ଗଂଜାମ, 01 ସେପ୍ଟେମ୍ବର (ହି.ସ.) ଗୋସାଇଁ ନୂଆଗାଁ ଥାନା ମାମଲା ନମ୍ବର ତିନିଶହ ଏକତିରିଶ ରେ ଜଣେ ଅଭିଯୁକ୍ତକୁ ଗିରଫ କରାଯାଇଛି। ଗିରଫ ଵ୍ୟକ୍ତିଜଣକ ହେଲେ ଏସ କୃଷ୍ଣ ରେଡ୍ଡୀ, ବୟସ ଏକୋଇଶ, ପିତା ଏସ ଧର୍ମରାଜ ରେଡ୍ଡୀ, ବଡ଼ସାହି, କରାପଲ୍ଲୀ, ଗୋପାଳପୁର।
୩୧ ଅଗଷ୍ଟ ରାତି ୧.୩୦ରୁ ୨.୩୦ ମଧ୍ୟରେ ଗୋପାଳ କୃଷ୍ଣ ସାହୁ ଓ ତାଙ୍କ ଭାଇ ସୁକଦେବ ପଢ଼ିଆଳି ଆନ୍ଧପସରା ରାସ୍ତା ଦେଇ ସୋରୁମକୁ ଫେରୁଥିଲେ। ବ୍ଲାଇଣ୍ଡ ସ୍କୁଲ ପାଖରେ ଦୁଇଟି ଏସୟୁଭି ଗାଡ଼ିରେ ଥିବା ଛଅରୁ ସାତ ଜଣ ସେମାନଙ୍କୁ ଅଟକାଇଥିଲେ। ଗୋଟିଏ ଗାଡ଼ି ଧକ୍କା ଦେଇଥିଲା। ଟଙ୍କା, ସୁନା ମୁଦି, ଚେନ ଓ ବାଇକ ଚାବି ମାଗିଥିଲେ। ସେମାନେ ଆମ୍ବ ବଜାର ରାସ୍ତା ଆଡ଼କୁ ଖସି ଯିବାକୁ ଚେଷ୍ଟା କରିବାରୁ ମୀନାକ୍ଷୀ ନଗରରେ ଘେରି ମାଡ଼ ମାରି ଲୁଟ କରିଥିଲେ। ସ୍ଥାନୀୟ ଲୋକ ଜମା ହେବାରୁ ଅଭିଯୁକ୍ତମାନେ ଫେରାର ହୋଇଯାଇଥିଲେ।
ପୋଲିସ ୩୧ ଅଗଷ୍ଟ ଦିନ ୧୨ଟା ପାଞ୍ଚରେ କୃଷ୍ଣ ରେଡ୍ଡୀକୁ ଗିରଫ କରି ସ୍କର୍ପିଓ ଗାଡ଼ି ଜବତ କରିଛି। ଆହତମାନେ ଏମକେସିଜି ମେଡିକାଲରେ ଚିକିତ୍ସିତ ହେଉଛନ୍ତି। ଅନ୍ୟ ଅଭିଯୁକ୍ତଙ୍କୁ ଧରିବାକୁ ତଦନ୍ତ ଜାରି ରହିଛି।
---------------
ହିନ୍ଦୁସ୍ଥାନ ସମାଚାର / ହୃଷୀକେଶ
