ଲକ୍ଷେ୍ଣø, ୨୯ ଅପ୍ରେଲ(ହି.ସ.) – ରକ୍ଷାମନ୍ତ୍ରୀ ରାଜନାଥ ସିଂହ ସୋମବାର ଦିନ ଲକ୍ଷେ୍ଣø ଲୋକସଭା ବିଜେପି ପ୍ରାର୍ଥୀ ରୂପେ କଲେକ୍ଟେଟ ପହଂଚି ନାମାଙ୍କନ ଦାଖଲ କରିଛନ୍ତି । ନାମାଙ୍କନ ପୂର୍ବରୁ ରାଜନାଥ ସିଂହ ଭାଜପା ପ୍ରଦେଶ କାର୍ଯ୍ୟାଳୟରୁ କଲେକ୍ଟେଟ ପର୍ଯ୍ୟନ୍ତ ରୋଡ଼ ଶୋ କରିଛନ୍ତି । ରୋଡ଼ ଶୋ ପରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ, ଉତରାଖଣ୍ଡର ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମୀ ଏବଂ ଉପ ମୁଖ୍ୟମନ୍ତ୍ରୀ ବ୍ରଜେଶ ପାଠକଙ୍କ ଉପସ୍ଥିତିରେ ନାମାଙ୍କନ ଦାଖଲ କରିଛନ୍ତି ।

ସେହିପରି ମୋହନଲାଲଗଞ୍ଜ ଲୋକସଭାରେ ବିଜେପି ପ୍ରାର୍ଥୀ ରୂପେ କୌଶଲ କିଶୋର ମଧ୍ୟ ନାମାଙ୍କନ ଦାଖଲ କରିଛନ୍ତି । କୌଶଲ କିଶୋର କେନ୍ଦ୍ରରେ ରାଜ୍ୟମନ୍ତ୍ରୀ ଅଟନ୍ତି । ସେଠାରେ ବିଜେପିର ଦ୍ୱିତୀୟ ଥର ନିର୍ବାଚନ ଲଢ଼ୁଛନ୍ତି । ରାଜନାଥ ସିଂହ ଲକ୍ଷେ୍ଣøରୁ ତୃତୀୟ ଥର ଲୋକସଭାର ନିର୍ବାଚନ ଲଢ଼ୁଛନ୍ତି । ନାମାଙ୍କନ ଶୋଭାଯାତ୍ରାରେ ହଜାର ହଜାର ଲୋକ ସାମିଲ ଥିଲେ । ସୋମବାର ଦିନ ରାଜନାଥ ସିଂହ ସବୁଠାରୁ ପ୍ରଥମ ହନୁମାନ ସେତୁ ପହଂଚି ବଜରଙ୍ଗବାଲୀଙ୍କ ଦର୍ଶନ ପୂଜା କରିଛନ୍ତି । ଏହାପରେ ବିଜେପି କାର୍ଯ୍ୟାଳୟ ପହଂଚିଛନ୍ତି ।

ହିନ୍ଦୁସ୍ଥାନ ସମାଚାର/ବୀଣାପାଣି

......................................./ସମନ୍ୱୟ