କାଠମାଣ୍ଡୁ, ୧୯ ସେପ୍େଟମ୍ବର (ହି.ସ.)- ନେପାଳର ପ୍ରଧାନମନ୍ତ୍ରୀ ବାଲେନ୍ଦ୍ର ଶାହ କହିଛନ୍ତି ଯେ ଏହି ସରକାର ସମ୍ବିଧାନ ପ୍ରତି ସମ୍ପୂର୍ଣ୍ଣ ପ୍ରତିବଦ୍ଧ। ସମ୍ବିଧାନ ଦିବସ ଅବସରରେ ଆୟୋଜିତ ମୁଖ୍ୟ ସମାରୋହକୁ ସମ୍ବୋଧିତ କରି ପ୍ରଧାନମନ୍ତ୍ରୀ ଶାହ କହିଛନ୍ତି, ଏହି ସମ୍ବିଧାନର ଅକ୍ଷର ଏବଂ ଭାବନା ଉଭୟ ପ୍ରତି ଏହି ସରକାର ସମ୍ପୂର୍ଣ୍ଣ ପ୍ରତିବଦ୍ଧ।'

ସେ କହିଛନ୍ତି ଯେ ସମ୍ବିଧାନ ଯେତେ ଭଲ ହେଲେ ମଧ୍ୟ, ଯଦି ଏହାକୁ ଚଳାଉଥିବା ହାତଗୁଡ଼ିକ ସଚ୍ଚୋଟ ଏବଂ ନିରନ୍ତର ସକ୍ରିୟ ନ ହୁଅନ୍ତି ତେବେ ଏହା କେବଳ ଏକ କାଗଜ ହୋଇ ରହିଯିବ। ସେ ଦାବି କରିଛନ୍ତି ଯେ ସରକାର ସୁଶାସନ ପ୍ରତିଷ୍ଠା କରିବା ଏବଂ ଦୁର୍ନୀତି ଉପରେ ନିୟନ୍ତ୍ରଣ ପାଇବା ପାଇଁ କାମ କରୁଛି। ସେ କହିଛନ୍ତି ମୁଁ ସ୍ପଷ୍ଟ ଭାବେ କହୁଛି, ଏହା କେବଳ ଆରମ୍ଭ, ଶେଷ ନୁହେଁ। ଦୁର୍ନୀତି ଏବଂ ଦଣ୍ଡହୀନତାର ମୂଳ ଗଭୀର କିନ୍ତୁ ଏହି ମୂଳଗୁଡ଼ିକୁ ଉପାଡ଼ି ଫିଙ୍ଗିଦେବା ହାତଗୁଡ଼ିକ ଶକ୍ତିଶାଳୀ ଏବଂ ସଂଖ୍ୟାରେ ଅଧିକ।' ସେ ଆହୁରି କହିଛନ୍ତି, ସରକାର ଏହି କଥା ପ୍ରତି ସଚେତନ ଯେ ବିକାଶ ପାଇଁ ସୁଶାସନ ଏକ ଅନିବାର୍ଯ୍ୟ ପୂର୍ବ ସର୍ତ।

ସେ କହିଛନ୍ତି ଯେ ସୁଶାସନ ବଜାୟ ରଖିବା ପାଇଁ ପ୍ରଶାସନିକ ଢାଂଚାର ଉପଯୁକ୍ତ ଆକାର ନିର୍ଦ୍ଧାରଣ ଏବଂ ଦୁର୍ନୀତି ବିରୋଧରେ ଜିରୋ ଟଲରେନ୍ସ' (ଶୂନ୍ୟ ସହନଶୀଳତା) ନୀତି ଆପଣାଯାଇଛି।

---------------------------

---------------

ହିନ୍ଦୁସ୍ଥାନ ସମାଚାର / ଗଗନ