ନୂଆଦିଲ୍ଲୀ, ୨୬ ଅଗଷ୍ଟ (ହି.ସ.)- ନେପାଳରେ ହଠାତ୍ ଆସିଥିବା ବନ୍ୟାରେ ହୋଇଥିବା ବ୍ୟାପକ ବିପର୍ଯ୍ୟୟ ଏବଂ ଜନହାନି ଉପରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏବଂ ଉପରାଷ୍ଟ୍ରପତି ସି. ପି. ରାଧାକୃଷ୍ଣନ ବୁଧବାର ଗଭୀର ଦୁଃଖ ପ୍ରକାଶ କରିଛନ୍ତି। ଉଭୟ ନେତା ଏହି କଠିନ ସମୟରେ ନେପାଳର ଲୋକଙ୍କ ପ୍ରତି ଏକତା ପ୍ରକାଶ କରିବା ସହ ପ୍ରଭାବିତ ଲୋକଙ୍କ ପାଇଁ ପ୍ରାର୍ଥନା କରିଛନ୍ତି।

ରାଷ୍ଟ୍ରପତି ଦ୍ରୌପଦୀ ମୁର୍ମୁ ସୋସିଆଲ ମିଡିଆ ମଂଚ ‘ଏକ୍ସ’ରେ ନେପାଳର ରାଷ୍ଟ୍ରପତି ରାମଚନ୍ଦ୍ର ପୌଡେଲ ଏବଂ ନେପାଳର ଜନତାଙ୍କ ପ୍ରତି ଗଭୀର ସମବେଦନା ବ୍ୟକ୍ତ କରିଛନ୍ତି। ସେ କହିଛନ୍ତି ଯେ ଭାରତ ଏହି କଠିନ ସମୟରେ ନେପାଳ ସହ ସମ୍ପୂର୍ଣ୍ଣ ଦୃଢ଼ତାର ସହ ଠିଆ ହୋଇଛି। ଭାରତ ନେପାଳ ସରକାରଙ୍କ ରିଲିଫ ଏବଂ ଉଦ୍ଧାର ପ୍ରୟାସରେ ପ୍ରଭାବିତ ଲୋକଙ୍କ ସହାୟତା ପାଇଁ ସମସ୍ତ ସମ୍ଭବ ସହଯୋଗ ଦେବାକୁ ପ୍ରସ୍ତୁତ ଅଛି।

ଉପରାଷ୍ଟ୍ରପତି ସି. ପି. ରାଧାକୃଷ୍ଣନ ମଧ୍ୟ ନେପାଳରେ ହଠାତ୍ ଆସିଥିବା ବନ୍ୟାରେ ହୋଇଥିବା ଜନହାନି ଏବଂ ବିପର୍ଯ୍ୟୟ ଉପରେ ଗଭୀର ଦୁଃଖ ପ୍ରକାଶ କରିଛନ୍ତି। ସେ ମୃତକଙ୍କ ପରିବାର ପ୍ରତି ସମବେଦନା ବ୍ୟକ୍ତ କରିବା ସହ ଆହତମାନଙ୍କ ଶୀଘ୍ର ସୁସ୍ଥତା କାମନା କରିଛନ୍ତି। ସେ ନିଖୋଜ ଲୋକଙ୍କ ସୁରକ୍ଷିତ ଏବଂ ଶୀଘ୍ର ଉଦ୍ଧାର ପାଇଁ ମଧ୍ୟ ପ୍ରାର୍ଥନା କରିଛନ୍ତି।

ଉପରାଷ୍ଟ୍ରପତି କହିଛନ୍ତି ଯେ ଏହି କଠିନ ଘଡ଼ିରେ ଭାରତର ଲୋକଙ୍କ ସମବେଦନା ନେପାଳର ଜନତାଙ୍କ ସହ ରହିଛି।

-----------------------

---------------

ହିନ୍ଦୁସ୍ଥାନ ସମାଚାର / ଗଗନ