ବୈକୁଣ୍ଠପୁର/ରାୟପୁର, ୧ ଅପ୍ରେଲ (ହି.ସ.)- ଛତିଶଗଡ଼ର କୋରିୟା ଜିଲ୍ଲା ମୁଖ୍ୟାଳୟ ବୈକୁଣ୍ଠପୁରର ସରକାରୀ କୁକୁଡ଼ା ପାଳନ କେନ୍ଦ୍ରରେ ବାର୍ଡ଼ ଫ୍ଲୁ (ଏବିୟନ ଏନଫ୍ଲୁଏଞ୍ଜା) ବ୍ୟାପିଛି । ଏନେଇ ସୂଚନା ଦେଇଛି ଭୋପାଳ ସ୍ଥିତ ନେଶନାଲ ଇନଷ୍ଟିଚ୍ୟୁଟ ଅଫ ହାଇ ସିକ୍ୟୁରିଟି ଆନିମଲ ଡିଜିଜ୍ । ଏହାର ରିପୋର୍ଟ ସୋମବାର ବିଭାଗକୁ ମିଳିଛି । ଏହି ରିପୋର୍ଟ ମିଳିବା ପରେ ଜିଲ୍ଲା କଲେକ୍ଟର ଚନ୍ଦନ ସଞ୍ଜୟ ତ୍ରିପାଠୀଙ୍କ ନିର୍ଦ୍ଦେଶ କ୍ରମେ ଗତ ରାତିରେ ଜରୁରିକାଳୀନ ବୈଠକ କରି ସରକାରୀ କୁକୁଡ଼ା ପାଳନ କେନ୍ଦ୍ରର ସମସ୍ତ ଅଣ୍ଡା, କୁକୁଡ଼ାକୁ ନଷ୍ଟ କରାଯାଇଛି । ଜିଲ୍ଲା ପ୍ରଶାସନ ତ୍ୱରିତ କାର୍ଯ୍ୟାନୁଷ୍ଠାନ ସ୍ୱରୂପ ଏହାର ୧ କି.ମି. ପରିଧିକୁ ଇନଫେକ୍ଟେଡ ଜୋନ୍ ଏବଂ ୧୦ କି.ମି. ପରିଧିକୁ ସର୍ଭେଲାନ୍ସ ଜୋନ୍ ଘୋଷଣା କରିଛି । କୁକୁଡ଼ା ଏବଂ ଏହାର ଅଣ୍ଡା ବିକ୍ରୀ ଉପରେ ରୋକ୍ ଲଗାଯାଇଛି । ଏଥି ସହିତ ପୋଲଟ୍ରି ଏବଂ ସହ ଉତ୍ପାଦ (କୁକୁଡ଼ା, ଅଣ୍ଡା ଆଦି)ର ବଜାର ଏବଂ ଦୋକାନ ବନ୍ଦ କରାଯାଇଛି ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ