ନୂଆଦିଲ୍ଲୀ, ସେପ୍ଟେମ୍ବର ୧୯(ହି.ସ.) - ଭାରତ-ନେପାଳ ସମ୍ପର୍କକୁ ସଂଯୋଗ, ଆର୍ôଥକ ସହଯୋଗ ଏବଂ ସହଭାଗୀ ବିକାଶର ଏକ ନୂତନ ସ୍ତରକୁ ନେବା ଉପରେ ଗବେଷଣା ଏବଂ ବିକାଶଶୀଳ ଦେଶମାନଙ୍କ ପାଇଁ ସୂଚନା ବ୍ୟବସ୍ଥା (ଆରଆଇଏସ) ଉପରେ ଆୟୋଜିତ ଅନ୍ତର୍ଜାତୀୟ ଆଲୋଚନାଚକ୍ରରେ ଗୁରୁତ୍ୱ ଦିଆଯାଇଥିଲା। ଏହି ଅବସରରେ ଉଦବୋଧନ ଦେଇ ନେପାଳର ଅର୍ଥମନ୍ତ୍ରୀ ଡ. ସ୍ୱର୍ଣ୍ଣିମ ୱାଗଲେ କହିଥିଲେ ଯେ ଦୁଇ ଦେଶ ମଧ୍ୟରେ ଐତିହାସିକ ଏବଂ ଗଭୀର ସମ୍ପର୍କର ଦୃଢ଼ ମୂଳଦୁଆ ଉପରେ ଅଧିକ ମହତ୍ୱାକାଂକ୍ଷୀ ଭାଗିଦାରୀ ଗଠନ କରିବାର ସୁଯୋଗ ରହିଛି।

ରିସର୍ଚ୍ଚ ଆଣ୍ଡ ଇନଫର୍ମେସନ ସିଷ୍ଟମ ଫର ଡେଭେଲପିଂ କଂଟ୍ରିଜ (ଆର. ଆଇ. ଏସ.) ଶନିବାର ଦିନ ଉଦୀୟମାନ ବିଶ୍ୱ ବ୍ୟବସ୍ଥାରେ ଭାରତ-ନେପାଳ ସମ୍ପର୍କର ଅଭିନବ ଦୃଷ୍ଟିକୋଣ' ଉପରେ ଏକ ଆଲୋଚନାଚକ୍ର ଆୟୋଜନ କରିଥିଲା, ଯେଉଁଥିରେ ନେପାଳର ଅର୍ଥମନ୍ତ୍ରୀ ଡ. ସ୍ୱର୍ଣ୍ଣିମ ୱାଗଲେ, ଭାରତ ସରକାରଙ୍କ ବୈଦେଶିକ ବ୍ୟାପାର ମନ୍ତ୍ରଣାଳୟର ଅତିରିକ୍ତ ସଚିବ (ଉତର) ମୁନୁ ମହାୱର, ଭାରତର ପୂର୍ବତନ ବୈଦେଶିକ ସଚିବ ତଥା ଆର. ଆଇ. ଏସ. ର ପୂର୍ବତନ ଅଧ୍ୟକ୍ଷ ପ୍ରଫେସର ରାମ ସିଂହ, ଆର. ଆଇ. ଏସ. ପରିଚାଳନା ବୋର୍ଡ ଏବଂ ପରିଚାଳନା ପରିଷଦର ସଦସ୍ୟ ଡ. ଶେଷାଦ୍ରି ଚାରି ଏବଂ ସଚିନ କୁମାର ଶର୍ମାଙ୍କ ସମେତ ବହୁ ସଂଖ୍ୟକ ନୀତି ନିର୍ଦ୍ଧାରକ, କୂଟନୀତିଜ୍ଞ, ଅର୍ଥନୀତିଜ୍ଞ, ଶିକ୍ଷାବିତ୍ ଏବଂ ରଣନୈତିକ ବ୍ୟାପାର ବିଶେଷଜ୍ଞ ଉପସ୍ଥିତ ଥିଲେ। ଏହି ଆଲୋଚନାଚକ୍ରରେ ଭାରତ-ନେପାଳ ସମ୍ପର୍କର ଭବିଷ୍ୟତ ଦିଗ, ବାଣିଜ୍ୟ ଏବଂ ନିବେଶ, ସଂଯୋଗ, ଶକ୍ତି ସହଯୋଗ, ପର୍ଯ୍ୟଟନ, ଡିଜିଟାଲ ଏବଂ ଆର୍ôଥକ ସଂଯୋଗ, ସୀମାପାର ଉତ୍ପାଦନ ନେଟୱାର୍କ ଏବଂ ସହଭାଗୀ ବିକାଶର ବିଭିନ୍ନ ଦିଗ ଉପରେ ବିସ୍ତୃତ ଭାବେ ଆଲୋଚନା କରାଯାଇଥିଲା।

ଏହି କାର୍ଯ୍ୟକ୍ରମରେ ଉଦବୋଧନ ଦେଇ ଡ. ସ୍ୱର୍ଣ୍ଣିମ ୱାଗଲେ କହିଥିଲେ ଯେ ଭାରତ-ନେପାଳ ସମ୍ପର୍କ କେବଳ ଦୁଇ ପଡ଼ୋଶୀ ଦେଶ ମଧ୍ୟରେ ସମ୍ପର୍କ ନୁହେଁ, ବରଂ ଏହା ସହଭାଗୀ ଇତିହାସ, ସଂସ୍କୃତି, ଗଭୀର ଲୋକ ସମ୍ପର୍କ ଏବଂ ଆର୍ôଥକ ସହଯୋଗ ଉପରେ ଆଧାରିତ। ସୀମାପାର ସଂଯୋଗ, ଶକ୍ତି ବାଣିଜ୍ୟ, ନିବେଶ ଏବଂ ଆଂଚଳିକ ଆର୍ôଥକ ଏକୀକରଣକୁ ନୂତନ ଉଚ୍ଚତାକୁ ନେଇଯିବା ଲାଗି ଉଭୟ ଦେଶ ନିକଟରେ ସୁଯୋଗ ରହିଛି। ପାରମ୍ପରିକ ସହଯୋଗ ଠାରୁ ଆଗକୁ ବଢ଼ିବା ଏବଂ ଉଭୟ ଦେଶର ନାଗରିକଙ୍କ ଜୀବନରେ ପ୍ରତ୍ୟକ୍ଷ ଆର୍ôଥକ ଲାଭ ଆଣିବା ଏବଂ ଆଂଚଳିକ ବିକାଶର ଏକ ମଡେଲ ଉପସ୍ଥାପନ କରିବା ଲାଗି ନୂତନ ବ୍ୟବସ୍ଥା ବିକଶିତ କରିବାର ସମୟ ଆସିଛି।

ହିନ୍ଦୁସ୍ଥାନ ସମାଚାର / ଭାନୁ ଚରଣ