ଅଯୋଧ୍ୟା, ସେପ୍ଟେମ୍ବର ୪ (ହି.ସ.)- ଅଯୋଧ୍ୟାର ଶ୍ରୀ ରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟର ଅଧ୍ୟକ୍ଷ ତଥା ମଣିରାମ ଦାସ କ୍ୟାଂଟନମେଂଟ ମନ୍ଦିରର ମୁଖ୍ୟ ମହାନ୍ତ ନୃତ୍ୟ ଗୋପାଳ ଦାସ ବିଶ୍ୱାସ ପ୍ରକଟ କରିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଉତର ପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ନେତୃତ୍ୱରେ ମଥୁରାର ଶ୍ରୀ କୃଷ୍ଣ ଜନ୍ମଭୂମି ସ୍ଥଳରେ ଏକ ଭବ୍ୟ ମନ୍ଦିର ନିର୍ମାଣ ପାଇଁ ପଥ ପରିଷ୍କାର ହେବ।
ମହାନ୍ତ ନୃତ୍ୟ ଗୋପାଳ ଦାସ ବିଗତ ଅନେକ ବର୍ଷ ଧରି କ୍ରମାଗତ ଭାବେ ଶ୍ରୀକୃଷ୍ଣ ଜନ୍ମାଷ୍ଟମୀ ଅବସରରେ ମଥୁରାର କୃଷ୍ଣ ଜନ୍ମଭୂମି ଠାରେ ଯୋଗ ଦେଇ କୃଷ୍ଣ ଲଲ୍ଲାର ଅଭିଷେକ କରିଆସୁଛନ୍ତି। ଏଥର ସେ ମଥୁରା ଯାଇପାରିଲେ ନାହିଁ। ସ୍ୱାସ୍ଥ୍ୟଗତ କାରଣରୁ ସେ ମଥୁରା ଗସ୍ତକୁ ସ୍ଥଗିତ ରଖିଛନ୍ତି। ଅସୁସ୍ଥତା କାରଣରୁ ସେ ତାଙ୍କ ଆଶ୍ରମରେ ବିଶ୍ରାମ ନେଉଛନ୍ତି। ମଥୁରା ଗସ୍ତ କରିପାରିନଥିବାରୁ ସେ ଦୁଃଖ ପ୍ରକାଶ କରିଛନ୍ତି।
ଶ୍ରୀ ରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟର ଅଧ୍ୟକ୍ଷ ତଥା ଶ୍ରୀ ମଣିରାମ ଦାସ କ୍ୟାଂଟନମେଂଟ ମନ୍ଦିରର ମହାନ୍ତ ନୃତ୍ୟ ଗୋପାଳ ଦାସ ଏକ ଚିଠି ଲେଖି କୃଷ୍ଣ ଜନ୍ମଭୂମି ମନ୍ଦିର ନିର୍ମାଣରେ କାର୍ଯ୍ୟ କରିବାର ଇଚ୍ଛା ପ୍ରକାଶ କରିଛନ୍ତି। ଚିଠିରେ ସେ ଲେଖିଛନ୍ତି ଯେ ଯଦି ଆଖଡ଼ା ପରିଷଦର ନେତୃତ୍ୱରେ ସାଧୁ ଏବଂ ସନ୍ଥମାନେ କର ସେବା କରିବେ, ତେବେ ସେମାନେ ମଧ୍ୟ ଅଂଶଗ୍ରହଣ କରିବେ। ସେ ବିଶ୍ୱାସ କରନ୍ତି ଯେ ପ୍ରଧାନମନ୍ତ୍ରୀ ମୋଦୀ ଏବଂ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ନେତୃତ୍ୱରେ ମଥୁରାର ଶ୍ରୀ କୃଷ୍ଣ ଜନ୍ମଭୂମି ସ୍ଥଳରେ ମନ୍ଦିର ନିର୍ମାଣ ପାଇଁ ପଥ ପରିଷ୍କାର ହେବ।
ହିନ୍ଦୁସ୍ଥାନ ସମାଚାର / ଭାନୁ ଚରଣ