ବଡଗାମ, ୦୪ ସେପ୍େଟମ୍ବର (ହି.ସ.)- ବଡଗାମ ଜିଲ୍ଲାର ଅଶଦାର ଗଲି ଅଂଚଳରେ ଭାରତୀୟ ସେନା, ଜମ୍ମୁ କାଶ୍ମୀର ପୋଲିସ ଏବଂ ସିଆରପିଏଫ ସହ ମିଳିତ ତଲାସୀ ଅଭିଯାନ ସମୟରେ ଜଣେ ଆତଙ୍କବାଦୀ ନିହତ ହୋଇଛି। ଘଟଣାସ୍ଥଳରୁ ଏକ ଏକେ ରାଇଫଲ ସହ ଯୁଦ୍ଧରେ ବ୍ୟବହୃତ ହେଉଥିବା ସାମଗ୍ରୀ ଉଦ୍ଧାର କରାଯାଇଛି।
ମିଳିତ ସୁରକ୍ଷାବଳ ଗୁରୁବାର ସନ୍ଧ୍ୟାରେ ଆତଙ୍କବାଦୀଙ୍କ ଉପସ୍ଥିତି ସମ୍ପର୍କରେ ସୂଚନା ପାଇବା ପରେ ଘେରାବନ୍ଦୀ ଏବଂ ତଲାସୀ ଅଭିଯାନ (ସିଏଏସଓ) ଆରମ୍ଭ କରିଥିଲେ, ଏହା ପରେ ଗୁଳିର ଶବ୍ଦ ଶୁଣିବାକୁ ମିଳିଥିଲା। ପରେ ଏହି ଅଭିଯାନକୁ ରାତିରେ ବନ୍ଦ କରାଯାଇଥିଲା ଏବଂ ଶୁକ୍ରବାର ସକାଳେ ପୁଣି ଆରମ୍ଭ କରାଯାଇଥିଲା। ସୁରକ୍ଷାବଳ ସନ୍ଦିଗ୍ଧ ଅଂଚଳର ଚାରିପାଖରେ କଡ଼ା ଘେରାବନ୍ଦୀ କରି ତଲାସୀ ଜାରି ରଖିଥିଲେ। ଅଭିଯାନରେ ସହାୟତା ପାଇଁ ଅତିରିକ୍ତ ସୁରକ୍ଷା କର୍ମଚାରୀମାନଙ୍କୁ ମଧ୍ୟ ଅଂଚଳକୁ ପଠାଯାଇଥିଲା।
ସେନା ଅନୁଯାୟୀ ଗୁପ୍ତଚର ସୂଚନା ଆଧାରରେ ସେନା, ପୋଲିସ ଏବଂ ସିଆରପିଏଫ ବଡଗାମର ଅଶଦାର ଗଲି ଅଂଚଳରେ ଏକ ମିଳିତ ତଲାସୀ ଅଭିଯାନ ଆରମ୍ଭ କରିଥିଲେ। ସତର୍କ ଯବାନମାନେ ସନ୍ଦିଗ୍ଧ ଗତିବିଧି ଦେଖିଥିଲେ ଏବଂ ଚ୍ୟାଲେଞ୍ଜ କରିବା ପରେ ଆତଙ୍କବାଦୀମାନେ ଗୁଳିବର୍ଷଣ ଆରମ୍ଭ କରିଥିଲେ, ଏହା ପରେ ଜୋରଦାର ମୁହାଁମୁହିଁ ସଂଘର୍ଷ ହୋଇଥିଲା। ଏହି ସମୟରେ ଜଣେ ଆତଙ୍କବାଦୀ ନିହତ ହୋଇଥିଲା ଏବଂ ଏକ ଏକେ ରାଇଫଲ ସହ ଯୁଦ୍ଧରେ ବ୍ୟବହୃତ ହେଉଥିବା ଅନ୍ୟ ସାମଗ୍ରୀ ଉଦ୍ଧାର କରାଯାଇଥିଲା। ତଲାସୀ ଅଭିଯାନ ଏବେ ମଧ୍ୟ ଜାରି ରହିଛି।
---------------
ହିନ୍ଦୁସ୍ଥାନ ସମାଚାର / ଗଗନ