ସମ୍ବଲପୁର ୨୮, ସେପ୍ଟେମ୍ବର (ହି.ସ.) ପଶ୍ଚିମ ଓଡ଼ିଶାର ଆରାଧ୍ୟ ପ୍ରତିଷ୍ଠିତ ମାଁ ସମଲେଶ୍ଵରୀଙ୍କ ମନ୍ଦିର ଭଳି ଜିଲ୍ଲାର ଅନନ୍ୟ ମାଁ ଘଣ୍ଟେଶ୍ବରୀଙ୍କ ପୀଠରେ ମଧ୍ୟ ସବୁଦିନ ଶ୍ରଦ୍ଧାଳୁଙ୍କ ଭିଡ଼ ଲାଗି ରହିଥାଏ । ଏବେ ହୀରାକୁଦ ଜଳଭଣ୍ଡାରରୁ ଅତିରିକ୍ତ ବନ୍ୟାଜଳ ୩୦ଟି ଗେଟ୍ ଦେଇ ନିଷ୍କାସନ ହେଉଥିବା ବେଳେ ଜିଲ୍ଲାର ବିଭିନ୍ନ ତଳିଆ ଅଞ୍ଚଳ ଉଣା ଅଧିକେ ଜଳମଗ୍ନ ହୋଇପଡିଛି । ଏବେ ବନ୍ୟାଜଳର ସ୍ରୋତ ଅନ୍ୟାନ୍ୟ ସ୍ଥାନ ପରି ମାଁ ଘଣ୍ଟେଶ୍ବରୀଙ୍କ ପୀଠ ପରିସରକୁ ମଧ୍ୟ ସ୍ପର୍ଶ କରିଛି । ସୋମବାର ସକାଳେ କଟକ, ପୁରୀ, ଖୋର୍ଦ୍ଧା ଓ ଜଗତସିଂହପୁର ସମେତ ବାହାର ଅଞ୍ଚଳରୁ କେତେକ ଶ୍ରଦ୍ଧାଳୁ ଏଠାରେ ପହଞ୍ଚି ମାଁ ଘଣ୍ଟେଶ୍ବରୀଙ୍କ ପୂଜାର୍ଚ୍ଚନା ସହ ଦର୍ଶନ କରି ଫେରିଛନ୍ତି । ତେବେ ମାଁ'ଙ୍କ ପୀଠ ନିକଟରେ ବନ୍ୟାପାଣିରେ ସ୍ରୋତ କିଛି ଭିନ୍ନ ଆଧ୍ୟାତ୍ମିକ ପରିବେଶ ସୃଷ୍ଟି କରିଥିବା ନେଇ ମତ ପ୍ରକାଶ କରିଥିଲେ । ଏହି ଶ୍ରଦ୍ଧାଳୁଙ୍କ ଦଳରେ ବରିଷ୍ଠ ଆଇନଜୀବୀ ଲଳିତେନ୍ଦୁ ମହାନ୍ତି, ଠିକାଦାର ଆଶିଷ ନାୟକ, ସମବାୟବିତ୍ ଲକ୍ଷ୍ମଣ ସିଂହ, ହୋଟେଲ ଶିଳ୍ପପତି ସଞ୍ଜିବ ମହାନ୍ତି, ଅମ୍ବିକା ମହାନ୍ତି, ଶିବ ନାରାୟଣ ପ୍ରତିହାରୀ, ସୁଶାନ୍ତ ରାୟ, ଗଣପତି ବେହେରା ଓ ଅଶୋକ ପଣ୍ଡା ପ୍ରମୁଖ ମାଁ'ଙ୍କ ଦର୍ଶନ କରିଥିଲେ ।
---------------
ହିନ୍ଦୁସ୍ଥାନ ସମାଚାର / ଶୈଳେଶ
