ରାଉରକେଲା, ୨୯ ଡିସେମ୍ବର (ହି.ସ.) - ରାଉରକେଲା ମହାନଗର ନିଗମ, ରାଉରକେଲା ସ୍ମାର୍ଟ ସିଟି ଲିମିଟେଡ ଏବଂ ରାଉରକେଲା ଉନ୍ନୟନ କର୍ତୃପକ୍ଷ ପକ୍ଷରୁ ରାଉରକେଲା ଓ ଆଖପାଖ ଅଂଚଳରେ ବିଭିନ୍ନ ଉନ୍ନୟନ ବିଭିନ୍ନ ଜନକଲ୍ୟାଣକାରୀ ପ୍ରକଳ୍ପ ଗୁଡିକର ଆଜି ରାଉରକେଲା ଅତିରିକ୍ତ ଜିଲ୍ଲାପାଳ ତଥା ମହାନଗର ନିଗମ କମିଶନର ଶ୍ରୀଯୁକ୍ତ ଆଶୁତୋଷ କୁଲକର୍ଣ୍ଣି ଏକ ସମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।
ଆଜି ମହାନଗର ନିଗମ ସଭାକକ୍ଷରେ ଅନୁଷ୍ଠିତ ସାମ୍ବାଦିକ ସମ୍ମିଳନୀ ରେ ଗଣମାଧ୍ୟମର ପ୍ରତିନିଧି ମାନଙ୍କୁ ସମ୍ବୋଧିତ କରି କହିଛନ୍ତି ଯେ ଆରଏମସି ପକ୍ଷରୁ ଜୁଲାଇ ଓ ଅଗଷ୍ଟ ମଧ୍ୟରେ ବିଭିନ୍ନ ୱାର୍ଡରେ ଅଂଚଳବାସୀଙ୍କ ଆପତି ଅଭିଯୋଗର ଶୁଣାଣି କରାଯାଇଥିଲା । ଏହି ଜନଶୁଣାଣୀରେ ପାଖାପାଖି ୫୦୦ ଅଭିଯୋଗକାରୀଙ୍କ ଅଭିଯୋଗର ଶୁଣାଣୀ ହୋଇଥିଲା କ୍ଷ ସେଥି ମଧ୍ୟରେ ମୁଖ୍ୟତଃ ଡ୍ରେନ୍ ସମସ୍ୟା, ଷ୍ଟ୍ରିଟ ଲାଇଟ, ରାସ୍ତା ନିର୍ମାଣ, ପାନୀୟ ଜଳ ଯୋଗାଣ ଆଦି ଅଭିଯୋଗ ଅନ୍ତର୍ଭୁକ୍ତ ଥିଲା । ସେଥିରୁ ଅଧିକାଂଶ ସମସ୍ୟାର ସମାଧାନ କରା ଯାଇଅଛି ।
ଚଳିତ ବର୍ଷ ଆରଏମସି ପକ୍ଷରୁ ୫୦୦ ରୁ ଉର୍ଦ୍ଧ୍ୱ ପ୍ରକଳ୍ପ ନିମନ୍ତେ ୧୦୪ କୋଟି ଟଙ୍କାର ବାର୍ଷିକ ବ୍ୟୟ ଅଟକଳ ରଖାଯାଇଛି । ଏଥିରେ ନିଗମରେ ସାମିଲ ହୋଇଥିବା ନୂତନ ୱାର୍ଡ ଫର୍ଟିଲାଇଜର, ଜଗଦା ଓ ଝାରତରଙ୍ଗର ବିକାଶ ଉପରେ ବିଶେଷ ଗୁରୁତ୍ୱ ଦିଆଯିବ । ଏହା ବ୍ୟତୀତ ଭଣ୍ଡା ଟୋଲା, ତନ୍ତିଟୋଲା, ବୁରୁଟୋଲା, ସିଂ ଟୋଲା , ନଦିଟୋଲା , ବାଲିଯୋଡି ଓ ଜେକେ ନଗରରେ ମୁଖ୍ୟତଃ ଡ୍ରେନ୍ ସମସ୍ୟା, ଷ୍ଟ୍ରିଟ ଲାଇଟ, ରାସ୍ତା ନିର୍ମାଣରେ ମଧ୍ୟ ନିବେଶ କରାଯିବ ।
ସେହିପରି ଶ୍ରୀ କୁଲକର୍ଣ୍ଣି ସୂଚନା ଦେଲେ ଯେ, ମହାନଗର ନିଗମ ଅଚଂଳରେ ମୋଟ ୫୨ ଟି ପ୍ରାଥମିକ ଓ ଉଚ୍ଚ ପ୍ରାଥମିକ ବିଦ୍ୟାଳୟ ରହିଛିକ୍ଷ ସେଥିମଧ୍ୟରୁ ୧୦ ଟି ବିଦ୍ୟାଳୟର ଉନ୍ନତି କରଣ କରାଯାଇଛି । ଆଗାମୀ ଦିନରେ ଆରଏମସି ପକ୍ଷରୁ ୭ ଟି ବିଦ୍ୟାଳୟକୁ ଭଙ୍ଗାଯାଇ ନୂତନ ବିଂଲଡିଂ ନିର୍ମାଣ କରାଯିବ । ଏଥିପାଇଁ ୭ କୋଟି ଟଙ୍କାର ବ୍ୟୟ ଅଟକଳ ରଖା ଯାଇଛି ।
ଇଡବ୍ଲୁଏସ ଆବାସ ଗୃହ ବିଷୟରେ ସେ କହିଛନ୍ତି ଯେ, ରାଉରକେଲା ଉନ୍ନୟନ କର୍ତୃପକ୍ଷରୁ ଛେଣ୍ଡ ନିକଟରେ ମନଟୋଲା, ବିପିୟୁଟି ବସ୍ତି, ବିଦ୍ୟୁତ ବସ୍ତିର ବସ୍ତି ବାସିନ୍ଦାମାନଙ୍କ ଥଇଥାନ ନିମନ୍ତେ ସୂଲଭ ମୂଲ୍ୟର ୫୦୦ ଫ୍ଲାଟ୍ ନିର୍ମାଣ କରାଯାଇଛି । ସେମାନଙ୍କର ସ୍ଥାନାନ୍ତରଣ ପ୍ରକ୍ରିୟା ଆରମ୍ଭ ହୋଇ ଯାଇଛି । ଫେବୃଆରୀ ଶେଷ ପର୍ଯ୍ୟନ୍ତ ସ୍ଥାନାନ୍ତରଣ ପ୍ରକ୍ରିୟା ସାରିବାର ଲକ୍ଷ୍ୟ ରଖାଯାଇଛି ।
ଆଜି ପର୍ଯ୍ୟନ୍ତ ବେଆଇନ୍ ଭାବେ ନିର୍ମାଣାଧୀନ ୬୦ ଟି ବିଲ୍ଡିଂରେ ଆରଏମସିର ପ୍ଲାନିଂ ଓ ଏନଫୋର୍ସମେଂଟ ଟିମ୍ ପହଂଚି ନୋଟିସ ଲଗାଇଛନ୍ତି। ବେଆଇନ କାମକୁ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସେ କହିଥିଲେ ।
ଆଗାମୀ ଯୋଜନା ବିଷୟରେ ଗଣ ମାଧ୍ୟମର ପ୍ରତିନିଧି ମାନଙ୍କୁ ଜଣାଇଲେ ଯେ, ୪ କୋଟି ଟଙ୍କାର ବ୍ୟୟରେ ଟିସିଆଇ ଚୌକ ରୁ ଇଡକୋ ଗେଟ ରୋଡ ନିର୍ମାଣ କାର୍ଯ୍ୟ ଆରମ୍ଭ କରାଯାଇଛିକ୍ଷ ଦୟାନନ୍ଦ ନଗର, ବୁରୁଟୋଲା, ପିକେଦାସ କୋଲୋନି,ଫାଦର କୋଲୋନିରେ ଡ୍ରେନେଜ ବ୍ୟବସ୍ଥା କରାଯିବ । ଜଗଦା, ଶକ୍ତିନଗର, ଝିରପାଣି,କୋଏଲ ନଗର ଅଂଚଳରେ ସ୍ୱେରେଜ ବ୍ୟବସ୍ଥା କରିବାର ମଧ୍ୟ ଯୋଜନା ରହିଛି ।
ସେହିପରି ଟିସକୋ ହିଲ , କଳିଙ୍ଗ ବିହାର, ପ୍ରଧାନପାଲି ଅଂଚଳ ନିମନ୍ତେ ଏକ ମାର୍କେଟ ନିର୍ମାଣ କରାଯିବ । ଏଥିରେ ୪୦୦ ଭେଣ୍ଡର ବସିବାର ବ୍ୟବସ୍ଥା କରାଯିବ । ବଲୁଘାଟରେ ହୋଲସେଲ ମାର୍କେଟ ର ମଧ୍ୟ ନିର୍ମାଣ କରିବାର ଯୋଜନା ରହିଛି । ଖୁବ ଶିଘ୍ର ଏହା ପାଇଁ ସର୍ଭେ ଆରମ୍ଭ କରିବ ।
ଶ୍ରୀ କୁଲକର୍ଣ୍ଣି ଆହୁରି ମଧ୍ୟ କହିଲେ ଯେ ଆରଜିଏଚରେ ଏନଏସପିସିଏଲ ପକ୍ଷରୁ ପୋଷ୍ଟମର୍ଟମ ସେଂଟର ସ୍ଥାପନ କରାଯିବ । ମୃତ ପଶୁ ପୋଡିବା ପାଇଁ ସ୍ୱତନ୍ତ୍ର ବ୍ୟବସ୍ଥା ସହିତ ସି ଓ ଡି େଓ୍ଷ୍ଟ ପ୍ରୋସୋସ ପ୍ଲାଂଟ ସ୍ଥାପନ ପାଇଁ ଟେଣ୍ଡର ପ୍ରକ୍ରିୟା ଆରମ୍ଭ ହୋଇଯିବ । ବିପିୟୁଟି ନିକଟରେ ଥିବା ଅଳିଆ ଆବର୍ଜନାର ଜାଗା କୁ ସଫା କରାଯିବ।
ସେହିପରି ରାଉରକେଲା ବସ ଷ୍ଟାଣ୍ଡର ନବୀକରଣ ଖୁବ ଶୀଘ୍ର ହେବ ବୋଲି ସେ ସୂଚନା ଦେଇଛନ୍ତି । ସେହିପରି ମ୍ୟୁଜିୟମ , ବିଗ୍ ରିକ୍ରିଏସନାଲ ପାର୍କ, ପ୍ଳାନେଟୋରିୟମ ମଧ୍ୟ ୩ ମାସ ମଧ୍ୟରେ ଶେଷ କରିବାର ଲକ୍ଷ୍ୟ ରଖାଯାଇଛି ।
ହିନ୍ଦୁସ୍ଥାନ ସମାଚାର/କାଳୀପ୍ରସାଦ/ଭାନୁ
ହିନ୍ଦୁସ୍ଥାନ ସମାଚାର / କାଳୀପ୍ରସାଦ
