ନୂଆଦିଲ୍ଲୀ, ୨୮ ଅଗଷ୍ଟ (ହି.ସ.)- ଜାତୀୟ ମାନବାଧିକାର ଆୟୋଗ (ଏନ୍ଏଚ୍ଆରସି) ଉତର ପ୍ରଦେଶର ବଲିଆ ଜିଲ୍ଲାର ଏକ ସରକାରୀ ସ୍କୁଲରେ ଷଷ୍ଠରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀଙ୍କୁ ଦୁଇ ବର୍ଷ ଧରି ମଧ୍ୟାହ୍ନ ଭୋଜନ (ମିଡ୍ ଡେ ମିଲ୍) ପରିବେଷଣ ନକରାଯିବା ମାମଲାର ସ୍ୱତଃ ସଂଜ୍ଞାନ ନେଇଛି। ଆୟୋଗ ମୁଖ୍ୟ ସଚିବଙ୍କୁ ନୋଟିସ ଜାରି କରି ଦୁଇ ସପ୍ତାହ ମଧ୍ୟରେ ବିସ୍ତୃତ ରିପୋର୍ଟ ତଲବ କରିଛି।
ଏହି ପରିପ୍ରେକ୍ଷିତରେ ପ୍ରକାଶିତ ଖବର ଅନୁଯାୟୀ, ସ୍କୁଲରେ ମଧ୍ୟାହ୍ନ ଭୋଜନ ନମିଳିବାରୁ ଛାତ୍ରଛାତ୍ରୀମାନେ ଜିଲ୍ଲାପାଳଙ୍କୁ ଚିଠି ଲେଖି ନିଜର ଅଭିଯୋଗ କରିଥିଲେ, ଯାହା ପରେ ତଦନ୍ତରେ ଜଣାପଡ଼ିଥିଲା ଯେ ୨୦୦ ଛାତ୍ରଛାତ୍ରୀଙ୍କୁ ନିୟମିତ ଭାବେ ଭୋଜନ ପରିବେଷଣ କରାଯାଉଥିବାର ମିଥ୍ୟା ରେକର୍ଡ ରଖାଯାଉଥିଲା। ତଦନ୍ତରେ ଅନିୟମିତତା ଏବଂ ପ୍ରାୟ ୧୪ ଲକ୍ଷ ଟଙ୍କାର କଥିତ ହେରଫେରର ଖୁଲାସା ହୋଇଥିଲା, ଯେଉଁଥିରେ ରୋଷେୟାମାନଙ୍କୁ କମ୍ ବେତନ ଦେବା ଏବଂ ପ୍ରଧାନମନ୍ତ୍ରୀ ପୋଷଣ ଅଭିଯାନର ପାଣ୍ଠିର ପ୍ରଧାନଶିକ୍ଷକ ଏବଂ ଅନ୍ୟ ଅଧିକାରୀମାନଙ୍କ ଦ୍ୱାରା ଦୁରୁପଯୋଗ କରିବା ସାମିଲ ଅଛି।
--------------
---------------
ହିନ୍ଦୁସ୍ଥାନ ସମାଚାର / ଗଗନ
29 Aug 2026
