ନୂଆଦିଲ୍ଲୀ 9 ଅକ୍ଟୋବର (ହି.ସ)- ପ୍ରଧାନମନ୍ତ୍ରୀ
ନରେନ୍ଦ୍ର ମୋଦି ଗୁରୁବାର ଦିନ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଗାଜା ଶାନ୍ତି
ଯୋଜନାର ପ୍ରଥମ ପର୍ଯ୍ୟାୟରେ ହୋଇଥିବା ଚୁକ୍ତିକୁ ସ୍ୱାଗତ କରି କହିଛନ୍ତି ଯେ ଏହା ଏହି ଅଞ୍ଚଳରେ
ସ୍ଥାୟୀ ଶାନ୍ତି ପାଇଁ ପଥ ପ୍ରଶସ୍ତ କରେ। ଏହି ଚୁକ୍ତି ଇସ୍ରାଏଲ ଏବଂ ହମାସ ମଧ୍ୟରେ ଦୁଇ ବର୍ଷର
ସଂଘର୍ଷ ପରେ ହୋଇଛି। ପ୍ରଧାନମନ୍ତ୍ରୀ ମୋଦିସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ସେୟାର
କରାଯାଇଥିବା ଏକ ପୋଷ୍ଟରେ କହିଛନ୍ତି, ଆମେ ରାଷ୍ଟ୍ରପତି ଟ୍ରମ୍ପଙ୍କ ଶାନ୍ତି ଯୋଜନାର ପ୍ରଥମ ପର୍ଯ୍ୟାୟରେ
ହୋଇଥିବା ଚୁକ୍ତିକୁ ସ୍ୱାଗତ କରୁଛୁ।ଏହା ପ୍ରଧାନମନ୍ତ୍ରୀ ନେତାନ୍ୟାହୁଙ୍କ ଦୃଢ଼ ନେତୃତ୍ୱର
ମଧ୍ୟ ପ୍ରତୀକ। ଆମେ ଆଶା କରୁଛୁ ଯେ ବନ୍ଧକଙ୍କ ମୁକ୍ତି ଏବଂ ଗାଜାର ଲୋକମାନଙ୍କୁ ବର୍ଦ୍ଧିତ
ମାନବୀୟ ସହାୟତା ସେମାନଙ୍କୁ ଆଶ୍ୱସ୍ତି ଦେବ ଏବଂ ସ୍ଥାୟୀ ଶାନ୍ତି ପାଇଁ ପଥ ପ୍ରଶସ୍ତ
କରିବ।ଉଲ୍ଲେଖନୀୟ ଯେ ରାଷ୍ଟ୍ରପତି ଟ୍ରମ୍ପ ଟ୍ରୁଥ ସୋଶିଆଲରେ ଗାଜା ଶାନ୍ତି ଚୁକ୍ତିର ପ୍ରଥମ ପର୍ଯ୍ୟାୟ ଘୋଷଣା କରି
ଲେଖିଛନ୍ତି, ମୁଁ ଏହି ଘୋଷଣା
କରି ବହୁତ ଗର୍ବ କରି ଲେଖୁଛି ଯେ ଇସ୍ରାଏଲ ଏବଂ
ହମାସ ଉଭୟ ଆମର ଶାନ୍ତି ଯୋଜନାର ପ୍ରଥମ ପର୍ଯ୍ୟାୟରେ ସ୍ୱାକ୍ଷର କରିଛନ୍ତି।
---------------
ହିନ୍ଦୁସ୍ଥାନ ସମାଚାର / ରଶ୍ମିତା
09 Oct 2025