ନୂଆଦିଲ୍ଲୀ, ୦୫ ସେପ୍େଟମ୍ବର (ହି.ସ.)- ଦିଲ୍ଲୀର ପଟିଆଲା ହାଉସ କୋର୍ଟ ଜନ୍ତର-ମନ୍ତରରେ ପ୍ରଦର୍ଶନ ସମୟରେ ଜଣେ ପ୍ରଦର୍ଶନକାରୀଙ୍କ ପିତାଙ୍କୁ ଆକ୍ରମଣ କରି ଆହତ କରିବା ଅଭିଯୋଗରେ ସ୍ୱତନ୍ତ୍ର ଭାରଦ୍ୱାଜଙ୍କୁ ଏକ ଦିନର ପୁଲିସ ହାଜତକୁ ପଠାଇଛି। ସ୍ୱତନ୍ତ୍ର ଭାରଦ୍ୱାଜଙ୍କୁ ଏକଦିନ ପୂର୍ବେ ୪ ସେପ୍େଟମ୍ବରରେ ଉତର ପ୍ରଦେଶର ବୁଲନ୍ଦଶହରରୁ ଗିରଫ କରାଯାଇଥିଲା। ଆଜି ପଟିଆଲା ହାଉସ କୋର୍ଟରେ ହାଜର କରାଯାଇଥିଲା।

ଦିଲ୍ଲୀ ପୁଲିସ ଅଭିଯୁକ୍ତ ସ୍ୱତନ୍ତ୍ର ଭାରଦ୍ୱାଜଙ୍କୁ ପଟିଆଲା ହାଉସ କୋର୍ଟରେ ହାଜର କରି ପଚରାଉଚରା ପାଇଁ ହେପାଜତ ମାଗିଥିଲା। ସ୍ୱତନ୍ତ୍ର ଭାରଦ୍ୱାଜଙ୍କ ଗିରଫ ସେତେବେଳେ ହୋଇଥିଲା ଯେତେବେଳେ ସେ ଏକ ପଡକାଷ୍ଟରେ ଏହା ସ୍ୱୀକାର କରିଥିଲେ ଯେ ସେ ଜଣେ ପ୍ରଦର୍ଶନକାରୀ ଛାତ୍ରୀଙ୍କ ପିତାଙ୍କ ମୁଣ୍ଡରେ ଆକ୍ରମଣ କରିଥିଲେ।

ଏହି ପଡକାଷ୍ଟ ପରେ କକରୋଚ ଜନତା ପାର୍ଟି ଏବଂ କିଛି ରାଜନୈତିକ ଦଳର କର୍ମୀମାନେ ସଂସଦ ମାର୍ଗ ଥାନାରେ ପ୍ରଦର୍ଶନ କରିଥିଲେ। ପ୍ରଦର୍ଶନକାରୀମାନଙ୍କ କହିବା ଥିଲା ଯେ ଯେତେବେଳେ ସ୍ୱତନ୍ତ୍ର ଭାରଦ୍ୱାଜ ନିଜେ ପଡକାଷ୍ଟରେ ଅଭିଯୋଗ ସ୍ୱୀକାର କରିଛନ୍ତି ତେବେ ତାଙ୍କ ବିରୋଧରେ ଏଫଆଇଆର ରୁଜୁ ହେବା ଉଚିତ।

ଏହି ପ୍ରଦର୍ଶନ ପରେ ସ୍ୱତନ୍ତ୍ର ଭାରଦ୍ୱାଜଙ୍କୁ ବୁଲନ୍ଦଶହରରେ ଗିରଫ କରାଯାଇଥିଲା। ସ୍ୱତନ୍ତ୍ର ଭାରଦ୍ୱାଜଙ୍କ ବିରୋଧରେ ପକ୍ସୋ ଆଇନ ଏବଂ ଏସସି-ଏସଟି ଆକ୍ଟର ଧାରା ଅନୁଯାୟୀ ଏଫଆଇଆର ରୁଜୁ କରାଯାଇଛି।

ଜନ୍ତର-ମନ୍ତରରେ ପ୍ରଦର୍ଶନ ସମୟରେ ସ୍ୱତନ୍ତ୍ର ଭାରଦ୍ୱାଜଙ୍କ ଫଟୋ ମଧ୍ୟ ସୋସିଆଲ ମିଡିଆରେ ଭାଇରାଲ ହୋଇଥିଲା।

------------------

---------------

ହିନ୍ଦୁସ୍ଥାନ ସମାଚାର / ଗଗନ