ଭୁବନେଶ୍ୱର, 21 ସେପ୍ଟେମ୍ବର (ହି.ସ): ଛତିଶଗଡ଼ର ମୁଖ୍ୟମନ୍ତ୍ରୀ

ବିଷ୍ଣୁଦେବ ସାଏ ସୋମବାର ଲୋକଭବନରେ ଓଡ଼ିଶାର ରାଜ୍ୟପାଳ ଡ. ହରିବାବୁ କମ୍ଭମପାଟିଙ୍କୁ ସାକ୍ଷାତ

କରିଛନ୍ତି। ଏହି ଅବସରରେ ଉଭୟ ନେତା ଓଡ଼ିଶା ଓ ଛତିଶଗଡ଼ ମଧ୍ୟରେ ରହିଥିବା ସମୃଦ୍ଧ ସାଧାରଣ

ସାଂସ୍କୃତିକ ଐତିହ୍ୟକୁ ନେଇ ଆଲୋଚନା କରିଥିଲେ।

ବୈଠକରେ ଉଭୟ ରାଜ୍ୟ ମଧ୍ୟରେ ବିଭିନ୍ନ କ୍ଷେତ୍ରରେ ବିକାଶ ଓ ସହଯୋଗ

ସହ ଜଡ଼ିତ ବିଭିନ୍ନ ପ୍ରସଙ୍ଗ ଉପରେ ମଧ୍ୟ ଆଲୋଚନା ହୋଇଥିଲା। ରାଜ୍ୟପାଳ ଡ. ହରିବାବୁ

କମ୍ଭମପାଟି ସୋସିଆଲ ମିଡିଆରେ ସେୟାର କରିଥିବା ଏକ ପୋଷ୍ଟରେ କହିଛନ୍ତି ଯେ, ଆଲୋଚନା ସମୟରେ

ଓଡ଼ିଶା ଓ ଛତିଶଗଡ଼ ମଧ୍ୟରେ ଥିବା ଦୃଢ଼ ସାଂସ୍କୃତିକ ସମ୍ପର୍କ ଏବଂ ଦୁଇ ରାଜ୍ୟ ମଧ୍ୟରେ

ସହଯୋଗକୁ ଆହୁରି ସୁଦୃଢ଼ କରିବାର ସମ୍ଭାବନା ନେଇ ମତ ବିନିମୟ ହୋଇଥିଲା।

ସେ କହିଛନ୍ତି ଯେ, ଦୁଇ ରାଜ୍ୟ ମଧ୍ୟରେ ଥିବା ସାଧାରଣ ସାଂସ୍କୃତିକ ସମ୍ପର୍କକୁ ଆହୁରି

ମଜବୁତ କରିବା ସହ ବିଭିନ୍ନ କ୍ଷେତ୍ରରେ ପାରସ୍ପରିକ ସହଯୋଗ ବଢ଼ାଇବାର ବ୍ୟାପକ ସମ୍ଭାବନା

ରହିଛି।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା