ଭୁବନେଶ୍ୱର, 14 ଅକ୍ଟୋବର (ହି.ସ.)- ବରିଷ୍ଠ ବିଜେପି ନେତା ତଥା
ନୂଆପଡ଼ାର ବିଜେପି କାର୍ଯ୍ୟକାରିଣୀ ସଦସ୍ୟ ଶ୍ରୀ ଯଦୁନାଥ ପାଣିଗ୍ରାହୀଙ୍କ ମାଆ ଆଲ୍ହାଦିନି
ପାଣିଗ୍ରାହୀଙ୍କ ଦେହାନ୍ତରେ ଉପମୁଖ୍ୟମନ୍ତ୍ରୀ ଶ୍ରୀ କନକ ବର୍ଦ୍ଧନ ସିଂହଦେଓ ଗଭୀର ଶୋକ ପ୍ରକାଶ
କରିଛନ୍ତି ।
ଏକ ଶୋକବାର୍ତ୍ତାରେ ଶ୍ରୀ ସିଂହଦେଓ
କହିଛନ୍ତି, ଯଦୁନାଥ ପାଣିଗ୍ରାହୀଙ୍କ ମାଆ ଆଲ୍ହାଦିନି
ପାଣିଗ୍ରାହୀଙ୍କ ୮୮ ବର୍ଷ ବୟସରେ ଆଜି ସକାଳ ୫ ଘଟିକାରେ ଦେହାନ୍ତ ହୋଇଥିବା ଖବର ଶୁଣି ମୁଁ
ଅତ୍ୟନ୍ତ ଦୁଃଖିତ ଓ ମର୍ମାହତ । ସେ ଜଣେ ମିଷ୍ଟଭାଷୀ, ସ୍ନେହବତ୍ସଳା,
ଧର୍ମପରାୟଣା
ମହିଳା ଥିଲେ । ଯଦୁନାଥ ପାଣିଗ୍ରାହୀଙ୍କ ରାଜନୈତିକ ଜୀବନରେ ତାଙ୍କର ଵିଶେଷ ଅବଦାନ ମଧ୍ୟ
ରହିଥିଲା । ଏହି ଦୁଃଖଦ ସମୟକୁ ସାମନା କରିବାକୁ ପ୍ରଭୁ ଶ୍ରୀଜଗନ୍ନାଥ ତାଙ୍କୁ ଅସୀମ ଧୈର୍ଯ୍ୟ ଓ
ସାହସ ପ୍ରଦାନ କରନ୍ତୁ । ପବିତ୍ର କାର୍ତ୍ତିକ ମାସରେ ପରଲୋକଗାମୀ ହୋଇଥିବା ଦିବଂଗତ ଆତ୍ମାର
ସଦଗତି କାମନା କରିବା ସହିତ ଶ୍ରଦ୍ଧାଞ୍ଜଳି ଅର୍ପଣ କରୁଛି ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
