ନୂଆଦିଲ୍ଲୀ, ୧୮ ସେପ୍େଟମ୍ବର (ହି.ସ.)- ଭାରତ ଆମେରିକାର ‘ଲିଣ୍ଡସେ ଓ. ଗ୍ରାହାମ ସ୍ୟାଙ୍କସନିଂ ରୁଷିଆ ଆଣ୍ଡ ଇରାନ ଆକ୍ଟ, ୨୦୨୬’ର ସମ୍ଭାବ୍ୟ ପ୍ରଭାବକୁ ନେଇ ଆମେରିକୀୟ ପ୍ରଶାସନର ବରିଷ୍ଠ ସ୍ତରରେ ନିଜ ଚିନ୍ତା ବଖାଣିଛି। ବିଦେଶ ମନ୍ତ୍ରଣାଳୟର ପ୍ରବକ୍ତା ରଣଧୀର ଜୟସୱାଲ କହିଛନ୍ତି ଯେ ଭାରତ ସ୍ପଷ୍ଟ ଭାବେ ଜଣାଇଛି ଯେ ଏହି ଆଇନର ଭାରତର ଶକ୍ତି ସୁରକ୍ଷା, ଅନ୍ତର୍ଜାତୀୟ ଶକ୍ତି ବଜାର ଏବଂ ସାମଗ୍ରିକ ଭାରତ-ଆମେରିକା ସମ୍ପର୍କ ଉପରେ ପ୍ରଭାବ ପଡ଼ିପାରେ।

ଜୟସୱାଲ ଶୁକ୍ରବାର ବିଦେଶ ମନ୍ତ୍ରଣାଳୟର ଦ୍ୱିସାପ୍ତାହିକ ମିଡିଆ ବ୍ରିଫିଂରେ ଏହି ଆଇନ ସହ ଜଡ଼ିତ ପ୍ରଶ୍ନର ଉତରରେ କହିଛନ୍ତି ଯେ ଭାରତ ପୂର୍ବରୁ ହିଁ ଆମେରିକୀୟ ପ୍ରଶାସନର ବରିଷ୍ଠ ସ୍ତରରେ ଏହି କଥା ରଖିସାରିଛି ଯେ ପ୍ରସ୍ତାବିତ ଆଇନର କ’ଣ କ’ଣ ପ୍ରଭାବ ପଡ଼ିପାରେ।

ସେ କହିଛନ୍ତି, “ଆମେ ପୂର୍ବରୁ ହିଁ ଆମେରିକୀୟ ପ୍ରଶାସନର ବରିଷ୍ଠ ସ୍ତରରେ ଏହି କଥା ରଖିଛୁ ଯେ ଏହି ଆଇନର ଭାରତର ଶକ୍ତି ସୁରକ୍ଷା, ଅନ୍ତର୍ଜାତୀୟ ଶକ୍ତି ବଜାର ଏବଂ ସାମଗ୍ରିକ ସମ୍ପର୍କ ଉପରେ କ’ଣ ପ୍ରଭାବ ପଡ଼ିପାରେ।”

ପ୍ରବକ୍ତା କହିଛନ୍ତି ଯେ ବର୍ତମାନ ଏହି ମାମଲାରେ ତାଙ୍କ ପାଖରେ ଏହାଠାରୁ ଅଧିକ କିଛି କହିବାକୁ ନାହିଁ।

ଆମେରିକୀୟ କଂଗ୍ରେସ ‘ଲିଣ୍ଡସେ ଓ. ଗ୍ରାହାମ ସ୍ୟାଙ୍କସନିଂ ରୁଷିଆ ଆଣ୍ଡ ଇରାନ ଆକ୍ଟ, ୨୦୨୬’କୁ ମଞ୍ଜୁର କରିଛି। ଏହି ଆଇନ ରୁଷିଆରୁ ଶକ୍ତି କିଣୁଥିବା ଦେଶଗୁଡ଼ିକ ଉପରେ ଅତିରିକ୍ତ ଶୁଳ୍କ ଲଗାଇବା ସମେତ ରୁଷିଆ ଏବଂ ଇରାନ ବିରୋଧରେ ପ୍ରତିବନ୍ଧର ବ୍ୟବସ୍ଥା କରେ।

------------

---------------

ହିନ୍ଦୁସ୍ଥାନ ସମାଚାର / ଗଗନ