ନୂଆଦିଲ୍ଲୀ, ସେପ୍ଟେମ୍ବର 24(ହି.ସ) : ଘରୋଇ ସରାଫା ବଜାରରେ ଆଜି ପ୍ରାରମ୍ଭିକ କାରବାର ସମୟରେ ଚେନ୍ନାଇକୁ ଛାଡ଼ି ଦେଶର ଅଧିକାଂଶ ସରାଫା ବଜାରରେ ବୃଦ୍ଧି ଧାରା ଜାରି ରହିଛି। ଅନ୍ୟପକ୍ଷରେ ଚେନ୍ନାଇରେ ଆଜି ସୁନା ଦରରେ ହ୍ରାସ ରେକର୍ଡ ହୋଇଛି। ସେହିପରି ରୁପା ଦରରେ ଆଜି କ୍ରମାଗତ ଦ୍ୱିତୀୟ ଦିନ ପାଇଁ କୌଣସି ପରିବର୍ତ୍ତନ ହୋଇନାହିଁ। ସୁନା ଦରରେ ପରିବର୍ତ୍ତନ ଯୋଗୁଁ ଚେନ୍ନାଇକୁ ଛାଡ଼ି ଦେଶର ଅନ୍ୟ ସରାଫା ବଜାରରେ ସୁନା ପ୍ରତି ୧୦ ଗ୍ରାମରେ ୯୭୦ ଟଙ୍କାରୁ ୧,୦୪୦ ଟଙ୍କା ପର୍ଯ୍ୟନ୍ତ ମହଙ୍ଗା ହୋଇଛି। ଅନ୍ୟପକ୍ଷରେ ଚେନ୍ନାଇରେ ସୁନା ପ୍ରତି ୧୦ ଗ୍ରାମରେ ୫୦୦ ଟଙ୍କାରୁ ୫୫୦ ଟଙ୍କା ପର୍ଯ୍ୟନ୍ତ ଶସ୍ତା ହୋଇଛି।

ଦରରେ ହୋଇଥିବା ଏହି ପରିବର୍ତ୍ତନ ଯୋଗୁଁ ଦେଶର ଅଧିକାଂଶ ସରାଫା ବଜାରରେ ଆଜି ୨୪ କ୍ୟାରେଟ୍ ସୁନା ପ୍ରତି ୧୦ ଗ୍ରାମ ୧,୫୪,୧୯୦ ଟଙ୍କାରୁ ୧,୫୪,୩୬୦ ଟଙ୍କା ମଧ୍ୟରେ କାରବାର କରୁଛି। ସେହିପରି ୨୨ କ୍ୟାରେଟ୍ ସୁନା ଆଜି ପ୍ରତି ୧୦ ଗ୍ରାମ ୧,୪୧,୩୪୦ ଟଙ୍କାରୁ ୧,୪୧,୫୧୦ ଟଙ୍କା ମଧ୍ୟରେ ବିକ୍ରି ହେଉଛି। ରୁପା ଦରରେ କୌଣସି ପରିବର୍ତ୍ତନ ନହେବାରୁ ଏହି ଚମକୁଥିବା ଧାତୁ ଦିଲ୍ଲୀ ସରାଫା ବଜାରରେ ଆଜି ମଧ୍ୟ ପ୍ରତି କିଲୋଗ୍ରାମ ୨,୪୯,୯୦୦ ଟଙ୍କା ଦରରେ ବିକ୍ରି ହେଉଛି।

ଦିଲ୍ଲୀରେ ଆଜି ୨୪ କ୍ୟାରେଟ୍ ସୁନା ପ୍ରତି ୧୦ ଗ୍ରାମ ୧,୫୪,୩୬୦ ଟଙ୍କା ଦରରେ କାରବାର କରୁଥିବା ବେଳେ ୨୨ କ୍ୟାରେଟ୍ ସୁନାର ଦର ୧,୪୧,୫୧୦ ଟଙ୍କା ରେକର୍ଡ ହୋଇଛି। ଦେଶର ଆର୍ଥିକ ରାଜଧାନୀ ମୁମ୍ବାଇରେ ୨୪ କ୍ୟାରେଟ୍ ସୁନା ପ୍ରତି ୧୦ ଗ୍ରାମ ୧,୫୪,୨୧୦ ଟଙ୍କା ଏବଂ ୨୨ କ୍ୟାରେଟ୍ ସୁନା ୧,୪୧,୩୬୦ ଟଙ୍କା ଦରରେ ବିକ୍ରି ହେଉଛି। ସେହିପରି ଅହମଦାବାଦରେ ୨୪ କ୍ୟାରେଟ୍ ସୁନାର ଖୁଚୁରା ଦର ପ୍ରତି ୧୦ ଗ୍ରାମ ୧,୫୪,୨୬୦ ଟଙ୍କା ଏବଂ ୨୨ କ୍ୟାରେଟ୍ ସୁନାର ଦର ୧,୪୧,୪୧୦ ଟଙ୍କା ରେକର୍ଡ ହୋଇଛି।

ଏହି ପ୍ରମୁଖ ସହରଗୁଡ଼ିକ ବ୍ୟତୀତ ଚେନ୍ନାଇରେ ଆଜି ୨୪ କ୍ୟାରେଟ୍ ସୁନା ପ୍ରତି ୧୦ ଗ୍ରାମ ୧,୫୪,୧୯୦ ଟଙ୍କା ଏବଂ ୨୨ କ୍ୟାରେଟ୍ ସୁନା ୧,୪୧,୩୪୦ ଟଙ୍କା ଦରରେ ବିକ୍ରି ହେଉଛି। ସେହିପରି କୋଲକାତାରେ ୨୪ କ୍ୟାରେଟ୍ ସୁନା ପ୍ରତି ୧୦ ଗ୍ରାମ ୧,୫୪,୨୧୦ ଟଙ୍କା ଏବଂ ୨୨ କ୍ୟାରେଟ୍ ସୁନା ୧,୪୧,୩୬୦ ଟଙ୍କା ଦରରେ କାରବାର କରୁଛି। ଭୋପାଳରେ ୨୪ କ୍ୟାରେଟ୍ ସୁନାର ଦର ପ୍ରତି ୧୦ ଗ୍ରାମ ୧,୫୪,୨୬୦ ଟଙ୍କା ଥିବା ବେଳେ ୨୨ କ୍ୟାରେଟ୍ ସୁନା ପ୍ରତି ୧୦ ଗ୍ରାମ ୧,୪୧,୪୧୦ ଟଙ୍କା ଦରରେ ବିକ୍ରି ହେଉଛି।

--------

ହିନ୍ଦୁସ୍ଥାନ ସମାଚାର / ସ୍ୱାଗତିକା