ନୂଆଦିଲ୍ଲୀ, ୦୭ ସେପ୍େଟମ୍ବର (ହି.ସ.)- ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଙ୍ଗଳବାର ଗୁଜରାଟ ଏବଂ ମହାରାଷ୍ଟ୍ର ଗସ୍ତରେ ରହିବେ। ଏହି ସମୟରେ ସେ ଗୁଜରାଟର ବଡୋଦରାରେ ୩୫ ହଜାର କୋଟି ଟଙ୍କାରୁ ଅଧିକର ବିକାଶ ପ୍ରକଳ୍ପର ଶିଳାନ୍ୟାସ ଓ ଉଦଘାଟନ କରିବେ। ଏହା ପରେ ମୁମ୍ବାଇରେ ଗ୍ଲୋବାଲ ଫିନଟେକ ଫେଷ୍ଟ (ଜିଏଫଏଫ) ୨୦୨୬ର ଉଦଘାଟନ କରିବେ ଏବଂ ସଭାକୁ ସମ୍ବୋଧିତ କରିବେ।
ପ୍ରଧାନମନ୍ତ୍ରୀ କାର୍ଯ୍ୟାଳୟ ଅନୁଯାୟୀ, ପ୍ରଧାନମନ୍ତ୍ରୀ ୮ ସେପ୍େଟମ୍ବର ଦିନ ପ୍ରାୟ ୧୨ଟା ସମୟରେ ବଡୋଦରାରେ ବିଭିନ୍ନ ବିକାଶ ପ୍ରକଳ୍ପର ଶିଳାନ୍ୟାସ, ଉଦଘାଟନ ଏବଂ ରାଷ୍ଟ୍ରକୁ ସମର୍ପଣ କରିବେ। ଏଥିରେ ପଶ୍ଚିମ ସମର୍ପିତ ମାଲ ଗଲିଆରା (ଡବ୍ଲ୍ୟୁଡିଏଫସି)ର ତିନୋଟି ଗୁରୁତ୍ୱପୂର୍ଣ୍ଣ ଖଣ୍ଡକୁ ରାଷ୍ଟ୍ରକୁ ସମର୍ପଣ କରିବା ପ୍ରମୁଖ। ଏହି ୩୨୬ କିଲୋମିଟର ଦୀର୍ଘ ଖଣ୍ଡଗୁଡ଼ିକର ନିର୍ମାଣରେ ୨୦,୭୦୦ କୋଟି ଟଙ୍କାରୁ ଅଧିକ ଖର୍ଚ୍ଚ ହୋଇଛି। ଏଥିରେ ସାଣନ୍ଦ (ଉତର)-ମକରପୁରା, ନ୍ୟୁ ଉମରଗାଁ-ନ୍ୟୁ ସଫାଲେ ଏବଂ ନ୍ୟୁ ସଫାଲେ-ଜେଏନପିଟି ଖଣ୍ଡ ସାମିଲ ଅଛି।
ଏହି ଖଣ୍ଡଗୁଡ଼ିକ ଆରମ୍ଭ ହେବା ସହିତ ସମର୍ପିତ ମାଲ ଗଲିଆରା ନେଟୱର୍କ ଏହାର ସମ୍ପୂର୍ଣ୍ଣ ଲମ୍ବରେ ପରିଚାଳନା ପାଇଁ ପ୍ରସ୍ତୁତ ହୋଇଯିବ। ଜେଏନପିଏରୁ ସିଧାସଳଖ ରେଳ ସଂଯୋଗ ଦ୍ୱାରା ଆମଦାନି-ରପ୍ତାନି ମାଲର ଦ୍ରୁତ ଗତିରେ ପରିବହନ ସମ୍ଭବ ହେବ। ଏହା ଦ୍ୱାରା ଶିଳ୍ପ କେନ୍ଦ୍ର ଏବଂ ବନ୍ଦରଗୁଡ଼ିକ ମଧ୍ୟରେ ସଂଯୋଗ ମଜବୁତ ହେବା, ଲଜିଷ୍ଟିକ୍ସ ଖର୍ଚ୍ଚ ହ୍ରାସ ପାଇବା ଏବଂ ମୁମ୍ବାଇର ରେଳ ନେଟୱର୍କ ଉପରେ ଚାପ କମିବାର ଆଶା ରହିଛି।
---------------
---------------
ହିନ୍ଦୁସ୍ଥାନ ସମାଚାର / ଗଗନ
07 Sep 2026