ବଲାଙ୍ଗିର, ୧ ଅପ୍ରେଲ (ହି.ସ.)- ଆଜି ଏପ୍ରିଲ ୧କୁ ସାରା ରାଜ୍ୟରେ ଉତ୍କଳ ଦିବସ ଭାବରେ ପାଳନ କରାଯାଉଥିବା ବେଳେ କୋସଳ ମିଳିତ କ୍ରିୟାନୁଷ୍ଠାନ କମିଟି ପକ୍ଷରୁ ସମଗ୍ର କୋସଳାଞ୍ଚଳର ଲୋକ ମାନେ ପ୍ରତିବାଦ ଜଣାଇବା ସହ ରାଜ୍ୟ ସରକାରଙ୍କ ବିରୁଦ୍ଧରେ ନିଜର ସ୍ବରକୁ ଶାଣିତ କରିଛନ୍ତି l ଏହି ଦିନକୁ କୋସଳ ପ୍ରେମୀ ମାନଙ୍କ ତରଫରୁ ପ୍ରତିବାଦ ସ୍ଵରୂପ କଳା ଦିବସ ଭାବରେ ଭାବରେ ପାଳନ କରାଯାଇଛି l ଏହି ଦିନକୁ ସଂଘର୍ଷ ଦିବସ ରୂପେ ପାଳନ କରାଯିବା ସହ ସମସ୍ତ କୋସଳ ପ୍ରେମୀ ମାନେ କଳା ବ୍ୟାଚ ପରିଧାନ କରିଛନ୍ତି l ଆଜି ସନ୍ଧ୍ୟାରେ ଜିଲ୍ଲାପାଳଙ୍କ ଅଫିସ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯିବା ପାଇଁ ନିଷ୍ପତ୍ତି ଗ୍ରହଣ କରାଯାଇଛି l

ଏହି ପରିପ୍ରେକ୍ଷୀରେ ଆଇନ ଶୃଙ୍ଖଳାକୁ ଦୃଷ୍ଟିରେ ରଖି ତଥା ଅପ୍ରୀତିକର ପରିସ୍ଥିତି ଆଶଂକା କରି ଆଜି ବଲାଙ୍ଗୀର ଟାଉନ୍ ପୋଲିସ ୫ ଜଣ କୋସଳବାଦୀ ନେତାଙ୍କୁ ଥାନାରେ ଆଣି ଅଟକ ରଖିଥିବା ସୂଚନା ମିଳିଛି l କୋସଳ ଆନ୍ଦୋଳନ ସହିତ ସମ୍ପୃକ୍ତ ଥିବା ନେତା ବିଭୂଦତ୍ତ ମିଶ୍ର, ମନୋରଞ୍ଜନ ସାହୁ, ପ୍ରସନ୍ନ ନେଗୀ, ରଣରାଜ ସିଂହଦେଓ ଓ ରବି ମିଶ୍ରଙ୍କୁ ନେଇ ଆଜି ସକାଳ ୬ଟାରେ ପୋଲିସ ଥାନାରେ ଅଟକ ରଖିଛି l

ହିନ୍ଦୁସ୍ଥାନ ସମାଚାର / ଗୋପବନ୍ଧୁ