ରାୟପୁର, ୦୫ ସେପ୍େଟମ୍ବର (ହି.ସ.)- ନ୍ୟାୟାଧୀଶ ସଞ୍ଜୟ କୁମାର ଅଗ୍ରୱାଲଙ୍କୁ ଛତିଶଗଡ଼ ଉଚ୍ଚ ନ୍ୟାୟାଳୟର ନୂଆ କାର୍ଯ୍ୟବାହକ ମୁଖ୍ୟ ନ୍ୟାୟାଧୀଶ ନିଯୁକ୍ତ କରାଯାଇଛି। କେନ୍ଦ୍ର ସରକାର ଏ ସମ୍ପର୍କରେ ଶୁକ୍ରବାର ଅଧିସୂଚନା ଜାରି କରିଛନ୍ତି।

ଛତିଶଗଡ଼ ଉଚ୍ଚ ନ୍ୟାୟାଳୟର ମୁଖ୍ୟ ନ୍ୟାୟାଧୀଶ ରମେଶ ସିହ୍ନା ୪ ସେପ୍େଟମ୍ବର ୨୦୨୬ ରେ ଅବସର ନେଇଥିଲେ। ରାଷ୍ଟ୍ରପତି ଦ୍ରୌପଦୀ ମୁର୍ମୁ ନ୍ୟାୟାଧୀଶ ସଞ୍ଜୟ କୁମାର ଅଗ୍ରୱାଲଙ୍କୁ ଛତିଶଗଡ଼ ଉଚ୍ଚ ନ୍ୟାୟାଳୟର ନୂଆ କାର୍ଯ୍ୟବାହକ ମୁଖ୍ୟ ନ୍ୟାୟାଧୀଶ ନିଯୁକ୍ତ କରିଛନ୍ତି। ତେବେ ନ୍ୟାୟାଧୀଶ ସଞ୍ଜୟ ଅଗ୍ରୱାଲଙ୍କୁ ରାଜସ୍ଥାନ ଉଚ୍ଚ ନ୍ୟାୟାଳୟର ମୁଖ୍ୟ ନ୍ୟାୟାଧୀଶ କରାଯାଇସାରିଛି। ରାଷ୍ଟ୍ରପତିଙ୍କ ଆଦେଶରେ ବର୍ତମାନ ପାଇଁ ତାଙ୍କୁ ଛତିଶଗଡ଼ର କାର୍ଯ୍ୟବାହକ ମୁଖ୍ୟ ନ୍ୟାୟାଧୀଶ ନିଯୁକ୍ତ କରାଯାଇଛି।

ଜଷ୍ଟିସ ସଞ୍ଜୟ କୁମାର ଅଗ୍ରୱାଲ ଛତିଶଗଡ଼ର ହିଁ ମୂଳ ବାସିନ୍ଦା ଏବଂ କାର୍ଯ୍ୟବାହକ ମୁଖ୍ୟ ନ୍ୟାୟାଧୀଶ ହେବା ପୂର୍ବରୁ ସେ ଛତିଶଗଡ଼ ଉଚ୍ଚ ନ୍ୟାୟାଳୟ ବିଲାସପୁରରେ ହିଁ ବରିଷ୍ଠ ନ୍ୟାୟାଧୀଶ ଭାବେ ପଦସ୍ଥ ଥିଲେ। ତାଙ୍କର ଜନ୍ମ ୧୫ ଜୁଲାଇ ୧୯୬୫ ରେ ଛତିଶଗଡ଼ର ବିଲାସପୁର ଜିଲ୍ଲାର ରତନପୁରରେ ହୋଇଥିଲା। ତାଙ୍କ ପରିବାର ରତନପୁରର ବାସିନ୍ଦା। ସେ ନିଜର ସ୍କୁଲ ଶିକ୍ଷା ରତନପୁରରୁ ହିଁ ସମ୍ପୂର୍ଣ୍ଣ କରିଥିଲେ।

ସେ ଗୁରୁ ଘାସୀଦାସ ବିଶ୍ୱବିଦ୍ୟାଳୟ, ବିଲାସପୁରରୁ ବି.ଏସ୍ସି. ଏବଂ ଏଲ୍ଏଲ୍.ବି. ଡିଗ୍ରୀ ହାସଲ କରିଥିଲେ। ଏହା ପରେ ସେ ପଣ୍ଡିତ ରବିଶଙ୍କର ଶୁକ୍ଲ ବିଶ୍ୱବିଦ୍ୟାଳୟ, ରାୟପୁରରୁ ଏଲ୍ଏଲ୍.ଏମ୍. ପାଠପଢ଼ା ସମ୍ପୂର୍ଣ୍ଣ କରିଥିଲେ। ଜଜ୍ ହେବା ପୂର୍ବରୁ ସେ ଛତିଶଗଡ଼ର ମହାଧିବକ୍ତା ମଧ୍ୟ ରହିସାରିଛନ୍ତି। ତାଙ୍କୁ ସେପ୍େଟମ୍ବର ୨୦୧୩ ରେ ଛତିଶଗଡ଼ ଉଚ୍ଚ ନ୍ୟାୟାଳୟର ନ୍ୟାୟାଧୀଶ ନିଯୁକ୍ତ କରାଯାଇଥିଲା ଏବଂ ସେ ସେବେଠାରୁ ଏଠାରେ ହିଁ ନିଜ ସେବା ପ୍ରଦାନ କରୁଥିଲେ।

--------------------------

---------------

ହିନ୍ଦୁସ୍ଥାନ ସମାଚାର / ଗଗନ