-ନିଖୋଜ ଲୋକଙ୍କ ପ୍ରଥମ ଶ୍ରେଣୀର ସମ୍ପର୍କୀୟଙ୍କଠାରୁ ନିଆଯିବ ଡିଏନଏ ନମୁନା, ମୃତଦେହକୁ ସ୍ୱଦେଶ ଆଣିବାରେ ମଧ୍ୟ ମିଳିବ ସହାୟତା
ବେଙ୍ଗାଲୁରୁ, ୦୫ ସେପ୍େଟମ୍ବର (ହି.ସ.)- ନେପାଳରେ ନିଖୋଜ କର୍ଣ୍ଣାଟକର ଲୋକଙ୍କ ପରିଚୟ ଏବଂ ଆବଶ୍ୟକ ପଡ଼ିଲେ ମୃତକଙ୍କ ପାର୍ôଥବ ଶରୀରକୁ ସ୍ୱଦେଶ ଆଣିବା ପ୍ରକ୍ରିୟାରେ ସୁବିଧା ପାଇଁ ବେଙ୍ଗାଲୁରୁର ବୋରିଂ ଏବଂ ଲେଡି କର୍ଜନ ହସ୍ପିଟାଲକୁ ଡିଏନଏ ପ୍ରୋଫାଇଲିଂର ନୋଡାଲ କେନ୍ଦ୍ର କରାଯାଇଛି। ଗ୍ରେଟର ବେଙ୍ଗାଲୁରୁ ପ୍ରାଧିକରଣ (ଜିବିଏ)ର ମୁଖ୍ୟ ଆୟୁକ୍ତ ଶନିବାର ଜାରି କରିଥିବା ବିଜ୍ଞପ୍ତିରେ ଏହି ସୂଚନା ଦେଇଛନ୍ତି।
ବିଜ୍ଞପ୍ତି ଅନୁଯାୟୀ, ନେପାଳରେ ନିଖୋଜ ଲୋକଙ୍କ ପରିଚୟରେ ସହଯୋଗ ପାଇଁ ସେମାନଙ୍କ ପ୍ରଥମ ଶ୍ରେଣୀର ସମ୍ପର୍କୀୟଙ୍କ ଡିଏନଏ ନମୁନା ନିଆଯିବ। ନିଖୋଜ ବ୍ୟକ୍ତିଙ୍କ ମାତାପିତା, ପୁଅ କିମ୍ବା ଝିଅ ନମୁନା ଦେଇପାରିବେ।
ଡିଏନଏ ନମୁନା ଦେଉଥିବା ସମ୍ପର୍କୀୟମାନଙ୍କୁ ସମ୍ପ୍ରତିର ପାସପୋର୍ଟ ଆକାରର ଫଟୋ, ଆଧାର କାର୍ଡ କିମ୍ବା ଅନ୍ୟ କୌଣସି ସରକାରୀ ପରିଚୟପତ୍ର ଏବଂ ନିଖୋଜ ବ୍ୟକ୍ତିଙ୍କ ସହ ସମ୍ପର୍କ ପ୍ରମାଣିତ କରୁଥିବା ଆବଶ୍ୟକ ଦସ୍ତାବିଜ ସାଙ୍ଗରେ ଆଣିବାକୁ ପଡ଼ିବ।
ବିଧି-ବିଜ୍ଞାନ ଚିକିତ୍ସା ବିଭାଗର ପ୍ରଫେସର ଏବଂ ମୁଖ୍ୟ ଡା. ନାଗେଶ କୁପ୍ପସ୍ତଙ୍କୁ ନୋଡାଲ ଅଧିକାରୀ ନିଯୁକ୍ତ କରାଯାଇଛି। ତାଙ୍କ ସହ ୯୭୪୨୭୦୭୫୦୦ରେ ଯୋଗାଯୋଗ କରାଯାଇପାରିବ। ରେଜିଡେଂଟ ଚିକିତ୍ସା ଅଧିକାରୀ ଡା. ବାଦିରାଜ ବି. ପୋକ୍କନଙ୍କ ସହ ୯୪୪୮୪୦୮୬୪୦ରେ ଯୋଗାଯୋଗ କରାଯାଇପାରିବ।
ଜିବିଏ ଅଧିକ ସୂଚନା, ମାର୍ଗଦର୍ଶନ ଏବଂ ଆବଶ୍ୟକ ସହାୟତା ପାଇଁ ହେଲ୍ପଲାଇନ ନମ୍ବର ୧୫୩୩ରେ ଯୋଗାଯୋଗ କରିବାକୁ ଅପିଲ କରିଛି।
-------------------------
---------------
ହିନ୍ଦୁସ୍ଥାନ ସମାଚାର / ଗଗନ
05 Sep 2026