ରାୟପୁର, ୧ ଅପ୍ରେଲ (ହି.ସ.)- କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଅପ୍ରେଲ ୪ ତାରିଖରେ ଦ୍ୱିଦିବସୀୟ ଗସ୍ତରେ ଛତିଶଗଡ଼ ଆସିବେ । ରାଜ୍ୟ ଗୃହମନ୍ତ୍ରୀ ବିଜୟ ଶର୍ମା ଆଜି ଏହି ସୂଚନା ଦେଇଛନ୍ତି । ସେ ସୂଚନା ଦେଇଛନ୍ତି ଯେ, କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଆସନ୍ତା ୪ ତାରିଖ ସଂନ୍ଧ୍ୟାରେ ରାୟପୁର ବିମାନ ବନ୍ଦରରେ ପହଂଚିବେ । ୫ ତାରିଖ ସକାଳେ ଦନ୍ତେୱାଡ଼ା ଯିବେ ଏବଂ ମା ଦନ୍ତେଶ୍ୱରୀଙ୍କ ଦର୍ଶନ କରିବେ । ଏହାପରେ ବସ୍ତର ପଣ୍ଡୁମ ମହୋତ୍ସବର ସମାପନ କାର୍ଯ୍ୟକ୍ରମରେ ସାମିଲ୍ ହେବେ ।

ଏହା ବ୍ୟତୀତ ଅମିତ ଶାହ ବିଜାପୁର, ସୁକମା, ଦନ୍ତେୱାଡ଼ା, ନାରାୟଣପୁରର ଜନପ୍ରତିନିଧି ମାନଙ୍କୁ ଭେଟିବେ । ଏବଂ ସେମାନଙ୍କ ସହିତ ଭୋଜନ କରିବେ । ଏହାପରେ ଶାହ ନକ୍ସଲ ଅପରେସନକୁ ସଫଳ କରିଥିବା କମାଣ୍ଡରମାନଙ୍କୁ ବସ୍ତରରେ ଭେଟିବେ ଏବଂ ରାୟପୁରରେ ଏକ ଉଚ୍ଚସ୍ତରିୟ ବୈଠକରେ ଯୋଗଦେବେ ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ