ଗୌହାଟି୧୦ ନଭେମ୍ବର (ହି.ସ.)- ରାଜ୍ୟ କ୍ୟାବିନେଟ୍ ଆସାମ ବହୁବିବାହ ନିଷେଧ ବିଲ୍୨୦୨୫କୁ ମଞ୍ଜୁରୀ ଦେଇଛି। ଏହାକୁ ରାଜ୍ୟରେ ବହୁବିବାହ ପ୍ରଥା ଦୂର କରିବା ଦିଗରେ ଏକ ପ୍ରମୁଖ ପଦକ୍ଷେପ ବୋଲି ବିବେଚନା କରାଯାଉଛି। ଏହି ନିର୍ଣ୍ଣୟ ମୁଖ୍ୟମନ୍ତ୍ରୀ ଡକ୍ଟର ହିମନ୍ତ ବିଶ୍ୱ ଶର୍ମାଙ୍କ ଅଧ୍ୟକ୍ଷତାରେ ରବିବାର ରାତିରେ ଲୋକସେବା ଭବନରେ ଅନୁଷ୍ଠିତ କ୍ୟାବିନେଟ୍ ବୈଠକରେ ନିଆଯାଇଛି। ବୈଠକରେ ଆହୁରି ଅନେକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ମଧ୍ୟ ନିଆଯାଇଛି।କ୍ୟାବିନେଟ ଉତ୍ତର ଗୌହାଟିର ରଙ୍ଗମହଲରେ ଷ୍ଟେଟ ଅଫ ଦ ଆର୍ଟ ଜୁଡିଶିୟଲ ଟାଉନସିପ୍‌ର ପ୍ରଥମ ପର୍ଯ୍ୟାୟ ନିର୍ମାଣ ପାଇଁ ପ୍ରଶାସନିକ ଅନୁମୋଦନ ପ୍ରଦାନ କରିଛି। ଏହି ପ୍ରକଳ୍ପର ଆନୁମାନିକ ମୂଲ୍ୟ ୪୭୮.୭୮ କୋଟି ହେବ। ହାଇକୋର୍ଟ କମ୍ପ୍ଲେକ୍ସ ବିକାଶ (ପ୍ରଥମ ପର୍ଯ୍ୟାୟ) ଅଧୀନରେ ଏକ ଆଧୁନିକ ନ୍ୟାୟିକ କମ୍ପ୍ଲେକ୍ସ ନିର୍ମାଣ କରାଯିବ। ସମସ୍ତ କୋଠା ସେତୁ ଦ୍ୱାରା ପରସ୍ପର ସହିତ ଜଡିତ ହେବ। ଏହି ପରିସର ଅଞ୍ଚଳର ମୁଖ୍ୟ ନ୍ୟାୟିକ କେନ୍ଦ୍ର ହେବ। ଏହି ପ୍ରକଳ୍ପର ପ୍ରମୁଖ ଉପାଦାନଗୁଡ଼ିକ ମଧ୍ୟରେ ହାଇକୋର୍ଟ ବିଲ୍ଡିଙ୍ଗ (ଜି+4), ହାଇକୋର୍ଟ ବାର୍ କୋଠା (ଜି+6), ଏବଂ ହାଇକୋର୍ଟ ଅଫିସ୍ କୋଠା (ଜି+6) ଅନ୍ତର୍ଭୁକ୍ତ।

---------------

ହିନ୍ଦୁସ୍ଥାନ ସମାଚାର / ରଶ୍ମିତା