ଇଟାବା, ୧୩ ଅକ୍ଟୋବର (ହି.ସ.)- ଉତରପ୍ରଦେଶର ଇଟାବା ଜିଲ୍ଲା ଉସରାହାର ଥାନା ଅନ୍ତର୍ଗତ ଆଗ୍ରା-ଲକ୍ଷ୍ନୌ ଏକ୍ସପ୍ରେସ ୱେ ରେ କି.ମି. ସଂଖ୍ୟା-୧୨୫ ନିକଟରେ ଲକ୍ଷ୍ନୌରୁ ଦିଲ୍ଲୀ ଅଭିମୁଖେ ଯାଉଥିବା ଏକ କାର୍ ଭାରସାମ୍ୟ ହରାଇ ଏକ ଟ୍ରକ୍ ପଛରେ ପଶି ଯାଇଥିଲା । ଦୁର୍ଘଟଣାରେ କାର୍ ରେ ଯାତ୍ରା କରୁଥିବା ତିନି ଜଣଙ୍କ ମୃତ୍ୟୁ ଘଟିଛି । ଅନ୍ୟ ତିନି ଜଣ ଗୁରୁତର ହୋଇଛନ୍ତି । ମୃତକଙ୍କ ମଧ୍ୟରେ ୨ ଜଣ ବିଦେଶୀ ଯୁବତୀ ରହିଛନ୍ତି । ତନ୍ମଧ୍ୟରୁ ଜଣେ ଆଫଗାନିସ୍ତାନ ଓ ଅନ୍ୟ ଜଣେ ରୁଷୀୟ ନାଗରିକ ବୋଲି ଜଣାପଡିଛି । ଖବର ପାଇ ସ୍ଥାନୀୟ ପୋଲିସ ଘଟଣାସ୍ଥଳରେ ପହଂଚି ଆହତମାନଙ୍କୁ ସୁରକ୍ଷିତ ଭାବେ ଉଦ୍ଧାର କରି ସୈଫଇ ମେଡିକାଲ ୟୁନିଭରସିଟିରେ ଭର୍ତି କରିଛି । ଆହତ ମାନେ ଚିକିତ୍ସାଧିନ ରହିଛନ୍ତି ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ