ଭୁବନେଶ୍ୱର, 02 ସେପ୍ଟେମ୍ବର (ହି.ସ.): ଦୁର୍ନୀତି

ବିରୋଧୀ ଅଭିଯାନରେ ଓଡ଼ିଶା ଭିଜିଲାନ୍ସକୁ ଏକ ବଡ଼ ସଫଳତା ମିଳିଛି। ନୟାଗଡ଼ ଜିଲ୍ଲା ମଧ୍ୟଖଣ୍ଡ

ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର (ପିଏଚସି)ର ପୂର୍ବତନ ମେଡିକାଲ ଅଫିସର ଡା. କେଦାରନାଥ ପାଲ ଲାଞ୍ଚ ନେବା

ମାମଲାରେ ଦୋଷୀ ସାବ୍ୟସ୍ତ ହୋଇଛନ୍ତି।

ସେବାରୁ ଅବସର ନେଇସାରିଥିବା

ଡା. କେଦାରନାଥ ପାଲଙ୍କୁ ୨ ସେପ୍ଟେମ୍ବର ୨୦୨୬ରେ ଭୁବନେଶ୍ୱରସ୍ଥିତ ଅତିରିକ୍ତ ସ୍ୱତନ୍ତ୍ର ଜଜ୍, ଭିଜିଲାନ୍ସଙ୍କ

ଅଦାଲତ ଦୋଷୀ ସାବ୍ୟସ୍ତ କରିଛନ୍ତି। ତାଙ୍କୁ ୩ ବର୍ଷର କଠୋର କାରାଦଣ୍ଡ ସହ ୨୦ ହଜାର ଟଙ୍କା

ଜରିମାନାରେ ଦଣ୍ଡିତ କରାଯାଇଛି।

ଓଡ଼ିଶା ଭିଜିଲାନ୍ସ ପକ୍ଷରୁ

କୁହାଯାଇଛି ଯେ, ଦୁର୍ନୀତି ନିବାରଣ ଆଇନ,

୧୯୮୮ର ଧାରା ୧୩(୨) ସହିତ ଧାରା ୧୩(୧)(ଡି)/୭ ଅନୁଯାୟୀ ଡା. ପାଲଙ୍କ

ବିରୋଧରେ ଚାର୍ଜସିଟ୍ ଦାଖଲ କରାଯାଇଥିଲା। ମଧ୍ୟଖଣ୍ଡ ପିଏଚସିର ଜଣେ କର୍ମଚାରୀଙ୍କୁ ହୁଡକୋଋଣ

ପ୍ରଦାନ କରିବା ପାଇଁ ସେ ଲାଞ୍ଚ ଦାବି କରିବା ସହ ଗ୍ରହଣ କରିଥିବା ଅଭିଯୋଗ ରହିଥିଲା।

ମାମଲାର ଶୁଣାଣି ପରେ

ଭୁବନେଶ୍ୱରର ଅତିରିକ୍ତ ସ୍ୱତନ୍ତ୍ର ଜଜ୍,

ଭିଜିଲାନ୍ସ ଡା. କେଦାରନାଥ ପାଲଙ୍କୁ ଦୋଷୀ ସାବ୍ୟସ୍ତ କରି ୩ ବର୍ଷର

କଠୋର କାରାଦଣ୍ଡ ଏବଂ ୨୦ ହଜାର ଟଙ୍କା ଜରିମାନାରେ ଦଣ୍ଡିତ କରିଛନ୍ତି।

ଭିଜିଲାନ୍ସ ପକ୍ଷରୁ ଆହୁରି

କୁହାଯାଇଛି ଯେ, ଡା. କେଦାରନାଥ ପାଲ ଦୋଷୀ ସାବ୍ୟସ୍ତ ହେବା ପରେ ତାଙ୍କ ପେନ୍ସନ୍

ବନ୍ଦ କରିବା ପାଇଁ ସକ୍ଷମ କର୍ତ୍ତୃପକ୍ଷଙ୍କ ନିକଟରେ ଆବଶ୍ୟକ ପଦକ୍ଷେପ ନିଆଯିବ।

ସରକାରୀ ସେବାରେ ଦୁର୍ନୀତି

ବିରୋଧରେ ଓଡ଼ିଶା ଭିଜିଲାନ୍ସ ପକ୍ଷରୁ ଚାଲିଥିବା ଅଭିଯାନରେ ଏହି କାର୍ଯ୍ୟାନୁଷ୍ଠାନକୁ ଏକ

ଗୁରୁତ୍ୱପୂର୍ଣ୍ଣ ସଫଳତା ଭାବେ ଦେଖାଯାଉଛି।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା