ସମ୍ବଲପୁର, ୨୬ ନଭେମ୍ବର (ହି.ସ.)- ଟାଉନ ଥାନା ପୋଲିସ ନିଶା ସାମଗ୍ରୀ ଜବତ କରିବା ସହ ଘଟଣାରେ ୩ ଜଣଙ୍କୁ ଗିରଫ କରିଛି । ଗିରଫ ଅଭିଯୁକ୍ତ ମାନେ ଧନୁପାଲି ଥାନା ଅନ୍ତର୍ଗତ ମୋତିଝରନ୍‌ର ସାୟଦ୍ ନିସାର(୨୪) ଓ ଅବଦୁଲ ସଲିମ(୨୫) ଏବଂ ଦଲେଇପଡାର ଆସଫାକ୍ ଖାନ୍‌(୨୨) ବୋଲି ଜଣାପଡିଛି । ଏମାନଙ୍କ ଠାରୁ ୨୫ଟି କଫସିରପ, ୧୦ଲିଟର ଦେଶୀମଦ, ୧୦ପତା ନିଶା ବଟିକା ଓ ୩ଟି ମୋବାଇଲ ଫୋନ ଜବତ ହୋଇଛି । ଏନେଇ ୪୯୦/୨୪ରେ ଏକ ମାମଲା ରୁଜୁ କରାଯାଇ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି । ସୂଚନାଯୋଗ୍ୟ, ଅଭିଯୁକ୍ତ ମାନେ ସରକାରୀ ବସ୍‌ଷ୍ଟାଣ୍ଡ ନିକଟରେ ନିଶା ସାମଗ୍ରୀ ବିକ୍ରି କରୁଥିବା ଖବର ପାଇ ପୋଲିସ ଚଢଉ କରିଥିଲା ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ