ମାଲକାନଗିରି, ୨ ମଇ (ହି.ସ.)- ମାଲକାନଗିରି ନିର୍ବାଚିନ ମଣ୍ଡଳୀ ଅନ୍ତର୍ଗତ କାଲିମେଳା ବ୍ଳକ ପୋଟେରୁ ଶ୍ରୀ ହରିଚାଁଦ ସେବାଶ୍ରମ ସାମନାରେ ମାଲକାନଗିରି ବିଧାୟକ ପ୍ରାର୍ଥୀ ନରସିଂହ ମାଡକାମୀ ଓ ସାଂସଦ ପ୍ରାର୍ଥୀ ବଳଭଦ୍ର ମାଝୀଙ୍କ ପାଇଁ ଆଜି ନିର୍ବାଚନ ପ୍ରଚାରରେ ସୁଦୂର ପଶ୍ଚିମବଙ୍ଗ ଧର୍ମଗୁରୁ ମତୁୟା ମହାସଂଘ, ସାଂସଦ ବୋନଗାଁ ତଥା କେନ୍ଦ୍ରମନ୍ତ୍ରୀ ଭାରତ ସରକାରଙ୍କ ଶାନ୍ତାନୁ ଠାକୁର ଯୋଗଦେଇ ପ୍ରଚାର କରିଛନ୍ତି। ମୋଦି ସରକାରଙ୍କ ବିଭିନ୍ନ ଜନହିତକର ଯୋଜନା ସମ୍ପର୍କରେ କହିବା ସହ ଦଳୀୟ ପ୍ରାର୍ଥୀଙ୍କ ପାଇଁ ଭୋଟ ଭିକ୍ଷା କରିଥିଲେ।
ଏହି ଅବସରରେ ବିଧାୟକ ପ୍ରାର୍ଥୀ ସାଂସଦ ପ୍ରାର୍ଥୀଙ୍କ ସହ ଜିଲ୍ଲା ସଭାପତି ନିମାଇଁ ପାଲ, କମଲେସ ରାୟ, ଭବାନୀ ମୁଖାର୍ଜୀ, ଉତ୍ତମ ଓଝା, ମାଲକାନଗିରି ବ୍ଳକ ଉପାଧ୍ୟକ୍ଷ ନିରଞ୍ଜନ ହାଲଦାର, ପ୍ରହଲ୍ଲାଦ ବାସୁ, ନିହାରରଞ୍ଜନ ରାୟ, ସଞ୍ଜୟ ସରକାର, ଉଙ୍ଗା ପଡ଼ିଆମୀ, ଗଙ୍ଗା ସୋଡି, ଶ୍ୟାମଲ ସୁନାନୀ ପ୍ରମୁଖ ମଞ୍ଚାସିନ ଥିଲେ। ଏହି ଅବସରରେ ୫ ହଜାରୁ ଉର୍ଦ୍ଧ ଲୋକ ଉପସ୍ଥିତ ଥିଲେ।
ଏହି କାର୍ଯ୍ୟକ୍ରମର ପ୍ରଚାର ପ୍ରସାର ପାଇଁ ଆସିଥିବା ଗଣମାଧ୍ୟମ ପ୍ରତିନିଧି ବସିବା ପାଇଁ ବିଜେପି ଦଳ ପକ୍ଷରୁ କୌଣସି ବ୍ୟବସ୍ଥା କରାଯାଇନଥିବାରୁ ଶେଷରେ ବାଧ୍ୟ ହୋଇ ସାମ୍ବାଦିକମାନେ ତଳେ ବସି ରହିଥିବା ଦେଖିବାକୁ ମିଳିଥିଲା।
ହିନ୍ଦୁସ୍ଥାନ ସମାଚାର/ଶିବବ୍ରତ/ପ୍ରଦୀପ୍ତ/ସମନ୍ୱୟ
