କୋଲକାତା, ୧୫ ନଭେମ୍ବର (ହି.ସ.)- ଶନିବାର ସକାଳେ କୋଲକାତାର ବଡ ବଜାରରେ ଏକ ଭୟଙ୍କର ଅଗ୍ନିକାଣ୍ଡ ଘଟିଥିଲା । ଏଜ୍ରା ଷ୍ଟ୍ରିଟରେ ଥିବା ଏକ ବୈଦ୍ୟୁତିକ ସାମଗ୍ରୀ ଦୋକାନରେ ଲାଗିଥିବା ଅଗ୍ନିକାଣ୍ଡ ସମଗ୍ର ଅଂଚଳରେ ବ୍ୟାପକ ରୂପ ନେଇଥିଲା । ନିଆଁ ଏତେ ଭୀଷଣ ଥିଲା ଯେ ଏହା ଶୀଘ୍ର ନିକଟସ୍ଥ କୋଠା, ଅନ୍ୟାନ୍ୟ ଦୋକାନ ଏବଂ ଗୋଦାମକୁ ବ୍ୟାପି ଯାଇଥିଲା ।

ଅଗ୍ନିଶମ ବିଭାଗର ସୂଚନା ଅନୁଯାୟୀ, ଶନିବାର ସକାଳ ପ୍ରାୟ ୫ଟାରେ ଅଗ୍ନିକାଣ୍ଡ ଘଟିଥିବା ସୂଚନା ମିଳିଥିଲା । ପ୍ରାରମ୍ଭରେ ନିଆଁ ଲିଭାଇବା ପାଇଁ ୬ଟି ଦମକଳ ଗାଡ଼ି ଘଟଣାସ୍ଥଳରେ ପହଂଚିଥିଲା, କିନ୍ତୁ ନିଆଁର ଭୟାବହତା ଯୋଗୁଁ ପରେ ଏହି ସଂଖ୍ୟା ୨୧କୁ ବୃଦ୍ଧି କରାଯାଇଥିଲା । ଘଟଣାସ୍ଥଳରେ ଅଗ୍ନିଶମ କର୍ମଚାରୀମାନେ ନିରନ୍ତର ନିଆଁକୁ ନିୟନ୍ତ୍ରଣ କରିବାକୁ ଚେଷ୍ଟା କରୁଛନ୍ତି, ଯଦିଓ ଘନ ଜନବସତି ଅଂଚଳ ଏବଂ ପ୍ରଚୁର ପରିମାଣରେ ଦହନଶୀଳ ସାମଗ୍ରୀ ରହିଥିବାରୁ ନିଆଁକୁ ନିୟନ୍ତ୍ରଣ କରିବା ଅତ୍ୟନ୍ତ କଷ୍ଟକର ହୋଇଛି ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ