ପାଟନା, ୧୫ ନଭେମ୍ବର (ହି.ସ.)- ବିହାରର ଆରା ଲୋକସଭା ନିର୍ବାଚନମଣ୍ଡଳୀର ପ୍ରତିନିଧିତ୍ୱ କରୁଥିବା ଭାରତୀୟ ଜନତା ପାର୍ଟି (ବିଜେପି) ସାଂସଦ ଏବଂ ପୂର୍ବତନ କେନ୍ଦ୍ର ମନ୍ତ୍ରୀ ରାଜ କୁମାର ସିଂହ (ଆର.କେ. ସିଂହ)ଙ୍କୁ ଦଳରୁ ବହିଷ୍କାର କରାଯାଇଛି । ୨୦୨୫ ବିହାର ବିଧାନସଭା ନିର୍ବାଚନ ଫଳାଫଳ ଘୋଷଣା ହେବା ପରେ ତାଙ୍କୁ ଦଳ ବିରୋଧୀ କାର୍ଯ୍ୟକଳାପରେ ଲିପ୍ତ ଥିବା ଅଭିଯୋଗ କରି ବିଜେପିର ପ୍ରାଥମିକ ସଦସ୍ୟତାରୁ ନିଲମ୍ବିତ କରାଯାଇଥିଲା ।

ଆର.କେ. ସିଂହଙ୍କ ବିରୁଦ୍ଧରେ ଏହି କାର୍ଯ୍ୟାନୁଷ୍ଠାନ ଏପରି ଏକ ସମୟରେ ଆସିଛି ଯେତେବେଳେ ଜାତୀୟ ଗଣତାନ୍ତ୍ରିକ ମେଂଟ(ଏନଡିଏ) ବିହାରରେ ବିପୁଳ ସଂଖ୍ୟାଗରିଷ୍ଠତା ହାସଲ କରିଛି, କିନ୍ତୁ ଆଭ୍ୟନ୍ତରୀଣ ଦ୍ୱନ୍ଦ ଏବଂ ବିଦ୍ରୋହୀ ପ୍ରାର୍ଥୀମାନଙ୍କ ଯୋଗୁଁ ଦଳ ଅନେକ ଆସନରେ କ୍ଷତି ସହିଥିଲା । ନିର୍ବାଚନ ପ୍ରଚାର ସମୟରେ ଏବଂ ଏହାର ଚାରିପାଖରେ ଦଳ ବିରୋଧୀ କାର୍ଯ୍ୟକଳାପରେ ସମ୍ପୃକ୍ତି ଅଭିଯୋଗ ପରେ ଆର.କେ. ସିଂହଙ୍କ ବିରୁଦ୍ଧରେ ଏହି କାର୍ଯ୍ୟାନୁଷ୍ଠାନ ନିଆଯାଇଛି । ଆର.କେ. ସିଂହଙ୍କ ବିରୁଦ୍ଧରେ ନିର୍ବାଚନ ପ୍ରଚାର ସମୟରେ ଦଳୀୟ ପ୍ରାର୍ଥୀଙ୍କ ବିରୁଦ୍ଧରେ କାମ କରିବା ଏବଂ ମେଂଟ ଏବଂ ଦଳର ସ୍ୱାର୍ଥ ପାଇଁ କ୍ଷତିକାରକ ସାର୍ବଜନୀନ ବୟାନ ଦେବା ଅଭିଯୋଗ ହୋଇଛି । ଏହା ବିଶ୍ୱାସ କରାଯାଏ ଯେ, ଦଳୀୟ ନେତୃତ୍ୱ, ତାଙ୍କର ଏଭଳି କାର୍ଯ୍ୟକଳାପକୁ ଅନୁଶାସନହୀନତା ବୋଲି ବିଚାର କରି ସଂଗଠନକୁ ଏକ ଦୃଢ଼ ବାର୍ତା ପଠାଇବା ପାଇଁ ଏପରି କଠୋର ନିଷ୍ପତି ନେଇଛନ୍ତି ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ