଛଅଟି ଫାୟାର ବ୍ରିଗେଡ ଗାଡ଼ି ଏବଂ ଚାରିଟି ଆମ୍ବୁଲାନ୍ସ ଅଂଶଗ୍ରହଣ କରିଥିଲା। ଦୁର୍ଘଟଣାର ତଦନ୍ତ ପାଇଁ ଅତିରିକ୍ତ ଉପାୟୁକ୍ତଙ୍କ ଅଧ୍ୟକ୍ଷତାରେ କମିଟି ଗଠନ କରାଯାଇଛି। କମିଟି ନିଆଁ ଲାଗିବାର କାରଣଗୁଡ଼ିକ ଜାଣିବ।

ଅଧିକାରୀମାନଙ୍କ ଅନୁସାରେ, ଘଟଣା ପରେ ୱାର୍ଡକୁ ସିଲ୍ କରିଦିଆଯାଇଛି। ମାତାପିତା ଅଭିଯୋଗ କରିଛନ୍ତି ଯେ ନିଆଁ ଲାଗିବା ସମୟରେ ଇନକ୍ୟୁବେସନ ସେଂଟରରେ ଷ୍ଟାଫ ଉପସ୍ଥିତ ନଥିଲେ। ପ୍ରଧାନମନ୍ତ୍ରୀ ଶହବାଜ ଶରିଫ ଦୁର୍ଘଟଣାର ତଦନ୍ତ କରାଇବା ଏବଂ ଦାୟୀ ପାଇଯାଇଥିବା ଲୋକଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ନେବାକୁ କହିଛନ୍ତି। ପ୍ରଧାନମନ୍ତ୍ରୀ କହିଛନ୍ତି ଯେ ସେ ଶୋକସନ୍ତପ୍ତ ମାତାପିତାଙ୍କ ଦୁଃଖରେ ସାମିଲ ଅଛନ୍ତି।

ଜିଲ୍ଲା ପ୍ରଶାସନ କହିଛି ଯେ ତଦନ୍ତ କମିଟିରେ ଇସଲାମାବାଦ ଇଲେକ୍ଟ୍ରିକ ସପ୍ଲାଇ କମ୍ପାନୀ ଏବଂ ପିମ୍ସର ଅଧିକାରୀମାନଙ୍କୁ ମଧ୍ୟ ସାମିଲ କରାଯାଇଛି। କମିଟି ୨୪ ଘଂଟା ମଧ୍ୟରେ ନିଜର ରିପୋର୍ଟ ଦେବ। ଉଦ୍ଧାର ଦଳର ସୂତ୍ରମାନେ ହସ୍ପିଟାଲରେ ଫାୟାର ସେଫ୍ଟିର ବ୍ୟବସ୍ଥାକୁ ଅତ୍ୟନ୍ତ ଅପର୍ଯ୍ୟାପ୍ତ ବୋଲି କହିଛନ୍ତି।

ସୂତ୍ରମାନଙ୍କ ଅନୁସାରେ, ନିଆଁ ଲାଗିଥିବା ସ୍ଥାନରେ ପାଣି ନଥିଲା, ଯେତେବେଳେ ଫାୟାର ହୋଜରୁ କପଲିଂ ଗାଏବ ଥିଲା। ଜରୁରୀ ପରିସ୍ଥିତିରେ ବାହାରିବାର ରାସ୍ତା ବନ୍ଦ ଥିଲା। ଯେତେବେଳେ ଏହି ଘଟଣା ଘଟିଥିଲା ସେତେବେଳେ ଇନକ୍ୟୁବେସନ ସେଂଟରରେ କୌଣସି ଡାକ୍ତର, ୱାର୍ଡ ବୟ କିମ୍ବା ଅନ୍ୟ ଷ୍ଟାଫ ଉପସ୍ଥିତ ନଥିଲେ।

--------------------------

---------------

ହିନ୍ଦୁସ୍ଥାନ ସମାଚାର / ଗଗନ