ନୂଆଦିଲ୍ଲୀ, ୩ ସେପ୍ଟେମ୍ବର (ହି.ସ.)- ନିଶା ମୁକ୍ତ ଭାରତ ଅଭିଯାନ ଅଧୀନରେ ପ୍ରବର୍ତନ ନିର୍ଦ୍ଦେଶାଳୟ (ଇଡି) ଦକ୍ଷିଣ ଭାରତରେ ଆଠଟି ନିଶା ସମ୍ବନ୍ଧୀୟ ମାମଲାରେ ଏକକାଳୀନ ବ୍ୟାପକ ସର୍ଚ୍ଚ ଅପରେସନ ଆରମ୍ଭ କରିଛି । କେରଳ, କର୍ଣ୍ଣାଟକ, ତାମିଲନାଡ଼ୁ ଏବଂ ତେଲେଙ୍ଗାନାର ମୋଟ୍ ୩୦ଟି ପରିସରକୁ ମନି ଲଣ୍ଡରିଂ ନିବାରଣ ଆଇନ (ପିଏମଏଲଏ), ୨୦୦୨ର ଧାରା ୧୭ ଅନୁଯାୟୀ ଇଡିର ବିଭିନ୍ନ ଜୋନାଲ ଟିମ୍ ଦ୍ୱାରା କଭର କରାଯାଉଛି ।

ଇଡି ଅନୁଯାୟୀ, ନିଶା କାରବାର ଏବଂ ମନି ଲଣ୍ଡରିଂ ସମ୍ବନ୍ଧୀୟ ଆଠଟି ପୃଥକ୍ ମାମଲା ଅନୁସନ୍ଧାନ କରାଯାଉଛି । ଏହି ଅପରେସନ ଅଧୀନରେ ଦକ୍ଷିଣ ଜୋନ୍ ର ସମସ୍ତ ଜୋନ୍ ରେ ଏକାସାଙ୍ଗରେ ଚଢ଼ଉ କରାଯାଉଛି । ଅନୁସନ୍ଧାନ ସମୟରେ, ବେଆଇନ ନିଶାଦ୍ରବ୍ୟ କାର୍ଯ୍ୟକଳାପ ସହିତ ଜଡ଼ିତ ଟଙ୍କା, ସମ୍ପତି, ବ୍ୟାଙ୍କ ଆକାଉଂଟ, ଡକ୍ୟୁମେଂଟ ଏବଂ ଡିଜିଟାଲ୍ ପ୍ରମାଣ ଠାବ କରିବାକୁ ଏଜେନ୍ସି ଲକ୍ଷ୍ୟ ରଖିଛି । ଅଧିକ ତଦନ୍ତ ଜାରି ରହିଛି ।

ତାମିଲନାଡ଼ୁର ନିସାର୍ଦିନ, କାସିଲିଙ୍ଗମ ଏବଂ ଅନ୍ୟମାନଙ୍କ ସହ ଜଡ଼ିତ ମାମଲାରେ, ୧୧ ଜୁନ୍ ୨୦୨୪ ରେ ଏନ. ସି. ବି. ମଣ୍ଡପମ ଶରଣାର୍ଥୀ ଶିବିରରେ ରହୁଥିବା ଶ୍ରୀଲଙ୍କାର ନାଗରିକ ଏନ୍. ଅଜନଥନ ଏବଂ କେ. ମଧୁସନଙ୍କୁ ଗିରଫ କରିଥିଲା । ୧.୪୭୦ କିଲୋଗ୍ରାମ ମେଥାମ୍ଫେଟାମାଇନ୍ ସେମାନଙ୍କ ଠାରୁ ଜବତ କରାଯାଇଥିଲା । ୧୪ ଜୁନ୍ ୨୦୨୪ ରେ, ଦୋକାନ ନମ୍ବର ୧୯୩/୧୩୮, ଅଙ୍ଗପ୍ପା ନାଇକେନ୍ ଷ୍ଟ୍ରିଟ୍, ମନ୍ନାଡି, ଚେନ୍ନାଇ, କେ. କୃଷ୍ଣ କୁମାରୀ ମହମ୍ମଦ ରିଜାଲୁଦ୍ଦିନଙ୍କ ଠାରୁ ଟଙ୍କା ଗ୍ରହଣ କରୁଥିବା ଧରାପଡିଥିଲେ । ସେଠାରୁ ୧.୨୯ କୋଟି ଟଙ୍କାରୁ ଅଧିକ ଭାରତୀୟ ମୁଦ୍ରା, ୩୦ ହଜାର ଆମେରିକୀୟ ଡଲାର ଏବଂ ଶ୍ରୀଲଙ୍କାର ଟଙ୍କା ଜବତ କରାଯାଇଥିଲା ।

ଇଡି ଅନୁଯାୟୀ, ଉକ୍ତ ପରିସର ଦୁବାଇରେ ରହୁଥିବା ଏସ୍. ନିସାରାଦୀନଙ୍କ ତରଫରୁ ମହମ୍ମଦ ରିଜାଲୁଦ୍ଦିନଙ୍କ ଦ୍ୱାରା ପରିଚାଳିତ ହେଉଥିଲା ଏବଂ ଅନଧିକୃତ ହାୱାଲା କାରବାର ପାଇଁ ବ୍ୟବହୃତ ହେଉଥିଲା । ଏହି ମାମଲାରେ ଚେନ୍ନାଇ ଏବଂ ରାମନାଥପୁରମ ଜିଲ୍ଲାର ଦୁଇଟି ସ୍ଥାନରେ ଖୋଜାଖୋଜି ଚାଲିଛି ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ