ଚମ୍ପୁଆ, 26 ଡିସେମ୍ବର (ହି.ସ.)ଚମ୍ପୁଆ ନିକଟସ୍ଥ ମୟୁରଭଞ୍ଜ ଜିଲ୍ଲା ରରୁଆଁ ବ୍ଲକ୍ ଅନ୍ତର୍ଗତ ନାକସରା ଗ୍ରାମ ରେ ଏକ ବାଇକ୍ ଦୁର୍ଘଟଣା ରେ ଜଣେ ଯୁବକ ଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ ଗୁରୁତର ଆହତ ହୋଇଥିବା ଜଣାପଡିଛି। ଆଜି ସନ୍ଧ୍ୟା ବେଳେ ନାକସରା ଗ୍ରାମ ର ଫିରନ ଗିରି ଓ ମୁକେଶ ଗିରି ଏକ ବାଇକ୍ ରେ ଯାଉଥିବା ବେଳେ ଗ୍ରାମ ନିକଟରେ ଦୁର୍ଘଟଣା ର ଶିକାର ହୋଇଥିଲେ। ଉଭୟ ଙ୍କୁ ସେଠାରୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ଚମ୍ପୁଆ ଉପଖଣ୍ଡ ଚିକିତ୍ସାଳୟ ରେ ଭର୍ତ୍ତି କରାଯାଇଥିଲା । ସେଠାରେ ଡ଼ାକ୍ତର ଫିରନ୍ ଙ୍କୁ ମୃତ ଘୋଷଣା କରିଥିଲେ। ମୁକେଶ ଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟ କୁ ସ୍ଥାନାନ୍ତର କରାଯାଇଥିବା ଜଣାପଡିଛି ।

---------------

ହିନ୍ଦୁସ୍ଥାନ ସମାଚାର / Trinath Mahanta