ନୂଆଦିଲ୍ଲୀ, ସେପ୍ଟେମ୍ବର 24 (ଖବର ଓଡ଼ିଶା): ପୁରୁଷ ଡବଲ୍ ସ୍କଲ୍ସରେ ବ୍ରୋଞ୍ଜ ପଦକ ଜିତିଥିବାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗୁରୁବାର ଦିନ ସତନାମ ସିଂହ ଏବଂ ସଲମାନ ଖାନଙ୍କୁ ହାର୍ଦ୍ଦିକ ଅଭିନନ୍ଦନ ଓ ଶୁଭେଚ୍ଛା ଜଣାଇଛନ୍ତି।
ଏକ୍ସ ରେ ପ୍ରଧାନମନ୍ତ୍ରୀ ମୋଦୀ ଲେଖିଛନ୍ତି, ପୁରୁଷ ଡବଲ୍ ସ୍କଲ୍ ଇଭେଣ୍ଟରେ ସତନାମ ସିଂ ଏବଂ ସଲମାନ ଖାନଙ୍କ ଚମତ୍କାର ପ୍ରଦର୍ଶନ ଭାରତକୁ ଏକ ଯୋଗ୍ୟ ବ୍ରୋଞ୍ଜ ପଦକ ପ୍ରଦାନ କରିଛି। ତାଙ୍କର ସଂଯମତା ଏବଂ ସମନ୍ୱୟ ପ୍ରଶଂସନୀୟ ଥିଲା। ଆଶା କରୁଛି, ଏହି ସଫଳତା ତାଙ୍କୁ ଆଗାମୀ ବର୍ଷଗୁଡ଼ିକରେ ଆହୁରି ଅଧିକ ଉଚ୍ଚତା ହାସଲ କରିବା ପାଇଁ ପ୍ରେରଣା ଯୋଗାଇବ।
ଉଲ୍ଲେଖନୀୟ କଥା ହେଉଛି, ଭାରତୀୟ ରୋଇଂ ଯୋଡ଼ି ସତନାମ ସିଂ ଏବଂ ସଲମାନ ଖାନ ଏସୀୟ କ୍ରୀଡା 2026 ରେ ପୁରୁଷ ଡବଲ୍ ସ୍କଲ୍ ଇଭେଣ୍ଟରେ ବ୍ରୋଞ୍ଜ ପଦକ ଜିତି ଭାରତର ପଦକ ତାଲିକାରେ ଯୋଡି ହୋଇଥିଲେ। ପୁରୁଷ ସିଙ୍ଗଲ୍ସ ସ୍କଲ୍ସରେ ବଲରାଜ ପାନୱାର ଚତୁର୍ଥ ସ୍ଥାନରେ ରହି ପଦକରୁ ବଞ୍ଚିତ ହୋଇଥିଲେ।
--------
ହିନ୍ଦୁସ୍ଥାନ ସମାଚାର / ସ୍ୱାଗତିକା
