ମସ୍କୋ, ୧୪ ସେପ୍େଟମ୍ବର (ହି.ସ)- କର୍ନେଲ ୟୁନିଭର୍ସିଟିର ପ୍ରଫେସର ରିଚାର୍ଡ ବେନସେଲ କହିଛନ୍ତି ଯେ, ତେଲର ଉଚ୍ଚ ଦର କାରଣରୁ ଆମେରିକୀୟ ଫେଡେରାଲ ରିଜର୍ଭ ସୁଧ ହାର ବଢ଼ାଇପାରେ।

ରିଆ ନୋଭୋସ୍ତି ସହ କଥାବାର୍ତାରେ ବେନସେଲ କହିଛନ୍ତି, ତେଲର ଦର ୧୦୦ ପ୍ରତି ବ୍ୟାରେଲ କିମ୍ବା ତାଠାରୁ ଅଧିକ ଅଛି ଏବଂ ସାମାନ୍ୟ ହ୍ରାସ ସତ୍ୱେ ଏହା ଉଚ୍ଚ ରହିବାର ସମ୍ଭାବନା ଅଛି, ତେଣୁ ଫେଡେରାଲ ରିଜର୍ଭ ବୋଧହୁଏ ସୁଧ ହାର ବଢ଼ାଇବ। ୟୁରୋପୀୟ ୟୁନିଅନ ଏବଂ ଜାପାନ ଦ୍ୱାରା ସମ୍ପ୍ରତି କରାଯାଇଥିବା ବୃଦ୍ଧିରୁ ଫେଡେରାଲ ରିଜର୍ଭ ଦ୍ୱାରା ହାର ବଢ଼ାଇବାର ସମ୍ଭାବନା ଆହୁରି ବଢ଼ିଛି।

ବିଶେଷଜ୍ଞମାନେ ସତର୍କ କରିଛନ୍ତି ଯେ, ଅଶୋଧିତ ତେଲର ଅତ୍ୟଧିକ ଦରର ପ୍ରଭାବ ସମଗ୍ର ଅର୍ଥନୀତି ଉପରେ ପଡ଼ିବ ଏବଂ ଯେଉଁ ସମସ୍ତ ଜିନିଷକୁ ଭୌତିକ ଭାବେ ପରିବହନ କରିବାକୁ ପଡ଼େ, ସେସବୁ ଉପରେ ମୁଦ୍ରାସ୍ଫୀତିର ଚାପ ବଢ଼ିବ।

ସେ ବୁଝାଇଛନ୍ତି, ଥରେ ଅର୍ଥନୀତି ଖୁଚୁରା ଦର ବଢ଼ାଇ ଏହି ଚାପ ଅନୁଯାୟୀ ଖାପ ଖୁଆଇନେଲେ, ଅଶୋଧିତ ତେଲର ଦର କମିଲେ ମଧ୍ୟ ସେଗୁଡ଼ିକୁ ତଳକୁ ଆଣିବା କଷ୍ଟକର ହେବ। ଫେଡେରାଲ ରିଜର୍ଭକୁ ନିଜର ମୁଦ୍ରାନୀତିରେ ଏହି କଥାକୁ ସାମିଲ କରିବା ଉଚିତ।'

ପଶ୍ଚିମ ଏସିଆରେ ସଂଘର୍ଷ କାରଣରୁ ମୁଦ୍ରାସ୍ଫୀତିର ଚାପ ଜାରି ରହିବାର ଉଲ୍ଲେଖ କରି ୟୁରୋପୀୟ ସେଂଟ୍ରାଲ ବ୍ୟାଙ୍କ ଗୁରୁବାର ନିଜର ତିନୋଟି ମୁଖ୍ୟ ସୁଧ ହାରରେ ୨୫ ବେସିସ ପଏଂଟର ବୃଦ୍ଧି କରିଛି। ଆମେରିକୀୟ ଫେଡେରାଲ ରିଜର୍ଭ ଆସନ୍ତା ସପ୍ତାହରେ ସୁଧ ହାର ଉପରେ ନିଜର ନିଷ୍ପତି ନେବାକୁ ଯାଉଛି।

-----------

---------------

ହିନ୍ଦୁସ୍ଥାନ ସମାଚାର / ଗଗନ