ଗାନ୍ଧିନଗର, ୧୬ ଅକ୍ଟୋବର (ହି.ସ.)- ଗୁଜୁରାଟ ରାଜ୍ୟର ମନ୍ତ୍ରୀମଣ୍ଡଳ ସମ୍ପ୍ରସାରଣ ଆନୁଷ୍ଠାନିକ ଭାବରେ ଘୋଷଣା କରାଯାଇଛି । ନୂତନ ମନ୍ତ୍ରୀମାନଙ୍କ ଶପଥ ଗ୍ରହଣ ସମାରୋହ ଶୁକ୍ରବାର, ଅକ୍ଟୋବର ୧୭ ତାରିଖ ପୂର୍ବାହ୍ନ ୧୧ଟା ୩୦ ରେ ଗାନ୍ଧୀନଗରର ମହାତ୍ମା ମନ୍ଦିରରେ କେନ୍ଦ୍ରୀୟ ବିଜେପି ନେତାମାନଙ୍କ ଉପସ୍ଥିତିରେ ଅନୁଷ୍ଠିତ ହେବ ।
ରାଜ୍ୟ ସୂଚନା ବିଭାଗ ଏକ ବିବୃତିରେ କହିଛି ଯେ, ମୁଖ୍ୟମନ୍ତ୍ରୀ ଭୂପେନ୍ଦ୍ର ପଟେଲଙ୍କ କ୍ୟାବିନେଟ ସମ୍ପ୍ରସାରଣରେ ନାମିତ ମନ୍ତ୍ରୀମାନଙ୍କ ଶପଥ ଗ୍ରହଣ ସମାରୋହ ୧୭ ଅକ୍ଟୋବର ଶୁକ୍ରବାର, ପୂର୍ବାହ୍ନ ୧୧ଟା୩୦ ରେ ଗାନ୍ଧୀନଗରର ମହାତ୍ମା ମନ୍ଦିରରେ ଅନୁଷ୍ଠିତ ହେବ । ରାଜ୍ୟପାଳ ଆଚାର୍ଯ୍ୟ ଦେବବ୍ରତ ଏହି ଉତ୍ସବରେ ନବନିଯୁକ୍ତ ମନ୍ତ୍ରୀମାନଙ୍କୁ ପଦ ଏବଂ ଗୋପନୀୟତାର ଶପଥ ପାଠ କରାଇବେ ।
କ୍ୟାବିନେଟ ସାଧାରଣତଃ ପ୍ରତି ବୁଧବାର ବୈଠକ ହୁଏ, କିନ୍ତୁ ଅକ୍ଟୋବର ୧୫ ରେ କୌଣସି ବୈଠକ ହୋଇନଥିଲା । ବିଜେପି ଏହାର ସମସ୍ତ ବିଧାୟକ ଏବଂ ମନ୍ତ୍ରୀମାନଙ୍କୁ ଦୁଇ ଦିନ ପାଇଁ ଗାନ୍ଧୀନଗରରେ ରହିବାକୁ ନିର୍ଦ୍ଦେଶ ଦେଇଛି । ସମସ୍ତଙ୍କୁ ଆଜି ଅପରାହ୍ନ ସୁଦ୍ଧା ଗାନ୍ଧୀନଗର ପହଂଚିବାକୁ ନିର୍ଦ୍ଦେଶ ଦିଆଯାଇଛି ।
ହିନ୍ଦୁସ୍ଥାନ ସମାଚାର / ପ୍ରଦୀପ୍ତ