ସମ୍ବଲପୁର, ୩୦, ଅଗଷ୍ଟ (ହି.ସ.) ସମ୍ବଲପୁରର ସାର୍ବଜନୀନ ଗ୍ରନ୍ଥାଗାର' ଆନୁକୂଲ୍ୟରେ ଆୟୋଜିତ ହେଉଥିବା

'ରାଷ୍ଟ୍ର ନିର୍ମାଣରେ ଯୁବ ପ୍ରସ୍ତୁତି' ଶିବିରର ଆଜି ଅନୁଷ୍ଠିତ ବିଂଶତୀତମ କାର୍ଯ୍ୟକ୍ରମରେ ବିଭିନ୍ନ ଉଚ୍ଚ ବିଦ୍ୟାଳୟରୁ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ । ପ୍ରାର୍ଥନା ପରେ ବିଶିଷ୍ଟ ଶିକ୍ଷାବିତ ଡ଼.ଗିରିଧାରୀ ହୋତା ଜ୍ୟାମିତି ସମ୍ପର୍କିତ କିଛି ସାଧାରଣ ଜ୍ଞାନ ଶିକ୍ଷା ଦେଇଥିଲେ । 'ଡ଼. ଏ.ପି.ଜେ ଅବଦୁଲ୍ କାଲାମ୍ - ଦି ମିସାଇଲ୍ ମେନ୍' ଙ୍କ ଜୀବନୀ ଶୀର୍ଷକ ଆଲୋଚନା କରି ସରକାରୀ ଉଚ୍ଚ ବିଦ୍ୟାଳୟ, ଯୁଯୁମୁରାର ପ୍ରାକ୍ତନ ପ୍ରଧାନ ଶିକ୍ଷକ ରାଜେନ୍ଦ୍ର କୁମାର ପଣ୍ଡା 'ଉଚ୍ଚ ହେବା ପାଇଁ ସ୍ବପ୍ନ ଦେଖ ଓ ତାକୁ ହାସଲ କରିବା ପାଇଁ ପ୍ରୟାସ ଜାରି ରଖ' ବୋଲି ପୂର୍ବତନ ରାଷ୍ଟ୍ରପତିଙ୍କ ବକ୍ତବ୍ୟକୁ ନିଜ ଜୀବନରେ ବ୍ରତ କର ବୋଲି ଶିକ୍ଷାର୍ଥୀ ମାନଙ୍କୁ ବୁଝାଇଥିଲେ l

ଦ୍ବିତୀୟ ଅଧିବେଶନରେ ବିଜ୍ଞାନ ଓ କାରିଗରୀ ଶିକ୍ଷl ସମ୍ପର୍କିତ ଆଲୋଚନା କରି ହିଂଡାଲକୋର ପୂର୍ବତନ କାର୍ଯ୍ୟନିର୍ବାହୀ ଅଧିକାରୀ ଇଂ.ସୁଶାନ୍ତ କୁମାର ଗୁରୁ 'ପ୍ରକୃତିକୁ ଭଲ ପାଅ ଓ ତାର ଯତ୍ନ ନେଲେ ଏ ପୃଥିବୀ ଚିରଦିନ ବାସୋପଯୋଗୀ ହୋଇ ପାରିବ' ବୋଲି ଶିକ୍ଷlର୍ଥୀଙ୍କୁ ବୁଝାଇ ଥିଲେ । ଏହି କାର୍ଯ୍ୟକ୍ରମରେ ଅନୁଷ୍ଠାନର ସମ୍ପାଦକ ରଘୁନାଥ ମିଶ୍ର, ବର୍ଷିଆନ ସାମ୍ବାଦିକ ଅର୍ଜୁନ ରଞ୍ଜନ ପଣ୍ଡା ତଥା ପ୍ରଫେସର ସେବକ ତ୍ରିପlଠୀ ଉପସ୍ଥିତ ଥିବା ବେଳେ କାର୍ଯ୍ୟକ୍ରମ-ସଂଯୋଜକ ଶିବ ଶଙ୍କର ଷଡ଼ଙ୍ଗୀ କାର୍ଯ୍ୟକ୍ରମ ପରିଚାଳନା କରିଥିଲେ।

---------------

ହିନ୍ଦୁସ୍ଥାନ ସମାଚାର / ଶୈଳେଶ